လံာ်လူၤကၣ် 10:1 - Sgaw Karen Common Bible

¹ တၢ်မၤအသးတမံၤအံၤဝံၤအလီၢ်ခံန့ၣ်, ကစၢ်ယ့ၣ်ၡူးဃုထၢထီၣ်ကဒီးပှၤအသီနွံဆံဂၤ, ဒီးမၢလီၤအဝဲသ့ၣ်ခံဂၤတပူၤခံဂၤတပူၤ, ဒ်သိးအကလဲၤဆိလၢအဝဲဒၣ်အမဲာ်ညါဆူခူဝ့ၢ်ဒီး တၢ်လီၢ်ကိးပူၤဒဲးဖဲအဝဲဒၣ်ကလဲၤဝဲအလီၢ်န့ၣ်လီၤ.

လံာ်လူၤကၣ် 10:1 Iomraidhean Croise

လံာ်ယဃ့းစက့လး 8:11

ကီၢ်အံၣ်စရ့လးအခိၣ်အနၢ်အဂၤနွံဆံအိၣ်ဝဲဖဲန့ၣ်, အိၣ်ဃုာ်ဒီးစီၤၡၤဖၣ်အဖိခွါစီၤယၤစါနယၤလီၤ. တဂၤစုာ်စုာ်ဟံးဃာ်တၢ်နၢမူအသပၢၤမ့ၣ်အူ, ဒီးတၢ်နၢမူအမ့ၣ်အူလုၣ်ခုၣ်ထီၣ်ဝဲန့ၣ်လီၤ.

လံာ်တၢ်ဂံၢ် 11:16

ယွၤစံးဘၣ်စီၤမိၤၡ့, “ကိးဖှိၣ်ပှၤအဂၤနွံဆံလၢအဘၣ်တၢ် ယူးယီၣ်ပာ်ကဲအီၤဒီးဘၣ်တၢ်သ့ၣ်ညါအီၤဒ်ပှၤဂီၢ်မုၢ်အခိၣ်အနၢ် တဖၣ်, ဟဲကိးအီၤဆူယွၤအိၣ်ဝဲဆိးဝဲအဒဲစီဆှံဒီးတဲဘၣ်အဝဲသ့ၣ် လၢကဆၢထၢၣ်ဖဲန့ၣ်လၢနကပၤတက့ၢ်.

လံာ်လူၤကၣ် 1:17

အဝဲဒၣ်ကလဲၤလၢကစၢ်အမဲာ်ညါအိၣ်ဒီးသးအဂံၢ်အဘါဒီးတၢ်စိတၢ် ကမီၤဒ်ဝံအ့ၤလံယၤအသိးန့ၣ်လီၤ. အဝဲဒၣ်ကဘိးဃၣ်က့ၤပၢ်တဖၣ်အသးဆူဖိတဖၣ်အအိၣ်, အဝဲဒၣ်ကဃၣ်ကဒါက့ၤပှၤတဒိကနၣ်တၢ်တဖၣ်ဆူပှၤတီပှၤလိၤ အတၢ်ဆိကမိၣ်အကျဲ, အဝဲဒၣ်ကကတဲာ်ကတီၤကစၢ်ယွၤ အပှၤဂီၢ်မုၢ်တဖၣ်လၢယွၤအဂီၢ်လီၤ.”

လံာ်လူၤကၣ် 1:76

နဲဒၣ်ယဖိခွါ, နကဘၣ်တၢ်ကိးနၤလၢ ကစၢ်ယွၤတၢ်ထီကတၢၢ်အဝံတဂၤန့ၣ်လီၤ. နကလဲၤဆိနဲလၢကစၢ်အမဲာ်ညါ ဒ်သိးနကကတဲာ်ကတီၤကျဲလၢအဂီၢ်,

လံာ်လူၤကၣ် 7:13

ဖဲကစၢ်ထံၣ်ပိာ်မုၣ်အဝဲန့ၣ်, အဝဲဒၣ်အသးပူၤပှဲၤဒီးတၢ်သးကညီၤဘၣ်အီၤ, ဒီးစံးဘၣ်ပိာ်မုၣ်န့ၣ်, “တဘၣ်ဟီၣ်တဂ့ၤ.”

လံာ်လူၤကၣ် 7:19

ဒီးဆှၢအီၤဆူကစၢ်အအိၣ်ဒ်သိးအကသံကွၢ်အီၤ, “နမ့ၢ်နဲပှၤတဂၤလၢစီၤယိၤဟၣ်စံးလၢအကဟဲန့ၣ်ဧါ. မ့တမ့ၢ်ဘၣ်ဒီး, မ့ၢ်ပကဘၣ်အိၣ်ခိးကွၢ်လၢ်ပှၤတဂၤဒၣ်ဒံးဧါ.”

လံာ်လူၤကၣ် 9:52

အဝဲဒၣ်ဆှၢလီၤဆိပာ်ပှၤစိာ်တၢ်ကစီၣ်တဖၣ်လၢအမဲာ်ညါ, ဒီးအဝဲသ့ၣ်ဟးထီၣ်ဒီးလဲၤနုာ်လီၤဆူပှၤၡၤမရံဖိအသဝီတဖျၢၣ်အပူၤ, ဒ်သိးအကအိၣ်ကတဲာ်ကတီၤပာ်တၢ်ခဲလၢာ်ခဲဆ့လၢအဝဲဒၣ်အဂီၢ်လီၤ.