လံာ်လူၤကၣ် 1:28 - Sgaw Karen Common Bible

²⁸ ကလူးဟဲဆူအဝဲဒၣ်အအိၣ်ဒီးစံးဘၣ်အီၤ, “မ်တၢ်ဃူတၢ်ဖိးအိၣ်ဒီးနၤတက့ၢ်. ကစၢ်အိၣ်ဒီးနၤဒီးဆိၣ်ဂ့ၤတ့ၢ်လံနၤအဒိၣ်အမုၢ်လံ.”

လံာ်လူၤကၣ် 1:28 Iomraidhean Croise

လံာ်ယၡါယၤ 43:5

ပျံၤတၢ်တဂ့ၤ. ယအိၣ်ဒီးနၤလီၤ. ယကဟဲက့ၤစိာ်နပှၤဂီၢ်မုၢ်လၢတၢ်လီၢ်အယံၤဒီးတၢ်လီၢ်အယံၤ ကတၢၢ်လၢမုၢ်နုာ်ဆူအဟံၣ်လီၤ.

လံာ်ဒၤနံးယ့လး 10:19

ဒီးစံးဘၣ်ယၤ, “ကစၢ်ယွၤအဲၣ်နၤလီၤ. မၤသးဒ်န့ၣ်ဒီး ပျဲတၢ်မၤကိၢ်မၤဂီၤနၤမ့ၢ်ဂ့ၤတၢ်မၤပျံၤမၤဖုးနၤမ့ၢ်ဂ့ၤအိၣ်နီ တမံၤတဂ့ၤ.” ဖဲအစံးတၢ်အံၤဝံၤဒီး, မၤသးဒ်ယဂံၢ်ယဘါဆူၣ်ထီၣ်န့ၢ်အလီၢ်ဒီးယစံးဘၣ်အီၤ, “တၢ်ဒိၣ်ဧၢ, တဲဘၣ်ယၤတၢ်လၢနကဘၣ်တဲယၤန့ၣ်တက့ၢ်. နမၤဆူၣ်ထီၣ်က့ၤယၤလီၤ.”

လံာ်ဟိၤၡ့ 14:2

ဟဲက့ၤဆူယွၤအအိၣ်ဒီးဒုးကဲထီၣ်တၢ်ထုကဖၣ်အံၤလၢတၢ်လုၢ်တၢ် ပာ်ဆူအအိၣ်တက့ၢ်. ပျၢ်လၢ်ဘၣ်ပတၢ်ဒဲးဘးတဖၣ်ခဲလၢာ်ဒီးတူၢ်လိာ်ပတၢ်ထုကဖၣ်, ဒီးပကစံးထီၣ်ပတြၢၤနၤဒ်ပအၢၣ်လီၤတ့ၢ်အသိးန့ၣ်လီၤ.

လံာ်မးသဲ 12:48

ယ့ၣ်ၡူးစံးဆၢတၢ်ဒီးစံးဝဲ, “ယမိၢ်မ့ၢ်မတၤတဂၤလဲၣ်, ဒီးယဒီပုၢ်ဝဲၢ်မ့ၢ်မတၤတဖၣ်လဲၣ်.”

လံာ်လူၤကၣ် 1:27

အဝဲဒၣ်အိၣ်ဒီးတၢ်ကစီၣ်တမံၤလၢပှၤမုၣ်ကနီၤတဂၤလၢ အဘၣ်တၢ်အၢၣ်လီၤပာ်အီၤလၢအကကဲထီၣ်ပှၤတဂၤလၢ အမံၤမ့ၢ်စီၤယိၤသးအမါအဂီၢ်န့ၣ်လီၤ. စီၤယိၤသးမ့ၢ်ဝဲပှၤဟဲလီၤစၢၤလီၤသွဲၣ်လၢစီၤပၤဒၤဝံး အဒူၣ်ဖိထၢဖိဒီးမုၣ်ကနီၤအမံၤမ့ၢ်နီၢ်မၤရံလီၤ.

လံာ်လူၤကၣ် 1:29

နီၢ်မၤရံအသးဘၣ်တံာ်တာ်ဝဲဒိၣ်မးလၢကလူးအတၢ်ကစီၣ် တမံၤန့ၣ်အဃိဒီးဆိကမိၣ်ဝဲကလူးအတၢ်ကတိၤတဖၣ်န့ၣ်, မ့ၢ်တၢ်မနုၤလဲၣ်အဂ့ၢ်န့ၣ်လီၤ.

လံာ်လူၤကၣ် 1:30

ကလူးန့ၣ်စံးဘၣ်အီၤ, “တဘၣ်ပျံၤတၢ်တဂ့ၤနီၢ်မၤရံဧၢ, ယွၤမၤဘျုးမၤဖှိၣ်လံနၤလံ.

လံာ်လူၤကၣ် 1:42

ဒီးကတိၤထီၣ်တၢ်လၢအကလုၢ်ဖးဒိၣ်ဒီးစံးဝဲ, “လၢပိာ်မုၣ်တဖၣ်ခဲလၢာ်အကျါန့ၣ်, နမ့ၢ်ပှၤဘၣ်ဆိၣ်ဂ့ၤကတၢၢ်ဒီးဖိသၣ်လၢနကဒၢထီၣ်အီၤ တဂၤန့ၣ်ဘၣ်ဆိၣ်ဂ့ၤဝဲဒၣ်လီၤ.

မၤတၢ် 18:10

အဂ့ၢ်ဒ်အံၤယအိၣ်ဒီးနၤလီၤ. ပှၤမၤဆူးမၤဆါနၤတသ့နီတဂၤဘၣ်. အဂ့ၢ်မ့ၢ်လၢပှၤအါဒံအါဂၤလၢဝ့ၢ်တဖျၢၣ်အံၤအပူၤမ့ၢ်ယပှၤဂီၢ်မုၢ် အဃိလီၤ.”

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

လံာ်ပှၤစံၣ်ညီၣ်ကွီၢ် 5:24

ပိာ်မုၣ်လၢအဘူၣ်အတီၢ်ဂ့ၤကတၢၢ်မ့ၢ်ဝဲနီၢ်ယဧ့လး, ပှၤက့ၣ်ဖိစီၤဃ့ဘ့ၢ်အမါ, ပှၤအဘူၣ်အတီၤဂ့ၤကတၢၢ်လၢပိာ်မုၣ်တဖၣ်အကျါလၢအအိၣ်ဆိးလၢဒဲ တဖၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:12

ယွၤအကလူးအိၣ်ဖျါထီၣ်လၢအမဲာ်ညါဒီးစံးဘၣ်အီၤ, “ယွၤအိၣ်ဒီးနၤ, ပှၤအဒူဒီးအဂံၢ်အဘါဆူၣ်တဂၤဧၢ”.

လံာ်နီၢ်ရူၤသး 2:4

တယံာ်ဘၣ်ဒီး, စီၤဘိၤဧးအနီၢ်ကစၢ်ဒၣ်ဝဲဟဲတုၤဝဲ, လၢဝ့ၢ်ဘ့ၤသလ့ဃ့ၣ်ဒီးကတိၤဆၢဂ့ၤဆၢဝါပှၤကူးဘုဖိတဖၣ် ဒီးစံးဝဲ, “မ်ယွၤအိၣ်ဒီးသုတက့ၢ်.” ဒီးအဝဲသ့ၣ်စံးဆၢဝဲ, “မ်ယွၤဆိၣ်ဂ့ၤနၤတက့ၢ်.”