လံာ်လူၤကၣ် 1:2 - Sgaw Karen Common Bible

² အဝဲသ့ၣ်ကွဲးတၢ်ဂ့ၢ်ဘၣ်ထွဲဒီးပှၤလၢအထံၣ်ဘၣ်တၢ်သ့ၣ် တဖၣ်အံၤလၢအမဲာ်ချံဒၣ်ဝဲစးထီၣ်လၢအခီၣ်ထံးကတၢၢ် ဒီးတဲဘၣ်ပှၤ ဒီးဒုးဟူထီၣ်သါလီၤတၢ်ကစီၣ်တမံၤအံၤန့ၣ်လီၤ.

လံာ်လူၤကၣ် 1:2 Iomraidhean Croise

လံာ်မၢ်ကူး 1:1

လံာ်တၢ်သးခုအကစီၣ်ဘၣ်ဃးယ့ၣ်ၡူးခရံာ်, ကစၢ်ယွၤအဖိခွါန့ၣ်အခီၣ်ထံးမ့ၢ်ဒ်အံၤလီၤ.

လံာ်မၢ်ကူး 16:20

အပျဲၢ်အဘီၣ်တဖၣ်လဲၤဝဲဒီးစံၣ်တဲၤတဲလီၤတၢ်လၢတၢ်လီၢ်ကိး ပူၤဒဲးလီၤ. ကစၢ်ယ့ၣ်ၡူးမၤသကိးတၢ်ဒီးအဝဲသ့ၣ်, ဒီးခီဖျိတၢ်လီၤလးလၢအဘၣ်တၢ်မၤအီၤတဖၣ်န့ၣ်, ကစၢ်မၤဖျါထီၣ်လၢတၢ်ကစီၣ်လၢအဝဲသ့ၣ်စံၣ်တဲၤတဲလီၤဝဲန့ၣ် မ့ၢ်တၢ်အဘၣ်ဒီးတီဝဲလီၤ.] [

လံာ်မၢ်ကူး 4:14

တၢ်လၢပှၤဖှံလီၤတၢ်ချံတဂၤဖှံလီၤဝဲန့ၣ်မ့ၢ်ကစၢ်ယွၤအကလုၢ်ကထါလီၤ.

လံာ်လူၤကၣ် 24:48

ဘၣ်ဃးဒီးတၢ်သ့ၣ်တဖၣ်အံၤအဂ့ၢ်န့ၣ်, သုမ့ၢ်ပှၤအုၣ်အသးတဖၣ်လီၤ.

လံာ်ယိၤဟၣ် 15:27

ဒီးသုဝဲသ့ၣ်စ့ၢ်ကီး, သုကအုၣ်သုသးလၢယဂ့ၢ် မ့ၢ်လၢသုအိၣ်တ့ၢ်ဒီးယၤလၢတၢ်အခီၣ်ထံးလံၤလံၤ အဃိလီၤ.

လံာ်ယိၤဟၣ် 16:4

ဘၣ်ဆၣ်ယစံးဘၣ်တဲဘၣ်သုတၢ်တဖၣ်အံၤ, ဒ်သိးဖဲတၢ်ဆၢကတီၢ်တုၤဝဲလၢအဝဲသ့ၣ်မၤတၢ်သ့ၣ်တဖၣ် အံၤဒီး, သုကသ့ၣ်နီၣ်ထီၣ်က့ၤတၢ်လၢယစံးဘၣ်တ့ၢ်သု အဂီၢ်န့ၣ်လီၤ. လၢအခီၣ်ထံးန့ၣ်မ့ၢ်လၢယအိၣ်ဒံးဒီးသုအဃိ, ယတစံးဘၣ်တဲဘၣ်တ့ၢ်သုတၢ်သ့ၣ်တဖၣ်အံၤဘၣ်.

မၤတၢ် 1:3

အဝဲဒၣ်တူၢ်သံအသးဒီးဂဲၤဆၢထၢၣ်သမူထီၣ်က့ၤဝံၤအလီၢ် ခံလၢအသီလွံၢ်ဆံအတီၢ်ပူၤန့ၣ်, လီၣ်ဖျါထီၣ်အသးတဘျုးဘျီလၢအပျဲၢ်အဘီၣ်တဖၣ်အမဲာ်ညါ ဒီးစံးဘၣ်တဲဘၣ်အဝဲသ့ၣ်ဘၣ်ဃးယွၤအဘီမုၢ်အဂ့ၢ်န့ၣ်လီၤ. အပျဲၢ်အဘီၣ်တဖၣ်ထံၣ်ဘၣ်အီၤဒီးအဝဲသ့ၣ်အသးတဒ့ဒီဘၣ် လၢအဝဲဒၣ်မူဝဲနီၢ်နီၢ်အဂ့ၢ်န့ၣ်ဘၣ်လီၤ.

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 14:25

အဝဲသ့ၣ်စံၣ်တဲၤတဲလီၤတၢ်သးခုအကစီၣ်ဖဲဝ့ၢ်ပ့ၢ်က့ၤဝံၤအလီၢ်ခံ လဲၤဝဲဆူဝ့ၢ်အးတါလံၤလီၤ.

မၤတၢ် 16:6

မ့ၢ်လၢသးစီဆှံတပျဲအဝဲသ့ၣ်စံၣ်တဲၤတဲလီၤတၢ်ကစီၣ်ဖဲ ကီၢ်အၤစံဘၣ်အဃိ, အဝဲသ့ၣ်လဲၤခီဂာ်ကီၢ်ဖြူၤကံဒီး ကီၢ်ကလၤတံန့ၣ်လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

မၤတၢ် 26:16

ဘၣ်ဆၣ်ဒီးဂဲၤဆၢထၢၣ်တက့ၢ်. ယလီၣ်ဖျါထီၣ်ယသးလၢနမဲာ်ညါဒ်သိးယကဃုထၢထီၣ်နၤဒ်ယခ့ ယပှၤအသိးန့ၣ်လီၤ. နကဘၣ်စံးဘၣ်တဲဘၣ်ပှၤအဂၤတဖၣ်တၢ်လၢနထံၣ် ဘၣ်လၢယၤတနံၤအံၤဒ်လဲၣ်အဂ့ၢ်ဒီးတၢ်လၢယကဒုးနဲၣ်နၤလၢခံ န့ၣ်လီၤ.

မၤတၢ် 4:20

အဂ့ၢ်ဒ်လဲၣ်န့ၣ်, တၢ်လၢပထံၣ်ဘၣ်တ့ၢ်ဒီး နၢ်ဟူဘၣ်တ့ၢ်တဖၣ်န့ၣ်, ပဆိတ့ၢ်စံးကတိၤလၢအဂ့ၢ်တသ့ဘၣ်.”

မၤတၢ် 8:4

ပှၤစူၢ်က့ၤနာ်က့ၤတၢ်လၢအလီၤပြံလီၤပြါတဖၣ်လဲၤဝဲသကုၤ ဆးဒးဒီးစံၣ်တဲၤတဲလီၤတၢ်သးခုအကစီၣ်န့ၣ်လီၤ.

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

1 ကရံၣ်သူး 4:1

သုကြၢးထံၣ်ပှၤဒ်ပမ့ၢ်ခရံာ်အခ့အပှၤတဖၣ်လၢအဘၣ်တၢ်ဟ့ၣ် မူဟ့ၣ်ဒါအီၤဒ်သိးအကပၢၤဃာ်တၢ်ခူသူၣ်ဘၣ်ဃးဒီးကစၢ်ယွၤ အတၢ်မ့ၢ်တၢ်တီတဖၣ်န့ၣ်လီၤ.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၂ ပ့းတရူး 1:16

လၢပတၢ်ဒုးသ့ၣ်ညါသုပကစၢ်ယ့ၣ်ၡူးခရံာ်အတၢ်ဟဲလၢ အလီၤဘီလီၤမုၢ်အဂ့ၢ်အံၤန့ၣ်, တမ့ၢ်ပသန့ၤပသးလၢပူတဖၣ်လၢပှၤကညီဒုးကဲထီၣ်အီၤ န့ၣ်ဘၣ်. မ့မ့ၢ်ပထံၣ်ဘၣ်အတၢ်ဒိၣ်တၢ်မုၢ်လၢပမဲာ်ချံဒၣ်ပဝဲန့ၣ်လီၤ.