လံာ်လူၤကၣ် 10:18 - Sgaw Karen Common Bible

¹⁸ ယ့ၣ်ၡူးစံးဆၢအဝဲသ့ၣ်, “ယထံၣ်မုၣ်ကီၤလံၢ်ဟဲလီၤတဲာ်လၢမူခိၣ်ဒ်လီဝၢ်ဒံးအသိးလီၤ.

လံာ်လူၤကၣ် 10:18 Iomraidhean Croise

လံာ်ယၡါယၤ 14:12

ဘၤဘူၤလိၣ်အစီၤပၤ, ဆၣ်တူၢ်ဂီၤကပြုၢ်ကပြီၤဧၢ, နလီၤ တဲာ်ကွံာ်လၢမူခိၣ်လံ. လၢအပူၤကွံာ်န့ၣ်, နမၤန့ၢ်မၤနၢၤပှၤကလုာ်တဖၣ် ဘၣ်ဆၣ်ဒီး, ခဲအံၤနဘၣ်တၢ်ကွံာ်လီၤနၤဆူဟီၣ်ခိၣ်လိၤလံ.

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

လံာ်ယိၤဟၣ် 12:31

ခဲကနံၣ်အံၤ, မ့ၢ်တၢ်ဆၢကတီၢ်လၢဟီၣ်ခိၣ်ကဘၣ်တၢ်စံၣ်ညီၣ်အီၤ အဂီၢ်လီၤ. ခဲကနံၣ်အံၤပှၤလၢအပၢဟီၣ်ခိၣ်တဂၤန့ၣ်, ကဘၣ်တၢ်တၢၤကွံာ်အီၤလၢစီၤပၤအလီၢ်လီၤ.

လံာ်ယိၤဟၣ် 16:11

လၢကစၢ်ယွၤအတၢ်စံၣ်ညီၣ်အဂ့ၢ်, မ့ၢ်လၢပှၤလၢအပၢဟီၣ်ခိၣ် အံၤဘၣ်တၢ်စံၣ်ညီၣ်တ့ၢ်လံအီၤအဃိန့ၣ်လီၤ.

ဧ့ၤဘြံၤ 2:14

ဒ်အကိးဝဲအသိး, ဖိတဖၣ်အံၤမ့ၢ်ပှၤဘၣ်ဃးဒီးနီၢ်ခိနီၢ်ခီလၢဖံး လၢညၣ်သတးဒီးယ့ၣ်ၡူးအနီၢ်ကစၢ်ဒၣ်ဝဲဟံးန့ၢ်ပှၤဟီၣ်ခိၣ်ဖိ အက့ၢ်အဂီၤအန့ဆၢၣ်လီၤ. မၤဝဲဒ်အံၤမ့ၢ်ဒ်သိးဒီးခီဖျိအတၢ် သံန့ၣ်, ကမၤဟးဂီၤကွံာ်ပှၤလၢအအိၣ်ဒီးတၢ်စိတၢ်ကမီၤလၢ တၢ်သံအဖီခိၣ်တဂၤဒ်ပစံးတၢ်အသိးမုၣ်ကီၤလံၢ်,

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

လံာ်လီၣ်ဖျါ 20:2

အဝဲဒၣ်ဖီၣ်ဃာ်ပယိၤ, ဂုၢ်သ့ၣ်လၢထံးလၢသီတဘိလၢ အမ့ၢ်မုၣ်ကီၤလံၢ်မ့တမ့ၢ်စၤတၣ်, ဒီးစၢဃာ်အီၤလၢအနံၣ် တကထိအတီၢ်ပူၤလီၤ.

လံာ်လီၣ်ဖျါ 9:1

တၢ်န့ၣ်ဝံၤအလီၢ်ခံ, ကလူးယဲၢ်ဂၤတဂၤအူထီၣ်အကွဲၤ လီၤ. ယထံၣ်ဆၣ်တဖျၢၣ်လၢအဟဲလီၤတဲာ်ဆူဟီၣ်ခိၣ်, ဒီးဘၣ်တၢ်ဟ့ၣ်အီၤတၢ်ပူၤယိာ်အနီၣ်ဝံာ်လီၤ.