လံာ်လူၤကၣ် 10:17 - Sgaw Karen Common Bible

¹⁷ ပှၤနွံဆံဂၤဟဲက့ၤဝဲလၢတၢ်သူၣ်ဖှံသးညီဖးဒိၣ်အပူၤလီၤ. အဝဲသ့ၣ်စံးဝဲ, “ကစၢ်ဧၢ, တၢ်ဝံတၢ်နါတဖၣ်ဒၣ်လဲာ် စူၢ်ပကလုၢ်လၢနမံၤအဃိလီၤ.”

လံာ်လူၤကၣ် 10:17 Iomraidhean Croise

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မၢ်ကူး 16:17

ပှၤလၢအနာ်တၢ်တဖၣ်ကဘၣ်တၢ်ဟ့ၣ်လီၤအီၤလၢတၢ်စိတၢ်ကမီၤလၢကမၤ တၢ်လီၤလးတဖၣ်အဂီၢ်လီၤ. အဝဲသ့ၣ်ကဟီထီၣ်ကွံာ်တၢ်နါလၢယမံၤ ဒီးကကတိၤတၢ်လၢကျိာ်လီၤဆီတဖၣ်လီၤ.

လံာ်လူၤကၣ် 10:1

တၢ်မၤအသးတမံၤအံၤဝံၤအလီၢ်ခံန့ၣ်, ကစၢ်ယ့ၣ်ၡူးဃုထၢထီၣ်ကဒီးပှၤအသီနွံဆံဂၤ, ဒီးမၢလီၤအဝဲသ့ၣ်ခံဂၤတပူၤခံဂၤတပူၤ, ဒ်သိးအကလဲၤဆိလၢအဝဲဒၣ်အမဲာ်ညါဆူခူဝ့ၢ်ဒီး တၢ်လီၢ်ကိးပူၤဒဲးဖဲအဝဲဒၣ်ကလဲၤဝဲအလီၢ်န့ၣ်လီၤ.

လံာ်လူၤကၣ် 10:20

ဘၣ်ဆၣ်ဒီး, တဘၣ်သူၣ်ခုသးခုလၢတၢ်ဝံတၢ်နါတဖၣ်စူၢ်သု ကလုၢ်အဃိတဂ့ၤ. မ့မ့ၢ်, သူၣ်ခုသးခုလၢသုမံၤတဖၣ်ဘၣ်တၢ်ကွဲးလီၤပာ်အီၤလၢမူခိၣ် အဃိန့ၣ်တက့ၢ်.”

လံာ်လူၤကၣ် 10:9

မၤဘျါပှၤဆူးပှၤဆါဖဲဝ့ၢ်တဖျၢၣ်န့ၣ်အပူၤ, ဒီးစံးဘၣ်ပှၤအိၣ်ဖဲန့ၣ်တဖၣ်, ‘ကစၢ်ယွၤအဘီအမုၢ်ဟဲဘူးဒီးသုလံ.’

လံာ်လူၤကၣ် 9:1

ယ့ၣ်ၡူးကိးဖှိၣ်အပျဲၢ်အဘီၣ်တဆံခံဂၤ, ဒီးဟ့ၣ်အဝဲသ့ၣ်လၢတၢ်စိတၢ်ကမီၤဒီး ဟ့ၣ်စိဟ့ၣ်ကမီၤအဝဲသ့ၣ်လၢအကဟီထီၣ်ကွံာ်တၢ်ဝံတၢ်နါ, ဒီးကမၤဘျါက့ၤတၢ်ဆူးတၢ်ဆါတဖၣ်အဂီၢ်လီၤ.

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

အ့းဖ့းစူး 5:24

လၢတၢ်န့ၣ်အဃိမါတဖၣ်ကဘၣ်ဒိးပၢဒိးဆှၢအသးလၢအဝၤ တဖၣ်လၢတၢ်ကိးမံၤဒဲးအပူၤ, ဒ်တၢ်အိၣ်ဖှိၣ်ဒိးပၢဒိးဆှၢအသးလၢခရံာ်အသိးန့ၣ်လီၤ.