လံာ်လူၤကၣ် 1:72 - Sgaw Karen Common Bible

⁷² အဝဲဒၣ်စံးဝဲလၢအကဒုးနဲၣ်တၢ်သးကညီၤလၢ မိၢ်ပၢ်ဖံဖုလၢပျၢၤတဖၣ် ဒီးသ့ၣ်နီၣ်ထီၣ်အတၢ်အၢၣ်လီၤစီဆှံန့ၣ်လီၤ.

လံာ်လူၤကၣ် 1:72 Iomraidhean Croise

လံာ်တၢ်ကဲထီၣ်အခီၣ်ထံး 12:3

ဒီးပှၤလၢအဆိၣ်ဂ့ၤနၤန့ၣ်ယကဆိၣ်ဂ့ၤအီၤဒီးပှၤလၢအဆိၣ်အၢနၤ န့ၣ်ယကဆိၣ်အၢအီၤလီၤ. ဒီးခီဖျိနၤန့ၣ်ယကဆိၣ်ဂ့ၤကယဲၢ်ပှၤကလုာ်တဖၣ်ခဲလၢာ်န့ၣ်လီၤ.”

လံာ်တၢ်ကဲထီၣ်အခီၣ်ထံး 22:18

ကယဲၢ်ပှၤကလုာ်တဖၣ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ် ဂ့ၤတ့ၢ်နစၢၤနသွဲၣ်တဖၣ်အသိးလီၤ. တၢ်ခဲလၢာ်အံၤမ့ၢ်လၢနစူၢ်တ့ၢ်ယကလုၢ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 26:4

ယကဟ့ၣ်နၤနစၢၤနသွဲၣ်တဖၣ်အါဝဲဒ်ဆၣ်ဧိၤဖီဧိၤလၢမူခိၣ်အသိး ဒီးယကဟ့ၣ်အဝဲသ့ၣ်လၢတၢ်လီၢ်ခဲလၢာ်အံၤန့ၣ်လီၤ. ကယဲၢ်ပှၤကလုာ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ်ဂ့ၤ တ့ၢ်နစၢၤနသွဲၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 28:14

အဝဲသ့ၣ်အနီၣ်ဂံၢ်ကအါဝဲဂီၢ်ဝဲဒ်ဟီၣ်ခိၣ်အကမူၣ်ကမှံၤအဖီးတဖၣ် လၢဟီၣ်ခိၣ်လိၤအသိးန့ၣ်လီၤ. ဒီးကမၤလဲၢ်ထီၣ်အကီၢ်ဆူတၢ်လီၢ်ကိးကပၤဒဲးဒီးယကဆိၣ်ဂ့ၤပှၤ ကလုာ်ခဲလၢာ်ခီဖျိနၤဒီးနစၢၤနသွဲၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:16

တၢ်အၢၣ်လီၤအီလီၤန့ၣ်မ့ၢ်တၢ်လၢကစၢ်ယွၤမၤဝဲဒီးစီၤအၤဘြၣ်ဟၣ် ဒီးမ့ၢ်တၢ်အၢၣ်လီၤလၢအမၤဝဲဒီးစီၤအံၤစဲးန့ၣ်လီၤ.

စံးထီၣ်ပတြၢၤ 105:42

အဂ့ၢ်ဒ်အံၤ, အဝဲသ့ၣ်နီၣ်ထီၣ်က့ၤအတၢ်အၢၣ်လီၤအီလီၤစီဆှံ ဆူအခ့အပှၤစီၤအၤဘြၤဟၣ်န့ၣ်လီၤ.

စံးထီၣ်ပတြၢၤ 106:45

လၢအဝဲသ့ၣ်အဂီၢ် ယွၤသ့ၣ်နီၣ်ထီၣ်က့ၤ အတၢ်အၢၣ်လီၤအီလီၤဒီး လၢအတၢ်အဲၣ်ဒိၣ်ဝဲအဃိ, အဝဲထိၣ်ကဆှၣ်လီၤက့ၤအသးန့ၣ်လီၤ.

စံးထီၣ်ပတြၢၤ 111:5

အဝဲဒၣ်ဟ့ၣ်လီၤဝဲတၢ်အီၣ်တၢ်အီလၢ ပှၤလၢအမၤလၤကပီၤအီၤအဂီၢ်န့ၣ်လီၤ. တသးပ့ၤနီၣ်အတၢ်အၢၣ်လီၤအီလီၤနီတဘျီဘၣ်.

စံးထီၣ်ပတြၢၤ 98:3

အဝဲသ့ၣ်နီၣ်ထီၣ်တ့ၢ်အတၢ်အဲၣ်ဂၢၢ်ကျၢၤ ဒီးအတၢ်သးတီလၢ အံၣ်စရ့လးအပှၤဟံၣ်ဖိအဂီၢ်န့ၣ်လီၤ. ဟီၣ်ခိၣ်အကတၢၢ်ခဲလၢာ်ထံၣ်ဘၣ်တ့ၢ်လံ ပကစၢ်ယွၤအတၢ်အုၣ်က့ၤခီၣ်က့ၤန့ၣ်လီၤ.

လံာ်ယဃ့းစက့လး 16:60

ဘၣ်ဆၣ်ဒီးယကပာ်ကဲဒီးဟံးဃာ်တၢ်အၢၣ်လီၤအီလီၤလၢယမၤဒီးနၤ ဖဲနသးစၢ်အခါန့ၣ်ဒီးယကမၤတၢ်အၢၣ်လီၤအီလီၤတမံၤဒီးနၤလၢ ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ.

လံာ်ယဃ့းစက့လး 16:8

ဖဲယလဲၤတြူာ်ကဒီးတၢ်န့ၣ်, ယထံၣ်ဘၣ်လၢအကတီၢ်ဘၣ်လံ ဝဲလၢနကအဲၣ်တၢ်ကွံတၢ်အဂီၢ်လီၤ. ယမၤဘၢနနီၢ်ခိလၢအအိၣ်ဘ့ၣ် ဆ့န့ၣ်ဒီးယဆ့ကၤဖီခိၣ်ဒီးအၢၣ်လီၤလၢယကအဲၣ်နၤန့ၣ်လီၤ. မ့ၢ်လီၤ, ယမၤတၢ်တ့တၢ်ဖျီအတၢ်အၢၣ်လီၤတမံၤဒီးနၤ, ဒီးနကဲထီၣ်ယတၢ်န့ၣ်လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:42

ယကသ့ၣ်နီၣ်ထီၣ်က့ၤယတၢ်အၢၣ်လီၤဒီးစီၤယၤကိာ်, ဒီးစီၤအံၤစဲးဒီးစီၤအၤဘြၤဟၣ်, ဒီးယကမၤသီထီၣ်က့ၤယတၢ်အၢၣ်လီၤလၢယကဟ့ၣ်ယပှၤဂီၢ်မုၢ်လၢထံဧိၤကီၢ်ဧိၤန့ၣ်လီၤ.

လံာ်မံကၤ 7:20

နကဒုးနဲၣ်နတၢ်သးတီဒီးတၢ်အဲၣ်တပယူာ်ဃီဆူနပှၤဂီၢ်မုၢ်, စီၤအၤဘြၣ်ဟၣ်ဒီးစီၤယၤကိာ်အစၢၤအသွဲၣ်တဖၣ်, ဒ်နအၢၣ်လီၤတ့ၢ်တၢ်ဒီးပမိၢ်ပၢ်ဖံဖုသ့ၣ်လၢပျၢၤလံၤလံၤအသိး န့ၣ်လီၤ.

ရိမ့ၤ 11:28

မ့ၢ်လၢအဝဲသ့ၣ်တတူၢ်လိာ်တၢ်သးခုကစီၣ်အဃိ, ပှၤယူဒၤဖိတဖၣ်မ့ၢ်ကစၢ်ယွၤအဒုၣ်အဒါလၢသုဝဲပှၤကလုာ်ဂၤ တဖၣ်အဂီၢ်လီၤ. ဘၣ်ဆၣ်ဒီးမ့ၢ်လၢယွၤအတၢ်ဃုထၢအဃိ, အဝဲသ့ၣ်မ့ၢ်ယွၤအတံၤသကိးတဖၣ်လၢမိၢ်ပၢ်ဖံဖုလၢပျၢၤ တဖၣ်အဃိလီၤ.

ရိမ့ၤ 9:4

အဝဲသ့ၣ်မ့ၢ်ကစၢ်ယွၤအပှၤဂီၢ်မုၢ်ဒီးအဝဲဒၣ်ဒုးကဲထီၣ် အီၤလၢအဖိတဖၣ်ဒီးလီၣ်ဖျါထီၣ်အလၤကပီၤလၢအီၤ န့ၣ်လီၤ. အဝဲဒၣ်မၤအတၢ်အၢၣ်လီၤအီလီၤဒီးအဝဲ သ့ၣ်, ဒီးဟ့ၣ်လီၤအီၤလၢတၢ်သိၣ်တၢ်သီလီၤ. အဝဲသ့ၣ်အိၣ်ဒီးတၢ်ဘူၣ်ထီၣ်ဘါထီၣ်အမ့ၢ်အတီဒီးဒိးန့ၢ် ကစၢ်ယွၤအတၢ်အၢၣ်လီၤအီလီၤတဖၣ်န့ၣ်လီၤ.