လံာ်လူၤကၣ် 10:14 - Sgaw Karen Common Bible

¹⁴ ဖဲမုၢ်စံၣ်ညီၣ်အနံၤန့ၣ်, ကစၢ်ယွၤကပာ်ဖျါထီၣ်တၢ်သးကညီၤ လၢဝ့ၢ်ထါယၢၣ်ဒီးဝ့ၢ်စံဒိၣ်အဖီခိၣ်အါန့ၢ်လၢသုဖီခိၣ်တက့ၢ်လီၤ.

လံာ်လူၤကၣ် 10:14 Iomraidhean Croise

လံာ်ယိၤအ့လး 3:4

ဝ့ၢ်ထါယၢၣ်, ဝ့ၢ်စံဒိၣ်ဒီးကယဲၢ်လီၢ်ကဝီၤလၢကီၢ်ဖလ့ၡသးသ့ၣ်ဧၢ, သုကမၤယၤဒ်လဲၣ်. သုကျဲးစၢးလၢသုကမၤဆၢကဒါက့ၤယၤလၢ တၢ်တမံၤမံၤအဂီၢ်န့ၣ်ဧါ. သုမ့ၢ်မၤဒီး, ယကမၤဆၢကဒါက့ၤသုချ့ချ့ ကလဲာ်လီၤ.

လံာ်ဧၤမိၣ် 1:9

ဒီးယွၤစံးဝဲဒၣ်, “ပှၤဝ့ၢ်ထါယၢၣ်ဖိတဖၣ်မၤတ့ၢ်လံတၢ်ဒဲး ဘးတဘျီဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ် ကတၢၢ်န့ၣ်လီၤ. အဝဲသ့ၣ်စိာ်မၢကဲကုၢ်ကွံာ်ပှၤကီၢ်ဖိဒီတကီၢ် ညါဒ်ကုၢ်အသိးဆူကီၢ်အဒိၣ်အပူၤ, ဒီးတဟံးဃာ်ဘၣ်တၢ်ရ့တံၤရ့သကိးအတၢ်အၢၣ်လီၤလၢအမၤတ့ၢ်ဝဲ န့ၣ်ဘၣ်.

လံာ်ဧၤမိၣ် 3:2

“လၢပှၤကလုာ်ခဲလၢာ်လၢဟီၣ်ခိၣ်ချၢအကျါန့ၣ်, သုမ့ၢ်ပှၤထဲတကလုာ်ဧိၤလၢယသ့ၣ်ညါတ့ၢ်ယဲဒီးအံးထွဲကွၢ်ထွဲ တ့ၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးကဲထီၣ်သုတၢ်ကမၣ်လၢတၢ် လီၤပျံၤလီၤဖုးဖးဒိၣ်ဒီးလၢတၢ်န့ၣ်အဃိယဘၣ်စံၣ်ညီၣ်သုလၢ တၢ်န့ၣ်တဖၣ်အဂ့ၢ်လီၤ.”

လံာ်မးသဲ 10:15

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ်ကစၢ်ယွၤကပာ်ဖျါထီၣ်အတၢ်သး ကညီၤလၢပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အဖီခိၣ်အါန့ၢ်ဒံး အကပာ်ဖျါဝဲလၢပှၤတဖၣ်လၢဝ့ၢ်အဝဲန့ၣ်အပူၤအဖီခိၣ်တက့ၢ်လီၤ.

လံာ်မးသဲ 11:21

“ဝ့ၢ်ဃၤရၤစံၣ်ဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. ဝ့ၢ်ဘ့ၤသစဲဒၤဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. တၢ်လီၤလးတဖၣ်လၢအဘၣ်တၢ်မၤတ့ၢ်အီၤလၢသုပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်အပူၤဒီး, ပှၤဝ့ၢ်ဖိတဖၣ်ကကူထီၣ်သိးထီၣ်တ့ၢ်ထၢၣ်တၢ်ကံးယာ် ဒီးဖှံလီၤတ့ၢ်အသးဒီးဖၣ်ဆါဒ်သိးကပာ်ဖျါထီၣ် အတၢ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်ယိၤဟၣ် 3:19

တၢ်စံၣ်ညီၣ်မ့ၢ်ဒ်အံၤလီၤ. တၢ်ကပီၤဟဲနုာ်လီၤဆူဟီၣ်ခိၣ်, ဘၣ်ဆၣ်ပှၤဟီၣ်ခိၣ်ဖိအဲၣ်တၢ်ခံးဒိၣ်န့ၢ်ဒံးအအဲၣ်တၢ်ကပီၤ တက့ၢ်, မ့ၢ်လၢအတၢ်မၤတဖၣ်န့ၣ်အၢဝဲသီဝဲအဃိလီၤ.

ရိမ့ၤ 2:1

နမ့ၢ်မတၤဂ့ၤမတၤဂ့ၤ, နမ့ၢ်စံၣ်ညီၣ်ပှၤဂၤတဖၣ်ဒီးမၤတၢ်လၢ အဝဲသ့ၣ်မၤဝဲန့ၣ်, နကတိၤပူၤဖျဲးနသးအလီၢ်တအိၣ်ဘၣ်. မ့ၢ်နစံၣ်ညီၣ်လီၤက့ၤနသးဒၣ်နဲန့ၣ်လီၤ.

ရိမ့ၤ 2:27

လၢတၢ်န့ၣ်အဃိ, သုဝဲပှၤယူဒၤဖိတဖၣ်ကဘၣ်တၢ်စံၣ်ညီၣ်အီၤလၢပှၤကလုာ်ဂၤ တဖၣ်, မ့ၢ်လၢသုလုၣ်သ့ၣ်ခါပတာ်တၢ်သိၣ်တၢ်သီဖဲလၢသုကွဲး လီၤအီၤလၢလံာ်ပူၤဒီးသုဒိးတ့ၢ်လံတၢ်ကူးတရံးဒၣ်လဲာ်န့ၣ်လီၤ. အဂ့ၢ်ဒ်အံၤ, အဝဲသ့ၣ်စူၢ်တၢ်သိၣ်တၢ်သီဖဲလၢအဝဲသ့ၣ်တဒိး ဘၣ်တၢ်ကူးတရံးအီၤလၢနီၢ်ခိဒၣ်လဲာ်န့ၣ်လီၤ.