လံာ်လူၤကၣ် 1:15 - Sgaw Karen Common Bible

¹⁵ အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

လံာ်လူၤကၣ် 1:15 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 48:19

အပၢ်စီၤယၤကိာ်ဂ့ၢ်လိာ်တၢ်ဒီးစံးဝဲ, “ယသ့ၣ်ညါ, ယဖိခွါဧၢ, ယသ့ၣ်ညါကစီဒီလီၤ. စီၤမနၤၡ့ၤအစၢၤအသွဲၣ်တဖၣ်ကကဲထီၣ်စ့ၢ်ကီးပှၤဂီၢ်မုၢ်ဖးဒိၣ် တဖုန့ၣ်လီၤ. ဘၣ်ဆၣ်ဒီး, အပုၢ်ပိာ်ခွါကဒိၣ်ထီၣ်အါထီၣ်န့ၢ်ဒံးအီၤ, ဒီးအစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်တဖၣ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 17:8

ယအိၣ်တ့ၢ်ဒီးအီၤဖဲအလဲၤတ့ၢ်တၢ်တပူၤလၢ်လၢ်ဒီးယမၤနၢၤန့ၢ် တ့ၢ်ကယဲၢ်အဒုၣ်အဒါခဲလၢာ်လၢအမဲာ်ညါန့ၣ်လီၤ. ယကဒုးဟူထီၣ်သါလီၤအမံၤထဲသိးခိၣ်နၢ်အဒိၣ်အထီတဖၣ်လၢဟီၣ် ခိၣ်ချၢအံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:12

ကယဲၢ်တၢ်ထူးတၢ်တီၤတဖၣ်စ့ဒီးတၢ်စုလီၢ်ခီၣ်ခိၣ်န့ၣ်ဟဲလၢ နအိၣ်လီၤ. နပၢတၢ်ခဲလၢာ်လၢနဂံၢ်နဘါဒီးနစိနကမီၤ, ဒီးနဒုးကဲထီၣ်ပှၤတဂၤလၢ်လၢ်လၢပှၤအဒိၣ်ဒီးပှၤအဆူၣ်သ့ဝဲ န့ၣ်လီၤ.

စံးထီၣ်ပတြၢၤ 22:9

နမ့ၢ်ပှၤလၢအဟံးထီၣ်ယၤလၢယမိၢ်အဒၢလီၢ်အပူၤ, ဒီးဖဲယအီယမိၢ်အနုၢ်ထံအခါ, နကဟုဘံၣ်ကယာ်ဘၢယၤလီၤ.

လံာ်ယံးရမံယၤ 1:5

“ယဃုထၢတ့ၢ်နၤတချုးဒံးလၢယဟ့ၣ်နသးသမူဒၣ်လဲာ်, ဒီးတချုးဒံးလၢနအိၣ်ဖျဲၣ်ထီၣ်န့ၣ်, ယဃုထၢထီၣ်တ့ၢ်နၤဒ်သိး နကကဲထီၣ်ဝံတဂၤလၢပှၤကလုာ်တဖၣ်အဂီၢ်န့ၣ်လီၤ.”

လံာ်ယံးရမံယၤ 35:6

ဘၣ်ဆၣ်ဒီး, အဝဲသ့ၣ်စံးဆၢဝဲ, ပတအီစပံးထံဘၣ်. အဂ့ၢ်ဒ်အံၤ, စီၤရ့ကးအဖိခွါ ပပၢ်ဖးဒိၣ်လၢပျၢၤ စီၤယိၤနဒာ်စံးဘၣ်တ့ၢ်ပှၤလၢ ပဝဲမ့ၢ်ဂ့ၤ, ပစၢၤပသွဲၣ်တဖၣ်မ့ၢ်ဂ့ၤပတဘၣ်အီစပံးထံတမံၤဂ့ၤတမံၤဂ့ၤ နီတဘျီဘၣ်.

လံာ်စကၤရယၤ 9:15

ယွၤသ့တၢ်လၢာ်ကစၢ်ကအိၣ်ပှိၤဒီဒၣ်အပှၤဂီၢ်မုၢ်, ဒီးအဝဲသ့ၣ်ကမၤဟးဂီၤကွံာ်အဒုၣ်အဒါတဖၣ်န့ၣ်လီၤ. အဝဲသ့ၣ်ကကိးပသူထီၣ်လၢတၢ်ဒုးအပူၤဒ်ပှၤအီမူၤသံးတဖၣ်အသိး, ဒီးကဒုးယွၤလီၤအဒုၣ်အဒါတဖၣ်အသွံၣ်လီၤ. အဒုၣ်အဒါတဖၣ်အသွံၣ်ကလီၤဂာ်ဒ်တၢ်လုၢ်တၢ်ပာ်တမံၤ အသွံၣ်လၢအဘၣ်တၢ်လူလီၤအီၤလၢသလၢတဖျၢၣ်အပူၤဆူတၢ်လုၢ် လီၢ်အဖီခိၣ်အသိးန့ၣ်လီၤ.

လံာ်လူၤကၣ် 1:14

ဖဲအဝဲဒၣ်အိၣ်ဖျဲၣ်ထီၣ်န့ၣ်, နကသူၣ်ဖှံသးညီသူၣ်ခုသးခုနဲဒၣ်အဒိၣ် အအါဒီးပှၤအဂၤအါဒံအါဂၤကသးခုဝဲန့ၣ်လီၤ.

လံာ်လူၤကၣ် 7:28

ယ့ၣ်ၡူးစံးကဒီးဝဲ, “ယစံးဘၣ်တဲဘၣ်သု, စီၤယိၤဟၣ်ဒိၣ်န့ၢ်ပှၤလၢ အအိၣ်ဖျဲၣ်ထီၣ်တ့ၢ်ဝဲတဂၤလၢ်လၢ်လီၤ. ဘၣ်ဆၣ်ဒီး, ပှၤလၢအဆံးကတၢၢ် လၢကစၢ်ယွၤအဘီအမုၢ်အပူၤန့ၣ် ဒိၣ်န့ၢ်အီၤတက့ၢ်လီၤ.”

လံာ်လူၤကၣ် 7:33

ပှၤဘျၢတၢ်စီၤယိၤဟၣ်ဟဲဝဲ, ဒီးအဝဲဒၣ်ဒုၣ်တၢ်အီၣ် ဒီးတအီစပံးထံဘၣ်. ဒီးသုစံးသုဝဲ, ‘တၢ်နါအိၣ်လၢအဝဲအပူၤလီၤ.’

လံာ်ယိၤဟၣ် 5:35

စီၤယိၤဟၣ်မၤအသးဒ်မ့ၣ်အူဒၢတဖျၢၣ်အသိး, ကဲၤထီၣ်ဒီး ကပီၤထီၣ်ဝဲဒီးသုသးအိၣ်တစိၢ်တလီၢ်လၢသုကသူၣ်ဖှံသးညီလၢ အတၢ်ကပီၤအပူၤန့ၣ်လီၤ.

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

ကလၤတံ 1:15

ဘၣ်ဆၣ်ဒီး, လၢအဘျုးအဖှိၣ်အပူၤကစၢ်ယွၤဃုထၢပာ်လီၤ ဆီယၤတချုးလၢယအိၣ်ဖျဲၣ်ထီၣ်ဒံးဒၣ်လဲာ်, ဒီးကိးယၤဒ်သိးယကမၤအတၢ်န့ၣ်လီၤ. ဒီးဖဲအဝဲဒၣ်ပာ်လီၤအသး

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

လံာ်စီၤယိၤၡူ 3:7

ယွၤစံးဘၣ်စီၤယိၤၡူ, “တနံၤအံၤယကမၤလၤကပီၤနၤဒ်ပှၤဖးဒိၣ်တဂၤအသိးလၢပှၤအံၣ် စရ့လးဖိခဲလၢာ်အမဲာ်ညါ, ဒီးအဝဲသ့ၣ်ကသ့ၣ်ညါဝဲလၢယ အိၣ်ဒီးနၤဒ်ယအိၣ်တ့ၢ်ဒီးစီၤမိၤၡ့ အသိးန့ၣ်လီၤ.

လံာ်စီၤယိၤၡူ 4:14

ဒီးလၢနံၤအဝဲန့ၣ်, ယွၤယူာ်ထီၣ်ထီစီၤယိၤၡူလၢအံၣ်စရ့လးခဲလၢာ်အမဲာ်ညါဒီးဒ် အဝဲသ့ၣ်, ပျံၤစီၤမိၤၡ့အသိးန့ၣ်, ပျံၤစ့ၢ်ကီးစီၤယိၤၡူတစိၤဒၣ်အီၤန့ၣ်လီၤ.