လံာ်လူၤကၣ် 1:8 - Sgaw Karen Common Bible8 ဘၣ်မုၢ်တနံၤန့ၣ်စီၤစဃၤရံမၤအတၢ်မၤဒ်ပှၤလုၢ်တၢ်အခိၣ်တဂၤအသိး လၢတၢ်လုၢ်ဟံၣ်အပူၤ, အဂ့ၢ်မ့ၢ်လၢအတုၤဃီၤအဝဲဒၣ်အတီၤလၢအကဟံးန့ၢ်မူဒါဖဲ တနံၤဘၣ်တနံၤအတၢ်ဘူၣ်တၢ်ဘါအကတီၢ်အဃိန့ၣ်လီၤ. Faic an caibideil |
လံာ်လူၤကၣ် 1:8
16 Iomraidhean Croise
လၢပှၤလုၢ်တၢ်အခိၣ်တဖၣ်လၢအအိၣ်ဆိးဝဲလၢစီၤအၤဟရိၣ်အစၢၤ အသွဲၣ်အတၢ်န့ၢ်သါအဝ့ၢ်တဖၣ်အပူၤမ့ၢ်ဂ့ၤ, လၢဝ့ၢ်တဖၣ်န့ၣ်အတၢ်အီၣ်ဆၣ်လီၢ်လါဟ့အပူၤမ့ၢ်ဂ့ၤအကျါပှၤ အိၣ်မူအိၣ်ဒါတဖၣ်အိၣ်စ့ၢ်ကီးဝဲလၢအနီၤလီၤတၢ်အီၣ်တၢ်အီဆူ ကယဲၢ်ပှၤပိာ်ခွါတဖၣ်လၢပှၤလုၢ်တၢ်အခိၣ်အဟံၣ်ဖိဃီဖိအအိၣ်ဒီး ဆူကယဲၢ်ပှၤတဂၤလၢ်လၢ်လၢအမံၤအိၣ်ဝဲလၢပှၤလ့ၤဝံအဒူၣ်ထၢ အတၢ်ကွဲးနီၣ်အပူၤအအိၣ်န့ၣ်လီၤ.
စီၤပၤယဃံးစကံၤယၤဒုးအိၣ်ထီၣ်ကဒါက့ၤတၢ်ကရၢကရိ ဘၣ်ထွဲဒီးပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်, လၢအဝဲသ့ၣ်တဂၤဘၣ်တဂၤစုာ်စုာ်အိၣ်ဒီးအမူအဒါလီၤတံၢ်လီၤဆဲးန့ၣ် လီၤ. မူဒါတဖၣ်အံၤအိၣ်စ့ၢ်ကီးဒီးတၢ်ဆူးကဲၤထီၣ်တၢ်လုၢ်မ့ၣ်အူ, တၢ်လုၢ်ထီၣ်တၢ်လုၢ်မၤဃူမၤဖိးတဖၣ်, တၢ်ဟံးန့ၢ်မူဒါလၢယွၤ အတၢ်လုၢ်ဟံၣ်အတၢ်ဘူၣ်တၢ်ဘါအပူၤ, တၢ်ဟ့ၣ်ထီၣ်တၢ်စံၣ်ထီၣ်ပတြၢၤဒီးတၢ်စံးဘျုးတဖၣ်လၢယွၤအတၢ် လုၢ်ဟံၣ်အလီၢ်တတီၤဘၣ်တတီၤအပူၤန့ၣ်လီၤ.
ပိာ်ထွဲထီၣ်တၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤတ့ၢ်အီၤလၢ အပၢ်စီၤဒၤဝံးအခံန့ၣ်, အဝဲကရၢကရိထီၣ်တနံၤဘၣ်တနံၤအတၢ်မၤလၢပှၤလုၢ်တၢ်အခိၣ်တဖၣ်အ ဂီၢ်, ဒီးလၢပှၤလ့ၤဝံဖိတဖၣ်လၢအမၤစၢၤပှၤလုၢ်တၢ်အခိၣ်တဖၣ်လၢတၢ် သးဝံၣ်ထါသးဝံၣ်တဖၣ်ဒီးလၢတၢ်မၤအဝဲသ့ၣ်အတၢ်မၤအပူၤအဂီၢ် န့ၣ်လီၤ. အဝဲကရၢကရိထီၣ်စ့ၢ်ကီးပှၤပၢၤတၢ်လုၢ်ဟံၣ်တဖၣ်တဖုဘၣ်တဖု လၢအကမၤအဝဲသ့ၣ်အမူအဒါတနံၤဘၣ်တနံၤဖဲတြဲၤဖးဒိၣ်တဘ့ၣ်စုာ် စုာ်, လီၤပလိာ်ဝဲဒီးကစၢ်ယွၤအပှၤကညီစီၤဒၤဝံးအတၢ်မၤလိာ်တဖၣ် န့ၣ်လီၤ.
ဘၣ်ဆၣ်ဒီးထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်ပှၤ လုၢ်တၢ်အခိၣ်အမူအဒါတဖၣ်လၢအဘၣ်ဃးဒီးတၢ်လုၢ်လီၢ်ဒီးတၢ်အိၣ် လၢတၢ်အလီၢ်စီဆှံကတၢၢ်အပူၤန့ၣ်လီၤ. တၢ်တဖၣ်အံၤမ့ၢ်နမူနဒါတဖၣ်မ့ၢ်လၢယဟ့ၣ်တ့ၢ်နၤတၢ်ဟ့ၣ်ဘၣ်ဃး ဒီးပှၤလုၢ်တၢ်အခိၣ် အဃိန့ၣ်လီၤ. ပှၤလၢအတကြၢးတဘၣ်တဂၤလၢ်လၢ်လၢအဟဲဘူးဒီးတၢ်အပီးအလီစီဆှံ တဖၣ်န့ၣ်ကဘၣ်တၢ်မၤသံကွံာ်အီၤန့ၣ်လီၤ.”
Sanasan