လံာ်လူၤကၣ် 1:26 - Sgaw Karen Common Bible

²⁶ ဖဲနီၢ်အ့းလံၤစါဘ့းအိၣ်ဒီးအဟုးအသးပှဲၤထီၣ်ဃုလါတလါန့ၣ်, ယွၤဆှၢလီၤကလူးကၤဘြံၤအ့လး ဆူဝ့ၢ်တဖျၢၣ်လၢအမံၤမ့ၢ်နစၤရ့း အိၣ်ဝဲဖဲကီၢ်ကၤလံၤလါန့ၣ်လီၤ.

လံာ်လူၤကၣ် 1:26 Iomraidhean Croise

လံာ်ဒၤနံးယ့လး 8:16

ဒီးယနၢ်ဟူဘၣ်တၢ်ကလုၢ်ကိးစိဃီၤလၢအူလဲၤအထံကျိဖး ဒိၣ်ဒီးစံးဝဲဒၣ်, “ကၤဘြံၤအ့လးဧၢ, တဲဖျါထီၣ်အီၤတၢ်လၢအထံၣ်ဘၣ် တ့ၢ်ဝဲတဖၣ်အခီပညီတက့ၢ်.”

လံာ်ဒၤနံးယ့လး 9:21

ဖဲယဘါထုကဖၣ်ဒံးတၢ်အဖၢမုၢ်ဒီး, ကလူးကၤဘြံၤအ့လးလၢယထံၣ်ဘၣ် တ့ၢ်လၢတၢ်ထံၣ်လၢညါခီအခီၣ်ထံးတဘျီအပူၤ န့ၣ်ဟဲယူၤလီၤဆူယအိၣ်တၢ်အလီၢ်န့ၣ်လီၤ. အကတီၢ်န့ၣ်မ့ၢ်ဝဲတၢ်လုၢ်မၤဘူၣ်လၢဟါ ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ.

လံာ်မးသဲ 2:23

ဒီးအိၣ်ဆိးဝဲလၢဝ့ၢ်နစၤရ့းလီၤ. လၢကျဲဒ်အံၤ ဝံတဖၣ်အတၢ်ကတိၤလၢ အစံး, “ခရံာ်ကဘၣ်တၢ်ကိးအီၤလၢပှၤနစၤရ့းဖိ” န့ၣ်လၢထီၣ်ပှဲၤထီၣ်ဝဲလီၤ.

လံာ်လူၤကၣ် 1:19

“ယဲဒၣ်အံၤယမ့ၢ်ကၤဘြံၤအ့လးလီၤ,” ကလူးစံးဆၢအီၤ, “ယဆၢထၢၣ်လၢယွၤအမဲာ်ညါဒီးအဝဲဒၣ် ဆှၢလီၤယၤဒ်သိးယကကတိၤတၢ်ဒီးနၤဒီးစံးဘၣ်တဲဘၣ်နၤ လၢတၢ်သးခုကစီၣ်တမံၤအံၤန့ၣ်လီၤ.

လံာ်လူၤကၣ် 2:39

ဖဲစီၤယိၤသးဒီးနီၢ်မၤရံမၤဝံၤတၢ်ခဲလၢာ်, ဒ်ကစၢ်အတၢ်သိၣ်တၢ်သီမၤလိာ်ဝဲအသိးလံန့ၣ်, အဝဲသ့ၣ်က့ၤကဒါက့ၤဆူအလီၢ်အိၣ်လီၢ်ဆိး, ဝ့ၢ်နစၤရ့းအိၣ်လၢကီၢ်ကၤလံၤလါအပူၤန့ၣ်လီၤ.

လံာ်လူၤကၣ် 2:4

စီၤယိၤသးဟးထီၣ်ဝဲဖဲဝ့ၢ်နစၤရ့းလၢကီၢ်ကၤလံၤလါ, ဒီးလဲၤဝဲဆူဝ့ၢ်ဘ့ၤသလ့ဃ့ၣ်လၢကီၢ်ယူဒၤ, ဝ့ၢ်လၢအမ့ၢ်ဝဲစီၤပၤဒၤဝံးအိၣ်ဖျဲၣ်ထီၣ်အလီၢ်လီၤ. စီၤယိၤသးလဲၤဝဲဖဲန့ၣ်, မ့ၢ်လၢအဝဲမ့ၢ်စီၤဒၤဝံးအစၢၤအသွဲၣ်တဂၤအဃိန့ၣ်လီၤ.

လံာ်ယိၤဟၣ် 7:41

အဂၤတနီၤစံးဝဲ, “အဝဲဒၣ်မ့ၢ်ခရံာ်န့ၣ်လီၤ.” ဘၣ်ဆၣ်ပှၤအဂၤတဖၣ်စံးဝဲ, “ခရံာ်တဟဲထီၣ်ဝဲဒၣ်လၢကီၢ် ကၤလံၤလါန့ၣ်ဘၣ်.