လံာ်လူၤကၣ် 1:19 - Sgaw Karen Common Bible

¹⁹ “ယဲဒၣ်အံၤယမ့ၢ်ကၤဘြံၤအ့လးလီၤ,” ကလူးစံးဆၢအီၤ, “ယဆၢထၢၣ်လၢယွၤအမဲာ်ညါဒီးအဝဲဒၣ် ဆှၢလီၤယၤဒ်သိးယကကတိၤတၢ်ဒီးနၤဒီးစံးဘၣ်တဲဘၣ်နၤ လၢတၢ်သးခုကစီၣ်တမံၤအံၤန့ၣ်လီၤ.

လံာ်လူၤကၣ် 1:19 Iomraidhean Croise

လံာ်ဒၤနံးယ့လး 8:16

ဒီးယနၢ်ဟူဘၣ်တၢ်ကလုၢ်ကိးစိဃီၤလၢအူလဲၤအထံကျိဖး ဒိၣ်ဒီးစံးဝဲဒၣ်, “ကၤဘြံၤအ့လးဧၢ, တဲဖျါထီၣ်အီၤတၢ်လၢအထံၣ်ဘၣ် တ့ၢ်ဝဲတဖၣ်အခီပညီတက့ၢ်.”

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်လူၤကၣ် 1:20

ဘၣ်ဆၣ်ဒီးယတၢ်ကစီၣ်လၢအကဟဲလၢထီၣ်ပှဲၤထီၣ်ဖဲဆၢ ကတီၢ်တုၤဃီၤအံၤန့ၣ်နတစူၢ်တနာ်နဲဒၣ်ဘၣ်. မ့ၢ်လၢနတစူၢ်တနာ်တၢ်အဃိ, နကအိၣ်တအုၣ်ဒီးအိၣ်ဘှ့ၣ်အိၣ်ဘှီၣ် တုၤဃီၤမုၢ်တနံၤဖဲ ယတၢ်အၢၣ်လီၤအီလီၤတၢ်ဒီးနၤဟဲလၢထီၣ်ပှဲၤထီၣ်ဝဲန့ၣ်လီၤ.”

လံာ်လူၤကၣ် 1:26

ဖဲနီၢ်အ့းလံၤစါဘ့းအိၣ်ဒီးအဟုးအသးပှဲၤထီၣ်ဃုလါတလါန့ၣ်, ယွၤဆှၢလီၤကလူးကၤဘြံၤအ့လး ဆူဝ့ၢ်တဖျၢၣ်လၢအမံၤမ့ၢ်နစၤရ့း အိၣ်ဝဲဖဲကီၢ်ကၤလံၤလါန့ၣ်လီၤ.

လံာ်လူၤကၣ် 2:10

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ. ယဟဲဖဲအံၤ, အိၣ်ဒီးတၢ်ကစီၣ်အမုာ်လၢသုဂီၢ်, လၢအကဟဲစိာ်တၢ်သးခုအဒိၣ်အအါလၢပှၤကိးကလုာ်ဒဲး အဂီၢ်လီၤ.

လံာ်လူၤကၣ် 21:36

ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”

ဧ့ၤဘြံၤ 4:14

ဒ်ပအိၣ်ဒီးပှၤလုၢ်တၢ်အခိၣ်အဒိၣ်ကတၢၢ်ယ့ၣ်ၡူးကစၢ်ယွၤ အဖိခွါတဂၤလၢအလဲၤခီဖျိတ့ၢ်မူခိၣ်, ယွၤအိၣ်တၢ်အလီၢ် အသိးန့ၣ်, မ်ပကဟံးဃာ်ဂၢၢ်ဂၢၢ်ကျၢၤကျၢၤပတၢ်စူၢ်တၢ်နာ် တက့ၢ်.