လံာ်လူၤကၣ် 1:1 - Sgaw Karen Common Bible

¹ စီၤသီးဖံၤလူးသးဘိဧၢ, ပှၤအါဒံအါဂၤဂုာ်ကျဲးစၢးတ့ၢ်ဝဲအဂ့ၤကတၢၢ်လၢအကကွဲး ဖျါထီၣ်က့ၤတၢ်ဂ့ၢ်လၢအမၤတ့ၢ်အသးလၢပသိးပကျါသ့ၣ် တဖၣ်န့ၣ်လီၤ.

လံာ်လူၤကၣ် 1:1 Iomraidhean Croise

လံာ်မၢ်ကူး 16:20

အပျဲၢ်အဘီၣ်တဖၣ်လဲၤဝဲဒီးစံၣ်တဲၤတဲလီၤတၢ်လၢတၢ်လီၢ်ကိး ပူၤဒဲးလီၤ. ကစၢ်ယ့ၣ်ၡူးမၤသကိးတၢ်ဒီးအဝဲသ့ၣ်, ဒီးခီဖျိတၢ်လီၤလးလၢအဘၣ်တၢ်မၤအီၤတဖၣ်န့ၣ်, ကစၢ်မၤဖျါထီၣ်လၢတၢ်ကစီၣ်လၢအဝဲသ့ၣ်စံၣ်တဲၤတဲလီၤဝဲန့ၣ် မ့ၢ်တၢ်အဘၣ်ဒီးတီဝဲလီၤ.] [

လံာ်ယိၤဟၣ် 20:31

ဘၣ်ဆၣ်တၢ်သ့ၣ်တဖၣ်အံၤဘၣ်တၢ်ကွဲးဃာ်အီၤ, မ့ၢ်ဒ်သိးသုကနာ်လၢယ့ၣ်ၡူးမ့ၢ်ခရံာ်, ကစၢ်ယွၤအဖိခွါ, ဒီးခီဖျိသုတၢ်နာ်အီၤန့ၣ်, သုကန့ၢ်ဘၣ်တၢ်မူအဂီၢ်န့ၣ်လီၤ.

ရိမ့ၤ 14:5

ဖဲပှၤတဂၤဆိကမိၣ်ဝဲလၢမုၢ်နံၤတနံၤန့ၣ်အကါဒိၣ်န့ၢ်ဒံးမုၢ်နံၤ အဂၤတဖၣ်န့ၣ်, ပှၤအဂၤကဒီးတဂၤဆိကမိၣ်ဝဲလၢမုၢ်နံၤခဲလၢာ် မ့ၢ်ဒၣ်ဒ်သိးသိးန့ၣ်လီၤ. မ်ပှၤတဂၤဒီးတဂၤ ဟံးဃာ်တၢ်ဒ်အဆိကမိၣ်ဒၣ်ဝဲအသိးန့ၣ်တက့ၢ်.

ရိမ့ၤ 4:21

အဝဲနာ်ဝဲလၢလၢပှဲၤပှဲၤလၢကစၢ်ယွၤမၤလၢထီၣ်ပှဲၤထီၣ် အတၢ်အၢၣ်လီၤအီလီၤသ့ဝဲဒၣ်န့ၣ်လီၤ.

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 6:11

ပတၢ်ဆၢမုၢ်လၢ်ဒိၣ်ဒိၣ်အါအါမ့ၢ်ဝဲဒၣ်လၢသုဝဲကိးဂၤဒဲး ကလီၣ်ဖျါထီၣ်သုတၢ်သူၣ်ဆူၣ်သးဂဲၤတမံၤဃီတုၤ အကတၢၢ်ဒ်သိးတၢ်လၢသုမုၢ်လၢ်န့ၣ်ကလၢထီၣ်ပှဲၤထီၣ်ဒီး ကမ့ၢ်တၢ်နီၢ်နီၢ်န့ၣ်လီၤ.