လံာ်လူၤကၣ် 10:15 - Sgaw Karen Common Bible

¹⁵ မ့မ့ၢ်နဲဒၣ်ဝ့ၢ်ကပ့းရနီၣ်ဧၢ, နသးအိၣ်ယူာ်ထီၣ်ထီနသးဆူမူခိၣ်, မ့ၢ်ဧါ. နကဘၣ်တၢ်တ့ၢ်လီၤနၤဆူလရာ်အပူၤလီၤ.”

လံာ်လူၤကၣ် 10:15 Iomraidhean Croise

လံာ်တၢ်ကဲထီၣ်အခီၣ်ထံး 11:4

ဒီးအဝဲသ့ၣ်စံးဝဲ, “ခဲကနံၣ်အံၤမ်ပကသူၣ်ထီၣ်သကိးဝ့ၢ် တဝ့ၢ်ဃုာ်ဒီးတၢးထီခၢၣ်သနၢၢ်တခါလၢအတုၤထီၣ်ဘးမူခိၣ်ဒ်သိး ပကမၤဒိၣ်မၤဖျါပမံၤဒီးပသုတလီၤပြံလီၤပြါလၢဟီၣ်ခိၣ်ဒီ ဘ့ၣ်ညါတဂ့ၤအဂီၢ်န့ၣ်တက့ၢ်.”

လံာ်ယၡါယၤ 5:14

ပှၤသံတဖၣ်အကီၢ်န့ၣ်သၣ်ဝံၤလီၤဒိလၢအဝဲသ့ၣ်ဒီးအိးထီၣ်အကိာ် ပူၤဖးလဲာ်န့ၣ်လီၤ. ယူၢ်လီၤကွံာ်ဝ့ၢ်ယရူၤၡလ့ၣ်အပှၤတူၢ်ဒိၣ်ကီၤဒိၣ် တဖၣ်ဃုာ်ဒီးပှၤမုၢ်ဆ့ၣ်မုၢ်ဂီၤလၢ အသီၣ်သဲပိၢ်ကလာ်တဖၣ်န့ၣ်လီၤ.

လံာ်ယံးရမံယၤ 51:53

ကီၢ်ဘၤဘူၤလိၣ်လဲၤ ထီၣ်ဆူမူကပိာ်လိၤဒီးဘှီထီၣ်တိာ်ဂံၢ်ဆူၣ် ဘါဆူၣ်တဖျၢၣ်ဖဲန့ၣ်မ့ၢ်သ့ဒၣ်လဲာ်, ယကမၢလီၤဒံးပှၤဂီၢ်မုၢ်လၢ ကမၤဟးဂီၤအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 26:20

ယကဆှၢလီၤနၤဆူပှၤသံတဖၣ် အကီၢ်ပူၤလၢနကလဲၤအိၣ်ဆိးဃုာ်ဒီးပှၤလၢအအိၣ်တ့ၢ်လၢ ပျၢၤတဖၣ်န့ၣ်လီၤ. ယကဒုးလဲၤအိၣ်နၤလၢ ဟီၣ်ခိၣ်အဖီလာ်လၢတၢ်ဟးဂီၤလီၤထူလီၤယိာ်အကျါ, လဲၤအိၣ်ဆိးဃုာ်ဒီးပှၤသံတဖၣ်န့ၣ်လီၤ. လၢတၢ်န့ၣ်အဃိ နကဲထီၣ်က့ၤကဒါတၢ်အိၣ်တၢ်ဆိးအလီၢ်ဒီးဟံးန့ၢ်နလီၢ်လၢ ပှၤအမူအကီၢ်ပူၤ, တသ့နီတစုလၢၤဘၣ်.

လံာ်ယဃ့းစက့လး 31:18

သ့ၣ်န့ၣ်မ့ၢ်ကီၢ်အဲၤကူပတူးအစီၤပၤဒီးအဝဲအပှၤဂီၢ်မုၢ်ခဲလၢာ်န့ၣ်လီၤ. သ့ၣ်တဖၣ်လၢဧ့ၤဒ့ၣ်တၤသၣ်လီၢ်အပူၤဒၣ်လဲာ်တထီဒီးတလီၤကဟု ကညီၢ်ထဲသိးအီၤဘၣ်. ဘၣ်ဆၣ်ခဲကနံၣ်အံၤဒ်သ့ၣ်တဖၣ်လၢ ဧ့ၤဒ့ၣ်တၤသၣ်လီၢ်အပူၤအသိးန့ၣ်, အဝဲကလဲၤလီၤဆူတၢ်သံအကီၢ်ပူၤ, ဒီးကအိၣ်ဆိးသကိးဒီးပှၤတဖၣ်လၢအယွၤတအိၣ်ဒီး ပှၤတဖၣ်လၢအဘၣ်တၢ်မၤသံအီၤလၢတၢ်ဒုးပျီအပူၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်စံးဝဲယကတိၤလံတၢ်လံ.

လံာ်ယဃ့းစက့လး 32:18

အဝဲစံးဝဲဒၣ်, “ပှၤကညီလၢအသံသ့ဧၢ, ဘၣ်မိၣ်ဘၣ်မးလၢ ကယဲၢ်ပှၤကီၢ်အဲၤကူပတူးဖိအါဂၤအဂီၢ်တက့ၢ်. ဆှၢလီၤ အဝဲသ့ၣ်ဃုာ်ဒီးပှၤကလုာ်ဂံၢ်ဆူၣ်ဘါဆူၣ်အဂၤတဖၣ်ဆူတၢ်သံ အကီၢ်ပူၤန့ၣ်တက့ၢ်.

လံာ်ယဃ့းစက့လး 32:20

ကီၢ်အဲၤကူပတူးအပှၤဂီၢ်မုၢ်ကလီၤဃံၤဃုာ်ဒီးပှၤတဖၣ်လၢ အဘၣ်တၢ်မၤသံအီၤလၢတၢ်ဒုးအပူၤန့ၣ်လီၤ. နးတဘ့ၣ်အိၣ် ကတဲာ်ကတီၤအသးလၢကမၤသံအဝဲခဲလၢာ်န့ၣ်လီၤ.

လံာ်ယဃ့းစက့လး 32:27

အဝဲသ့ၣ်တဖၣ်တဘၣ်တၢ်ဟ့ၣ်အီၤလၢတၢ်မၤလၤကပီၤအတၢ်ခူၣ်လီၤ ဘျၢလီၤဒ်ပှၤဒူပှၤဃိၤလၢပျၢၤတဖၣ်အသိးလၢအလဲၤထီၣ်ဆူ တၢ်သံအကီၢ်ပူၤန့ၣ်ဘၣ်. ပှၤဒူပှၤဃိၤတဖၣ်န့ၣ်ကံာ်တူာ်အသး လၢလၢပှဲၤပှဲၤ, အဝဲသ့ၣ်အနးတဖၣ်ဘၣ်တၢ်ပာ်လီၤအီၤလၢအခိၣ် တဖၣ်အဖီလာ်ဒီးအကတီၤတဖၣ်လၢအမိၢ်ပှၢ်တဖၣ်အလိၤန့ၣ်လီၤ. ပှၤဒူပှၤဃိၤတဖၣ်အံၤတဘျီန့ၣ်အိၣ်ဒီးအစိကမီၤလၢလၢပှဲၤပှဲၤ လၢကမၤပျံၤပှၤမူတဖၣ်န့ၣ်လီၤ.

လံာ်ဧိၤဘါဒယၤ 1:4

နမ့ၢ်ယူၤနဲထီမးဒ်လံာ်ကြီကြာ်အသိး ဒီးနမ့ၢ်ပာ်နသွံလၢဆၣ်ဧိၤဖီဧိၤအကျါဘၣ်ဆၣ်, ယကထုးလီၤနၤလၢတၢ်လီၢ်အဝဲန့ၣ်လီၤ.

လံာ်မးသဲ 10:28

တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.

လံာ်မးသဲ 11:23

နဲဒၣ်ဝ့ၢ်ကပ့းရနီၣ်ဧၢ, နအဲၣ်ဒိးဘၣ်တၢ်ပာ်ဒိၣ်ပာ်ထီနၤတုၤ လၢမူခိၣ်န့ၣ်ဧါ. ယွၤကတ့ၢ်လီၤကွံာ်နၤဆူလရာ်အပူၤလီၤ. တၢ်လီၤလးတဖၣ်လၢအဘၣ်တၢ်မၤအီၤလၢနပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်စဒိၣ်အပူၤဒီး, ဝ့ၢ်အံၤကအိၣ်ဒံးတုၤမုၢ်မဆါတနံၤအံၤလီၤ.

လံာ်မးသဲ 4:13

အဝဲတအိၣ်ဝဲဖဲဝ့ၢ်နစၤရ့းဘၣ်. မ့မ့ၢ်လဲၤအိၣ်ဝဲဆိးဝဲလၢဝ့ၢ်ကပ့းရနီၣ် လၢအသူၣ်လီၤအသးလၢပီၣ်လဲၣ်ကၤလံၤလါအနံၤလၢကီၢ်ဆၣ်စဘူလိၣ် ဒီးနးသၤလံအဃၢၤ,

လံာ်လူၤကၣ် 13:28

တုၤသုထံၣ်ဘၣ်စီၤအၤဘြၤဟၣ်, စီၤအံၤစဲး, ဒီးစီၤယၤကိာ်ဒီးဝံခဲလၢာ် အိၣ်လၢကစၢ်ယွၤအဘီအမုၢ်အပူၤ, ဖဲသုဝဲတခီသုဘၣ်တၢ်ညိကွံာ်သုလၢတၢ်ချၢန့ၣ်, သုကအိၣ်ဒီးတၢ်ဟီၣ်တၢ်ယၢၤ, ဒီးတၢ်မဲအ့ၣ်တဃံးဆံးဒိၣ်လဲၣ်.

လံာ်လူၤကၣ် 16:23

လၢပျုၤပူၤဖဲအဝဲဒၣ်ဘၣ်တူၢ်တၢ်နးမးန့ၣ်, အဝဲကွၢ်ထီၣ်တၢ်ဒီးထံၣ်စီၤအၤဘြၤဟၣ်လၢအယံၤ, အိၣ်ဒီးစီၤလါစရူးလၢအကပၤလီၤ.

လံာ်သိၣ်လီၤသီလီၤတၢ် 1:28

ဘၣ်မနုၤအဃိပကဘၣ်လဲၤဖဲန့ၣ်လဲၣ်. ပပျံၤတၢ်လီၤ. ပှၤလၢပဆှၢလီၤတ့ၢ်အီၤတဖၣ်တဲဘၣ်ပှၤလၢ, ပှၤဂီၢ်မုၢ်ဖဲန့ၣ် တဖၣ်အဂံၢ်အဘါဆူၣ်န့ၢ်ပှၤဒီးအနီၢ်ထီန့ၢ်ပှၤတက့ၢ်, ဒီးလၢအဝဲသ့ၣ်အိၣ်ဆိးလၢဝ့ၢ်တဖၣ်လၢအိၣ်ဒီးအခိၣ်ဒူလၢ အကစီၤထီၣ်ထီတုၤဝဲဆူမူခိၣ်န့ၣ်လီၤ. အဝဲသ့ၣ်ထံၣ်ဘၣ်ပှၤဧနးဖိတဖၣ်လၢအနီၢ်ဒိၣ်နီၢ်သွါဖဲန့ၣ်လီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.