လံာ်လူၤကၣ် 1:79 - Sgaw Karen Common Bible

⁷⁹ ဒီးကပီၤလီၤလၢမူခိၣ်လၢ ပှၤကိးဂၤဒဲးလၢ အအိၣ်မူလၢတၢ်ခံးဒီးတၢ်သံအကဒုအပူၤ, ဒီးကဆှၢပခီၣ်ခါတဖၣ်ဆူ တၢ်ဃူတၢ်ဖိးအကျဲပူၤန့ၣ်လီၤ.”

လံာ်လူၤကၣ် 1:79 Iomraidhean Croise

လံာ်စီၤယိၤဘး 10:22

ကီၢ်တဘ့ၣ်လၢအပှဲၤဒီးတၢ်ခံးသူ, တၢ်အကဒုတဖၣ်ဒီးတၢ်သဘံၣ်ဘုၣ်, ဖဲတၢ်ကပီၤဒၣ်လဲာ်မ့ၢ်ဒ်တၢ်ခံးတၢ်နၤအသိးန့ၣ်လီၤ.

လံာ်စီၤယိၤဘး 3:5

ဒုးကဲထီၣ်အီၤလၢတၢ်ခံးဒီးတၢ်ခံးယိာ်အမုၢ်တနံၤန့ၣ်တက့ၢ်. မ်တၢ်အၢၣ်ကျၢၢ်ဘၢအီၤ, မ်မုၢ်အတၢ်ကပီၤသုတလီၤ ဘၣ်လၢအလိၤတဂ့ၤ.

စံးထီၣ်ပတြၢၤ 107:10

ပှၤတနီၤဆ့ၣ်နီၤဝဲလၢတၢ်ခံးတၢ်နၤ ဒီးတၢ်သူၣ်အုးသးအုးအပူၤ, ဒီးပှၤလၢတၢ်စၢဃာ်အီၤတဖၣ် တူၢ်ဘၣ်တၢ်နးတၢ်ဖှီၣ်လၢထးဧိၤတြၤဧိၤလီၤ.

စံးထီၣ်ပတြၢၤ 107:14

အဝဲဒၣ်စိာ်ထီၣ်ကွံာ်အဝဲသ့ၣ်လၢတၢ်ခံးတၢ်နၤ ဒီးတၢ်သူၣ်အုးသးအုးအဒိၣ်အဃိာ်အပူၤ, ဒီးမၤတဲာ်ကွံာ် အဝဲသ့ၣ်အထးသွဲတဖၣ်န့ၣ်လီး.

စံးထီၣ်ပတြၢၤ 23:4

တုၤယလဲၤလၢတၢ်သံအကဒု အကစၢၢ်ကဆူးပူၤဒၣ်လဲာ်န့ၣ်, ယတပျံၤဘၣ်တၢ်အၢဘၣ်. အဂ့ၢ်ဒ်အံၤ, နအိၣ်ဒီးယၤလီၤ. နနီၣ်ထိးဘိဒီးနနီၣ်ထိးတဘိန့ၣ် မၤမုာ်ထီၣ်က့ၤယၤလီၤ.

စံးထီၣ်ပတြၢၤ 25:12

ပှၤလၢအစူၢ်ယွၤန့ၣ်, ကမၤလိန့ၢ်တၢ်လၢအီၤဘၣ်ဃး ကျဲလၢအဝဲသ့ၣ်ကြၢးပိာ်ထွဲဝဲဒၣ်န့ၣ်လီၤ.

စံးထီၣ်ပတြၢၤ 44:19

ဒ်သိးနကမၤဟးဂီၤကွံာ်ပှၤလၢ ထွံၣ်ဟီၣ်ခိၣ်တဖၣ်အလီၢ်ပူၤ, ဒီးလုၣ်ဘၢတ့ၢ်ပှၤလၢတၢ်သံအတၢ်ခံးယိာ်န့ၣ်ဘၣ်.

တၢ်ကတိၤဒိ. 3:17

တၢ်ကူၣ်သ့မၤမုာ်မၤခုၣ်နတၢ်အိၣ်မူ, ဒီးဆှၢနၤလၢကျဲမုာ် ကျဲခုၣ်သ့ဝဲန့ၣ်လီၤ.

တၢ်ကတိၤဒိ. 8:20

ယလဲၤတၢ်လၢကျဲတီကျဲလိၤအပူၤ ဒီးယပိာ်ထွဲတၢ်စံၣ်ညီၣ်တီအကျဲတဖၣ်လီၤ.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ယၡါယၤ 42:7

သုကအိးထီၣ်ပှၤမဲာ်ဘျီၣ်တဖၣ်အမဲာ်ချံ, ဒီးမၤထူၣ်ဖျဲးထီၣ်ပှၤဘၣ်တၢ်စၢဃာ်လၢဃိာ်အဒၢးခံးသူတဖၣ် အပူၤန့ၣ်လီၤ.

လံာ်ယၡါယၤ 48:17

ကီၢ်အံၣ်စရ့လးအကစၢ်ယွၤစီဆှံ, ယွၤလၢအအုၣ်က့ၤခီၣ်က့ၤသုစံးဝဲ, “ယမ့ၢ်ယွၤ, သုကစၢ်ယွၤ, ပှၤတဂၤလၢအသးအိၣ်သိၣ်လိသုလၢ အတၢ်ဂ့ၤဒၣ်ဝဲအဂီၢ် ဒီးနဲၣ်သုဆှၢသုလၢကျဲတဘိလၢသုကြၢးလဲၤန့ၣ်လီၤ.

လံာ်ယၡါယၤ 48:22

“လၢပှၤတတီတလိၤတဖၣ်အဂီၢ်န့ၣ်တၢ်ဃူတၢ်ဖိးတအိၣ်ဘၣ်.” ယွၤစံးဝဲဒၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 49:9

ယကစံးဘၣ်ပှၤဘၣ်တၢ်စၢဃာ်လၢဃိာ်ပူၤတဖၣ်, ဟးထီၣ်လၢတၢ်သဘျ့အပူၤတက့ၢ်, ဒီးပှၤအိၣ်လၢတၢ်ခံးကျါတဖၣ်, ဟဲထီၣ်ဆူတၢ်ကပီၤအပူၤတက့ၢ်. အဝဲသ့ၣ်ကလီၤဂာ်ဒ်သိတဖၣ်လၢအအီၣ်အဆၣ်လၢတၢ်လူၢ်တဖၣ် အလိၤအသိးန့ၣ်လီၤ.

လံာ်ယၡါယၤ 59:8

ဒီးပှၤတပူၤဖျဲးဘၣ်နီတဂၤဖဲသုအိၣ်ဘူးအိၣ်တံၢ်န့ၣ်ဘၣ်. တၢ်တမံၤဂ့ၤတမံၤဂ့ၤလၢသုမၤအီၤန့ၣ်မ့ၢ်တၢ်စံၣ်ညီၣ်တတီလီၤ. သုပိာ်ထွဲကျဲလၢအက့ၣ်အကူဒီးပှၤလၢအလဲၤပိာ်ကျဲအဝဲန့ၣ် ပူၤဖျဲးတသ့နီတဂၤ, နီတစုဘၣ်.

လံာ်ယၡါယၤ 9:2

ပှၤလၢအဟးတ့ၢ်ဝဲလၢတၢ်ခံးတၢ်နၤအပူၤတဖၣ် ထံၣ်တ့ၢ်တၢ်ကပီၤဖးဒိၣ်လီၤ. အဝဲသ့ၣ်အိၣ်မူတ့ၢ်ဝဲလၢကီၢ်လၢအပှဲၤဒီးတၢ်ကဒုတဖၣ်, ဘၣ်ဆၣ်ဒီးအခဲအံၤတၢ်ကပီၤဆဲးလီၤဘၣ်အဝဲသ့ၣ်လီၤ.

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

လံာ်မးသဲ 4:16

ပှၤတဖၣ်လၢအအိၣ်ဆိးလၢတၢ်ခံးကျါ ထံၣ်ဘၣ်တၢ်ကပီၤဖးဒိၣ်လံ. တၢ်ကပီၤထီၣ်လၢပှၤတဖၣ်လၢအအိၣ်ဝဲလၢ တၢ်သံအကီၢ်အဂီၢ်လံ” (ၡါ. ၉:၁-၂).

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

လံာ်ယိၤဟၣ် 1:9

တၢ်ကပီၤနီၢ်နီၢ်အံၤမ့ၢ်တၢ်ကပီၤလၢအဟဲနုာ်ဆူဟီၣ်ခိၣ်ချၢဒီး ကပီၤထီၣ်လၢပှၤဟီၣ်ခိၣ်ဖိခဲလၢာ်အဂီၢ်န့ၣ်လီၤ.

လံာ်ယိၤဟၣ် 12:46

ယဟဲနုာ်ဆူဟီၣ်ခိၣ်ချၢဒ်တၢ်ကပီၤအသိး, ဒ်သိးပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, အသုတအိၣ်လၢၤလၢတၢ်ခံးကျါတဂ့ၤအဂီၢ်လီၤ.

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

လံာ်ယိၤဟၣ် 9:5

ဖဲယအိၣ်ဒံးလၢဟီၣ်ခိၣ်အံၤအပူၤဒီး, ယမ့ၢ်တၢ်ကပီၤလၢဟီၣ်ခိၣ် အဂီၢ်လီၤ.”

မၤတၢ် 10:36

သုသ့ၣ်ညါတၢ်ကစီၣ်လၢအဝဲဒၣ်ဆှၢလီၤဆူပှၤအံၣ်စရ့လးဖိ တကလုာ်အအိၣ်, လၢအဘိးဘၣ်သ့ၣ်ညါတၢ်သးခုအကစီၣ်ဘၣ်ဃးဒီးတၢ်ဃူတၢ်ဖိး ခီဖျိယ့ၣ်ၡူးခရံာ်, လၢအမ့ၢ်ပှၤကိးဂၤဒဲးအကစၢ်န့ၣ်လီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

ရိမ့ၤ 3:17

ဒီးတၢ်ဃူတၢ်ဖိးအကျဲန့ၣ်, အဝဲသ့ၣ်တသ့ၣ်ညါဝဲဘၣ်.

အ့းဖ့းစူး 5:8

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.