လံာ်လူၤကၣ် 10:10 - Sgaw Karen Common Bible

¹⁰ ဘၣ်ဆၣ်ဒီးတဘျီလၢ်လၢ်ဖဲသုလဲၤလၢဝ့ၢ်တဖျၢၣ်အပူၤဒီးသု တဘၣ်တၢ်တူၢ်လိာ်ခီၣ်ဆၢသုဖဲန့ၣ်န့ၣ်, လဲၤလီၤဆူကျဲမုၢ်ခိၣ်ဒီးစံး,

လံာ်လူၤကၣ် 10:10 Iomraidhean Croise

လံာ်ယဃ့းစက့လး 2:5

ပှၤပူထီၣ်တၢ်ဖိတဖၣ်န့ၣ်, ဒိကနၣ်နၤမ့ၢ်ဂ့ၤ, တဒိကနၣ်နၤမ့ၢ်ဂ့ၤ, အဝဲသ့ၣ်ကသ့ၣ်ညါဝဲလၢဝံတဂၤအိၣ်လံလၢအဝဲသ့ၣ်အကျါလံန့ၣ်လီၤ.

လံာ်မးသဲ 10:14

ဒီးဟံၣ်မ့တမ့ၢ်ဝ့ၢ်တဖျၢၣ်ဖျၢၣ်မ့ၢ်တတူၢ်လိာ်သု, မ့ၢ်တဒိကနၣ်သုတၢ်ကတိၤဘၣ်ဒီးတုၤသုဟးထီၣ်လၢဟံၣ်အဝဲန့ၣ်မ့ၢ်ဂ့ၤ, ဝ့ၢ်အဝဲန့ၣ်မ့ၢ်ဂ့ၤ, တြူၤလီၤကွံာ်ဟီၣ်ခိၣ်ကမူၣ်လၢ သုခီၣ်လိၤတက့ၢ်.

လံာ်လူၤကၣ် 10:11

‘ဖၣ်ကမူၣ်ဖၣ်ဆါလၢသုဝ့ၢ်ပူၤလၢအအိၣ်ထီဝဲလၢပခီၣ်လၣ် အလိၤတဖၣ်ဒၣ်လဲာ်န့ၣ်, ပတြူာ်ကွံာ်ပဝဲထီဒါသုလီၤ. ဘၣ်ဆၣ်ဒီး, သ့ၣ်နီၣ်ထီၣ်တၢ်အဝဲအံၤတက့ၢ်. ကစၢ်ယွၤအဘီအမုၢ်ဟဲဘူးဒီးသုလံ.’

လံာ်လူၤကၣ် 10:9

မၤဘျါပှၤဆူးပှၤဆါဖဲဝ့ၢ်တဖျၢၣ်န့ၣ်အပူၤ, ဒီးစံးဘၣ်ပှၤအိၣ်ဖဲန့ၣ်တဖၣ်, ‘ကစၢ်ယွၤအဘီအမုၢ်ဟဲဘူးဒီးသုလံ.’

လံာ်လူၤကၣ် 9:5

ဖဲတၢ်လီၢ်တပူၤလၢ်လၢ်လၢပှၤတတူၢ်လိာ်မုာ်သုန့ၣ်, ဟးထီၣ်ကွံာ်လၢဝ့ၢ်အဝဲန့ၣ်အပူၤ, ဒီးတြုၤလီၤကွံာ်ဖၣ်ဆါကမူၣ်လၢသုခီၣ်လၣ်ဒ်သိး အကပာ်ဖျါထီၣ်တၢ်ပနီၣ်ဘၣ်ဃးတၢ်အုၣ်အသးထီဒါအဝဲသ့ၣ်န့ၣ် တက့ၢ်.”

မၤတၢ် 13:51

ဘၣ်ဆၣ်ဒီးပှၤတၢ်မၢဖိတဖၣ်တြုၤလီၤကွံာ်ဟီၣ်ခိၣ်ကမူၣ်လၢ အခီၣ်လၣ်ထီဒါအဝဲသ့ၣ်, ဒီးလဲၤဝဲဆူဝ့ၢ်အံၤကနံၤန့ၣ်လီၤ.

မၤတၢ် 18:6

ဖဲအဝဲသ့ၣ်ထီဒါဒီးကတိၤဒုၣ်ဒွဲၣ်အီၤန့ၣ်, အဝဲဒၣ်တြုၤလီၤကွံာ် ဟီၣ်ခိၣ်ကမူၣ်လၢအကူအသိးအလိၤဒီးစံးဘၣ်အဝဲသ့ၣ်, “သုမ့ၢ်တုၤလၢတၢ်ဟးဂီၤဒီးမ့ၢ်သုတၢ်ကမၣ်ဒၣ်သုဝဲလီၤ. တၢ်ကမၣ်တလီၤတီလၢယလိၤဘၣ်. စးထီၣ်ခဲအံၤဒီးဆူညါန့ၣ်ယကလဲၤစံၣ်တဲၤတဲလီၤတၢ် လၢပှၤကလုာ်ဂၤတဖၣ်အသိးအကျါလီၤ.”