လံာ်လူၤကၣ် 10:12 - Sgaw Karen Common Bible

¹² ယစံးဘၣ်တဲဘၣ်သု, ဖဲမုၢ်စံၣ်ညီၣ်အနံၤန့ၣ်, ကစၢ်ယွၤကပာ်ဖျါထီၣ်တၢ်သးကညီၤလၢ ဝ့ၢ်စဒိၣ်အဖီခိၣ်အါန့ၢ်ဒံးဝ့ၢ်တဖျၢၣ်န့ၣ်တက့ၢ်လီၤ.

လံာ်လူၤကၣ် 10:12 Iomraidhean Croise

လံာ်တၢ်ကဲထီၣ်အခီၣ်ထံး 19:24

သတူၢ်ကလာ်န့ၣ်ယွၤမၢလီၤကးဒီးမ့ၣ်အူစူၤလီၤလၢဝ့ၢ်စဒိၣ် ဒီးဝ့ၢ်ဂမိရၤအဖီခိၣ်,

လံာ်သးသယုၢ်တၢ် 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဆါဒိၣ်န့ၢ်ဒံးပှၤအိၣ်လၢဝ့ၢ်စဒိၣ်အပူၤ တဖၣ်, လၢအဘၣ်သဂၢၢ်ဒီးတၢ်လီၤပှီၢ်သတူၢ်ကလာ်လၢကစၢ်ယွၤအစုတဖၣ်အတၢ် မၤအဃိန့ၣ်လီၤ.

လံာ်မးသဲ 10:15

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ်ကစၢ်ယွၤကပာ်ဖျါထီၣ်အတၢ်သး ကညီၤလၢပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အဖီခိၣ်အါန့ၢ်ဒံး အကပာ်ဖျါဝဲလၢပှၤတဖၣ်လၢဝ့ၢ်အဝဲန့ၣ်အပူၤအဖီခိၣ်တက့ၢ်လီၤ.

လံာ်မးသဲ 11:24

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ်ကစၢ် ယွၤကပာ်ဖျါထီၣ်အတၢ်သးကညီၤလၢဝ့ၢ်စဒိၣ် အဖီခိၣ်အါန့ၢ်အကပာ်ဖျါထီၣ်ဝဲလၢနဖီခိၣ်တက့ၢ်လီၤ.”

လံာ်မၢ်ကူး 6:11

သုလဲၤတၢ်လီၢ်တပူၤဂ့ၤတပူၤ ဂ့ၤပှၤမ့ၢ်တတူၢ်လိာ်သုဒီးတဒိကနၣ်သုဘၣ်ဒီး, ဟးထီၣ်ကွံာ်ဖဲန့ၣ်ဒီးတရုၤလီၤကွံာ်ဟီၣ်ခိၣ် ကမူၣ်လၢသုခီၣ်အလိၤတက့ၢ်. တၢ်န့ၣ်ကကဲထီၣ်တၢ်ပနီၣ်လၢ အဝဲသ့ၣ်မၤကမၣ်ဘၣ်လံတၢ်လံန့ၣ်လီၤ.”