လံာ်လူၤကၣ် 1:41 - Sgaw Karen Common Bible

⁴¹ ဖဲနီၢ်အ့းလံၤစါဘ့းနၢ်ဟူဘၣ်နီၢ်မၤရံအတၢ်ကတိၤဆၢဂ့ၤဆၢဝါန့ၣ်, ပှၤဖိသၣ်ဟူးဂဲၤဝဲလၢအဟၢဖၢပူၤလီၤ. နီၢ်အ့းလံၤစါဘ့းလၢထီၣ်ပှဲၤထီၣ်ဝဲဒီးသးစီဆှံ,

လံာ်လူၤကၣ် 1:41 Iomraidhean Croise

လံာ်တၢ်ကဲထီၣ်အခီၣ်ထံး 25:22

နီၢ်ရံးဘကၤကန့ၢ်ဘၣ်အဖိအသဃံာ်ဒီးတချုးအဝဲသ့ၣ်အိၣ်ဖျဲၣ်ထီၣ် ဒံးဘၣ်န့ၣ်အဝဲသ့ၣ်ကနိလိာ်သးလၢအမိၢ်အဟၢဖၢပူၤန့ၣ်လီၤ. ဒီးပိာ်မုၣ်စံးဝဲ, “ဘၣ်မနုၤအဃိတၢ်ဒ်သိးအံၤမၤအသးဒီး ယၤန့ၣ်လဲၣ်.” မၤသးဒ်န့ၣ်ဒီးအဝဲလဲၤသံကွၢ် တၢ်လၢယွၤလၢတၢ်စံးဆၢတမံၤအဂီၢ်န့ၣ်လီၤ.

စံးထီၣ်ပတြၢၤ 22:10

ယသန့ၤတ့ၢ်ယသးလၢနၤ စးထီၣ်မုၢ်တနံၤလၢယအိၣ်ဖျဲၣ်ထီၣ်လံၤလံၤ, ဒီးထီဘိနမ့ၢ်တ့ၢ်ယကစၢ်ယွၤလီၤ.

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

လံာ်လူၤကၣ် 1:40

အဝဲဒၣ်လဲၤနုာ်ဆူစီၤစဃၤရံအဟံၣ်ပူၤဒီးဆၢဂ့ၤဆၢဝါနီၢ်အ့းလံၤ စါဘ့းလီၤ.

လံာ်လူၤကၣ် 1:42

ဒီးကတိၤထီၣ်တၢ်လၢအကလုၢ်ဖးဒိၣ်ဒီးစံးဝဲ, “လၢပိာ်မုၣ်တဖၣ်ခဲလၢာ်အကျါန့ၣ်, နမ့ၢ်ပှၤဘၣ်ဆိၣ်ဂ့ၤကတၢၢ်ဒီးဖိသၣ်လၢနကဒၢထီၣ်အီၤ တဂၤန့ၣ်ဘၣ်ဆိၣ်ဂ့ၤဝဲဒၣ်လီၤ.

လံာ်လူၤကၣ် 1:44

အဂ့ၢ်ဒ်အံၤ, တစုဃီဖဲယနၢ်ဟူဘၣ်နတၢ်ကတိၤဆၢဂ့ၤဆၢဝါန့ၣ်, ဖိသၣ်အိၣ်လၢယဟၢဖၢပူၤတဂၤဟူးဂဲၤထီၣ်ဝဲလၢတၢ်သးခုအပူၤလီၤ.

လံာ်လူၤကၣ် 1:67

စီၤယိၤဟၣ်အပၢ်စီၤစဃၤရံလၢထီၣ်ပှဲၤထီၣ်လၢသးစီဆှံဒီး အဝဲဒၣ်ကတိၤထီၣ်ကစၢ်ယွၤအတၢ်ကစီၣ်လီၤ.

လံာ်လူၤကၣ် 4:1

ယ့ၣ်ၡူးလၢပှဲၤဝဲဒီးသးစီဆှံဖဲအဝဲဒၣ်ဟဲက့ၤလၢထံကျိယၢ်ဒ့ၣ်, ဒီးဘၣ်တၢ်ဆှၢအီၤလၢယွၤအသးန့ၣ်ဆူပှၢ်မုၢ်ကနၢ,

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

မၤတၢ် 4:8

တုၤနုၤတစုစီၤပ့းတရူးလၢထီၣ်ပှဲၤထီၣ်ဒီးသးစီဆှံဒီးအဝဲဒၣ်စံးဆၢက့ၤ အဝဲသ့ၣ်, “ပှၤခိၣ်ပှၤနၢ်ဒီးပှၤသူၣ်က့သးပှၢ်သ့ၣ်ဧၢ,

မၤတၢ် 6:3

သတးဒီးဒီပုၢ်ဝဲၢ်သ့ၣ်ဧၢ, ဃုထၢထီၣ်ပှၤနွံဂၤလၢသုကျါ, လၢအဘၣ်တၢ်သ့ၣ်ညါအီၤဒ်အမ့ၢ်ပှၤတဖၣ်လၢအလၢပှဲၤဒီးသးစီ ဆှံဒီးတၢ်ကူၣ်သ့ဒီးပကပာ်လီၤမူဒါတခါအံၤလၢအဝဲသ့ၣ် အစုပူၤလီၤ.

မၤတၢ် 7:55

မ့မ့ၢ်စီၤစတ့းဖၣ်လၢထီၣ်ပှဲၤထီၣ်ဒီးသးစီဆှံ, ကွၢ်ထီၣ်တၢ်ဆူမူခိၣ်ဒီးထံၣ်ဘၣ်ကစၢ်ယွၤအလၤကပီၤ, ဒီးထံၣ်ဝဲယ့ၣ်ၡူးအိၣ်ဆၢထၢၣ်လၢကစၢ်ယွၤအစုထွဲတခီ လီၤ.

မၤတၢ် 9:17

အန့ၣ်သတးဒီး, စီၤအနၤနံလဲၤဝဲဒီးလဲၤနုာ်ဝဲဆူဟံၣ်လၢ စီၤစီလူးအိၣ်ဝဲလၢအပူၤန့ၣ်လီၤ. အဝဲဒၣ်ပာ်ထီၣ်အစုလၢစီၤစီလူးအလိၤဒီးစံးဘၣ်အီၤ, “ယဒီပုၢ်ဝဲၢ်စီၤစီလူးဧၢ, ကစၢ်ယ့ၣ်ၡူးလၢနထံၣ်ဘၣ်အီၤလၢ ကျဲလၢနဟဲန့ၣ်, မၢလီၤယၤလၢနကထံၣ်ထီၣ်က့ၤတၢ်ဒီး နကလၢထီၣ်ပှဲၤထီၣ်ဒီးသးစီဆှံအဂီၢ်လီၤ.”

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

လံာ်လီၣ်ဖျါ 1:10

ဖဲကစၢ်အမုၢ်တနံၤန့ၣ်, ယွၤအသးစီဆှံပၢၤဃာ်ယၤဒီးယနၢ်ဟူတၢ်အကလုၢ်ဖးဒိၣ် လၢအသီၣ်လီၤဂာ်လၢကွဲၤအကလုၢ်, သီၣ်ထီၣ်ဝဲဒၣ်လၢ ယလီၢ်ခံန့ၣ်လီၤ.