လံာ်လူၤကၣ် 1:32 - Sgaw Karen Common Bible

³² အဝဲဒၣ်ကမ့ၢ်ပှၤအဒိၣ်ကစၢ်ယွၤတဂၤဒီးကဘၣ်တၢ်ကိးအီၤလၢ ယွၤလၢအမ့ၢ်တၢ်ထီကတၢၢ်တဂၤအဖိခွါလီၤ. ယွၤကစၢ်ယွၤကဒုးကဲအီၤလၢစီၤပၤဒ်ပှၤလၢအဝဲဒၣ်ဟဲလီၤစၢၤ ဝဲလၢအီၤ, စီၤဒၤဝံးတဂၤအသိး

လံာ်လူၤကၣ် 1:32 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:16

နကအိၣ်ဒီးနစၢၤနသွဲၣ်တဖၣ်ထီဘိ, ဒီးယကဒုးအိၣ်ဂၢၢ်ဆိးကျၢၤ နဘီနမုၢ်လီၤထူလီၤယိာ်လီၤ. နစၢၤနသွဲၣ်အတၢ်ပၢတၢ်ပြးန့ၣ်အကတၢၢ်တအိၣ်ဘၣ်နီတစု ဘၣ်.”

စံးထီၣ်ပတြၢၤ 132:11

နမၤတ့ၢ်တၢ်အၢၣ်လီၤအီလီၤ သမှံၤသပှၢ်တမံၤဒီး စီၤဒၤဝံး တၢ်အၢၣ်လီၤတမံၤလၢ နတထုးကွံာ်အီၤဘၣ်န့ၣ်လီၤ. “ယကဒုးကဲထီၣ်နဖိခွါတဖၣ်အကျါ တဂၤလၢ စီၤပၤ, ဒီးအဝဲကပၢတၢ်လၢ နလီၢ်န့ၣ်လီၤ.

စံးထီၣ်ပတြၢၤ 132:12

နဖိခွါတဖၣ်မ့ၢ်တီဒီးယတၢ်အၢၣ်လီၤအီၤလီၤ, ဒီးတၢ်မၤလိာ်တဖၣ်လၢ ယဟ့ၣ်လီၤအဝဲသ့ၣ်ဒီး, အဖိခွါတဖၣ်စ့ၢ်ကီး ကကဲထီၣ်စီၤပၤလၢ နလီၢ်တစိၤဘၣ်တစိၤန့ၣ်လီၤ.

လံာ်ယၡါယၤ 16:5

အန့ၣ်ဒီး, စီၤပၤဒၤဝံးအစၢၤအသွဲၣ်အကျါတဂၤကကဲစီၤပၤ, ဒီးအဝဲကပၢပှၤဂီၢ်မုၢ်လၢတၢ်သးတီဒီးတၢ်အဲၣ်တၢ်ကွံအပူၤလီၤ. တၢ်လၢအဘၣ်န့ၣ်, အဝဲကမၤဝဲချ့ချ့လီၤ. ဒီးတၢ်စံၣ်ညီၣ်တီ မၤအသးကစီဒီဧါန့ၣ်, ကကွၢ်ထွဲဝဲလီၤ.)

လံာ်ယံးရမံယၤ 17:25

အန့ၣ်ဒီး, အဝဲသ့ၣ်အစီၤပၤတဖၣ်ဒီးအစီၤပၤဖိခွါတဖၣ်ကဟဲနုာ်လီၤ လၢဝ့ၢ်ယရူၤၡလ့ၣ်အတြဲၤတဖၣ်, ဒီးကအိၣ်ဒီးစီၤလိၣ်စီၤပၤ အစိကမီၤတမံၤဃီဒ်စီၤဒၤဝံးမၤန့ၢ်တ့ၢ်ဝဲအသိးန့ၣ်လီၤ. အဝဲသ့ၣ်ကဒိးလ့ၣ်ကဟၣ်ဒီးကသ့ၣ်တဖၣ်ဃုာ်ဒီးကီၢ်ယူဒၤဒီးဝ့ၢ် ယရူၤၡလ့ၣ်အပှၤဂီၢ်မုၢ်, ဒီးဝ့ၢ်ယရူၤၡလ့ၣ်ကပှဲၤ ဝဲဒီးပှၤဂီၢ်မုၢ်ထီဘိန့ၣ်လီၤ.

လံာ်ယံးရမံယၤ 22:2

ဒီးဖဲန့ၣ်မၢယတဲဘၣ်စီၤပၤ, အပဒိၣ်ပပှၢ်တဖၣ်, ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢကဒိကနၣ်တၢ်လၢယွၤစံးတ့ၢ်ဝဲန့ၣ်လီၤ.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်မးသဲ 1:1

အအံၤမ့ၢ်တၢ်ကွဲးဖျါထီၣ်ယ့ၣ်ၡူးခရံာ်အတၢ်ဟဲလီၤစၢၤ အဂ့ၢ်လီၤ. အဝဲမ့ၢ်ပှၤဟဲလီၤစၢၤလၢစီၤဒၤဝံးလၢအဟဲလီၤစၢၤလၢစီၤ အၤဘြၣ်ဟၣ်လီၤ.

လံာ်မးသဲ 12:42

လၢမုၢ်စံၣ်ညီၣ်အနံၤန့ၣ်ၡဘၤ အနီၢ်ပၤမုၣ်ကဂဲၤဆၢထၢၣ်ဒီး ပှၤတစိၤအံၤဒီးကစံၣ်ညီၣ်ဃၣ်အီၤလီၤ. အဂ့ၢ်ဒ်အံၤအဝဲဟဲဝဲလၢတၢ်ဒ့ၣ်စၢၤဖးယံၤ, ဒ်သိးအကဒိကနၣ်စီၤၡလိၤမိၤအတၢ်ကူၣ်ဘၣ်ကူၣ်သ့အတၢ်သိၣ်လီၤသီ လီၤတဖၣ်လီၤ. ယစံးဘၣ်တဲဘၣ်သု, တၢ်တမံၤလၢအဒိၣ်န့ၢ်ဒံးစီၤၡလိၤမိၤအိၣ်ဖဲအံၤလီၤ.”

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်မၢ်ကူး 14:61

ဘၣ်ဆၣ်ဒီးယ့ၣ်ၡူးအိၣ်ဒၣ်ကစုဒု ဒီးတကတိၤဆၢတၢ်နီတဘီ ဘၣ်. ပှၤလုၢ်တၢ်အခိၣ်အဒိၣ်ကတၢၢ်တဂၤသံကွၢ်ကဒီးအီၤ, “နမ့ၢ်ခရံာ်, ကစၢ်ယွၤတၢ်ဘၣ်ဆိၣ်ဂ့ၤတဂၤအဖိခွါန့ၣ်ဧါ.”

လံာ်မၢ်ကူး 5:7

ဒီးကိးပသူထီၣ်လၢအကလုၢ်ဖးဒိၣ်ဒီးစံးဝဲ, “ယွၤလၢအဒိၣ်ကတၢၢ်ထီကတၢၢ်တဂၤအဖိခွါယ့ၣ်ၡူးဧၢ, မ့ၢ်နဘၣ်ဃးဒီးယၤဒ်လဲၣ်. ယဃ့ကညးနၤလၢယွၤအမဲာ်ညါမၤအၢမၤနးယၤတဂ့ၤ.”

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်လူၤကၣ် 1:76

နဲဒၣ်ယဖိခွါ, နကဘၣ်တၢ်ကိးနၤလၢ ကစၢ်ယွၤတၢ်ထီကတၢၢ်အဝံတဂၤန့ၣ်လီၤ. နကလဲၤဆိနဲလၢကစၢ်အမဲာ်ညါ ဒ်သိးနကကတဲာ်ကတီၤကျဲလၢအဂီၢ်,

လံာ်လူၤကၣ် 3:16

လၢတၢ်န့ၣ်အဃိ, စီၤယိၤဟၣ်စံးဘၣ်အဝဲသ့ၣ်ကိးဂၤဒဲး, “ယဲဒၣ်အံၤ, ယဘျၢသုလၢထံလီၤ. မ့မ့ၢ်ပှၤဟဲဝဲတဂၤလၢအဒိၣ်န့ၢ်ဒံးယၤစၢၢ်တလၢၢ်လီၤ. ယတကြၢးတဘၣ်ဒၣ်လဲာ်လၢယကဃ့ၣ်လီၤန့ၢ်အဝဲဒၣ် အခီၣ်ဖံးပျံၤအဂီၢ်န့ၣ်ဘၣ်. အဝဲဒၣ်ကဘျၢသုလၢသးစီဆှံဒီးလၢမ့ၣ်အူန့ၣ်လီၤ.

လံာ်လူၤကၣ် 6:35

တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

လံာ်ယိၤဟၣ် 12:34

ပှၤဂီၢ်မုၢ်စံးဆၢတၢ်ဒီးစံးဝဲ, “ပတၢ်သိၣ်တၢ်သီစံးဘၣ်ပှၤလၢ ခရံာ်ကမူဝဲလီၤစိၤလီၤထီလီၤ. မ့မ့ၢ်ဒ်န့ၣ်ဒီး, နစံးလၢပှၤကညီဖိခွါကဘၣ်တၢ်ယူာ်ထီၣ်အီၤန့ၣ်ကသ့ဒ်လဲၣ်. ပှၤကညီဖိခွါအံၤမ့ၢ်မတၤတဂၤလဲၣ်.”

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

မၤတၢ် 16:17

အဝဲဒၣ်ပိာ်ထီၣ်စီၤပီလူးဒီးပဝဲသ့ၣ်တဖၣ်အခံ, အိၣ်ဒီးတၢ်ကိး ပသူထီၣ်ဝဲ, “ပှၤသ့ၣ်တဖၣ်အံၤမ့ၢ်ကစၢ်ယွၤလၢအဒိၣ်ကတၢၢ် အထီကတၢၢ်တဂၤအခ့အပှၤလီၤ. အဝဲသ့ၣ်ဘိးဘၣ်သ့ၣ်ညါသုလၢသုကဘၣ်တၢ်အုၣ်က့ၤခီၣ် က့ၤသုဒ်လဲၣ်အဂ့ၢ်န့ၣ်လီၤ.”

မၤတၢ် 2:30

ဒ်အဝဲမ့ၢ်တ့ၢ်ဝံတဂၤအသိး, အဝဲသ့ၣ်ညါတၢ်လၢကစၢ်ယွၤအၢၣ်လီၤတ့ၢ်အီၤလၢအကမၤဝဲလၢ အဂီၢ်န့ၣ်လီၤ. ကစၢ်ယွၤမၤတၢ်အၢၣ်လီၤအီလီၤဒီးအီၤလၢ အကဒုးကဲထီၣ်အစၢၤအသွဲၣ်တဂၤလၢစီၤပၤ, ဒ်အဝဲကဲဘၣ်ဝဲအသိးန့ၣ်လီၤ.

မၤတၢ် 2:36

အန့ၣ်သတးဒီး, သုဝဲပှၤအံၣ်စရ့လးဖိခဲလၢာ်သုကဘၣ်သ့ၣ်ညါ လီၤတံၢ်လၢယ့ၣ်ၡူးလၢသုပျၤထီအီၤလၢထူၣ်စုညါလိၤတဂၤအံၤ, မ့ၢ်ပှၤလၢကစၢ်ယွၤဒုးကဲထီၣ်အီၤလၢကစၢ်ဒီးခရံာ်န့ၣ်လီၤ.”

မၤတၢ် 7:48

သနာ်က့, ကစၢ်ယွၤလၢအအိၣ်ထီၣ်ထီကတၢၢ်တဂၤန့ၣ်, တအိၣ်တဆိးဝဲလၢဟံၣ်လၢပှၤကညီမၤဝဲလၢအစုန့ၣ်ဘၣ်. ဒ်ဝံတဂၤန့ၣ်စံးဝဲအသိး,

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.