လံာ်လူၤကၣ် 1:7 - Sgaw Karen Common Bible

⁷ အဝဲသ့ၣ်အဖိတအိၣ်နီတဂၤဘၣ်. အဂ့ၢ်မ့ၢ်လၢ နီၢ်အ့းလံၤစါဘ့းမ့ၢ်ပှၤတူာ်ဖိဒီးအဝဲဒၣ်ဒီးစီၤစဃၤရံခံဂၤလၢာ် အသးပှၢ်ထီၣ်ဖးဒိၣ်လံအဃိန့ၣ်လီၤ.

လံာ်လူၤကၣ် 1:7 Iomraidhean Croise

လံာ်တၢ်ကဲထီၣ်အခီၣ်ထံး 17:17

စီၤအၤဘြၤဟၣ်တီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ် လိၤန့ၣ်လီၤ. ဘၣ်ဆၣ်နံၤထီၣ်ဝဲဒၣ်ဖဲအဆိကမိၣ်ထီၣ်ဝဲ, “ပှၤလၢအသးအိၣ်လံအနံၣ်တကယၤန့ၣ်အဖိအိၣ်ဘၣ်ကသ့ စ့ၢ်ကီးဧါ. မ့ၢ်နီၢ်စၤရါလၢအသးအိၣ်အနံၣ်ခွံဆံန့ၣ်အဖိ အိၣ်ဘၣ်ကသ့စ့ၢ်ကီးဧါ.”

လံာ်တၢ်ကဲထီၣ်အခီၣ်ထံး 18:11

စီၤအၤဘြၤဟၣ်ဒီးနီၢ်စၤရါသ့ၣ်တဖၣ်အသးပှၢ်ထီၣ်ဝဲဒိၣ်မးဒီး နီၢ်စၤရါန့ၣ်အပိာ်မုၣ်အလုၢ်အလၢ်တလါတဘျီန့ၣ်ဆိကတီၢ်တ့ၢ်လံ အသးလံ.

လံာ်တၢ်ကဲထီၣ်အခီၣ်ထံး 25:21

ဒီးမ့ၢ်လၢနီၢ်ရံးဘကၤအဖိတအိၣ်ဘၣ်အဃိစီၤအံၤစဲးဘါထုကဖၣ် လၢအဂီၢ်န့ၣ်လီၤ. ဒီးယွၤစံးဆၢအတၢ်ထုကဖၣ်ဒီးနီၢ်ရံးဘကၤဒၢထီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 30:1

မ့မ့ၢ်နီၢ်ရၤဃ့လးန့ၣ်တဆံးစၢ်န့ၢ်အဖိနီတဂၤလၢစီၤယၤကိာ် အဂီၢ်ဘၣ်. ဒီးအသးက့ၣ်အဒီပုၢ်ဝဲၢ်မုၣ်နီၢ်လ့ၤအၤဒီးစံးဘၣ်စီၤယၤကိာ်, “ဟ့ၣ်ယၤလၢဖိတဖၣ်တက့ၢ်. မ့တမ့ၢ်ဘၣ်ဒီးယကသံလီၤ.”

လံာ်စီၤပၤအခီၣ်ထံးတဘ့ၣ် 1:1

ခဲအံၤစီၤပၤစီၤဒၤဝံးမ့ၢ်ပှၤတဂၤလၢအသးပှၢ်ဒိၣ်မး, ဒီးအခ့အပှၤတဖၣ်လုးဘၢအီၤလၢယၣ်လုးတဖၣ်ဒၣ်လဲာ်တလၢၤဘၣ်အီၤ လၢၤဘၣ်.

လံာ်စီၤပၤခံဘ့ၣ်တဘ့ၣ် 4:14

စီၤအလံၤၡါသံကွၢ်စီၤက့ၤဃစံ, “မ့မ့ၢ်ဒ်န့ၣ်ဒီး, ယမၤတၢ်မနုၤလၢအဝဲအဂီၢ်သ့လဲၣ်.” အဝဲစံးဆၢဝဲဒၣ်, “ဂ့ၤလံ. အဝဲတအိၣ်ဒီးအဖိခွါနီတဂၤဘၣ်. ဒီးအဝၤမ့ၢ်ပှၤတဂၤလၢအသးပှၢ်လံန့ၣ်လီၤ.”

လံာ်လူၤကၣ် 1:5

ဖဲဆၢကတီၢ်လၢစီၤဟ့ၤရိာ်ကဲကီၢ်ယူဒၤအစီၤပၤန့ၣ်, ပှၤလုၢ်တၢ်အခိၣ်လၢအမံၤမ့ၢ်စီၤစဃၤရံအိၣ်ဝဲဒၣ်တဂၤ ဒီးအဝဲဒၣ်ဘၣ်ထွဲလၢစီၤအဘံယၤတစိၣ်ပှၤလုၢ်တၢ်အခိၣ် အကရူၢ်လီၤ. အဝဲဒၣ်အမါအမံၤမ့ၢ်နီၢ်အ့းလံၤစါဘ့း ဒီးဘၣ်ထွဲစ့ၢ်ကီးလၢပှၤလုၢ်တၢ်အဒိၣ်အဒူၣ်ဖိထၢဖိန့ၣ်လီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

လံာ်လူၤကၣ် 1:8

ဘၣ်မုၢ်တနံၤန့ၣ်စီၤစဃၤရံမၤအတၢ်မၤဒ်ပှၤလုၢ်တၢ်အခိၣ်တဂၤအသိး လၢတၢ်လုၢ်ဟံၣ်အပူၤ, အဂ့ၢ်မ့ၢ်လၢအတုၤဃီၤအဝဲဒၣ်အတီၤလၢအကဟံးန့ၢ်မူဒါဖဲ တနံၤဘၣ်တနံၤအတၢ်ဘူၣ်တၢ်ဘါအကတီၢ်အဃိန့ၣ်လီၤ.

ရိမ့ၤ 4:19

အဝဲကအိၣ်အနံၣ်တကယၤဃၣ်ဃၣ်ဘၣ်ဆၣ်, ဖဲအဆိကမိၣ်ထီၣ်အနီၢ်ခိလၢအဘူးကသံအံၤအဂ့ၢ်, ဒီးဖဲအသ့ၣ်ညါလီၤတံၢ်ဝဲနီၢ်စၤရါအဖိအိၣ်တသ့လၢၤဘၣ် အဂ့ၢ်န့ၣ်, အတၢ်နာ်တလီၤစၢ်ဘၣ်.

ဧ့ၤဘြံၤ 11:11

စီၤအၤဘြၤဟၣ်အသးမ့ၢ်ပှၢ်သဃဲးတ့ၢ်မးဒီးနီၢ်စၤရါ မ့ၢ်ပှၤတူာ်ဖိသနာ်က့, လၢတၢ်စူၢ်တၢ်နာ်အပူၤစီၤအၤဘြၤဟၣ်ကဲထီၣ်ဘၣ်ပၢ်တဂၤလီၤ. အဝဲဒၣ်နာ်ဝဲလၢကစၢ်ယွၤကတီဒီးအတၢ်စံးပာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:2

စီၤအ့လကါနၤအိၣ်ဒီးအမါခံဂၤ, နီၢ်ဃးနၤဒီးနီၢ်ပနံးနၤလီၤ. နီၢ်ပနံးနၤအိၣ်ဒီးအဖိတဖၣ်ဘၣ်ဆၣ်ဒီးနီၢ်ဃးနၤအဖိတအိၣ်ဘၣ်.