လံာ်တၢ်ဘူၣ်ထီၣ်ဘါထီၣ် 9:9 - Sgaw Karen Common Bible

⁹ ဒီးစီၤအၤဟရိၣ်အဖိခွါတဖၣ်ဟဲစိာ်န့ၢ်အီၤလၢတၢ်သွံၣ် ဒီးအဝဲဘျၢလီၤအစုမုၢ်ဆူတၢ်သွံၣ်, ဒီးပာ်ထီၣ်အီၤလၢတၢ်လုၢ်လီၢ် အနၢၤတဖၣ်အလိၤလီၤ. ဒီးတၢ်သွံၣ်အိၣ်လီၤတဲာ်တဖၣ်န့ၣ်လူလီၤဝဲ လၢတၢ်လုၢ်လီၢ်အခီၣ်ထံးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:9 Iomraidhean Croise

လံာ်ယဃ့းစက့လး 43:15

တၢ်အပတီၢ်လၢအဖီခိၣ်ကတၢၢ်ဖဲပှၤဆိၣ်ကဲၤတၢ်လုၢ်တၢ်ပာ်တဖၣ် လၢအဖီခိၣ်န့ၣ်အကစီၤထီၣ်ထီစ့ၢ်ကီးဝဲလွံၢ်ပျၢ်န့ၣ်လီၤ. တၢ်လုၢ်လီၢ်အနၢၣ်လွံၢ်နၢၣ်လၢအဟဲဖျိးထီၣ်အသးန့ၣ်ထီန့ၢ်ဒံး ကယဲၢ်တၢ်အခိၣ်ထိးအဂၤတဖၣ်တက့ၢ်န့ၣ်လီၤ.

လံာ်ယဃ့းစက့လး 43:20

နကဘၣ်ဟံးန့ၢ်အသွံၣ်တနီၤဒီးပာ်ထီၣ်အီၤလၢတၢ်လုၢ်လီၢ်အနၢၣ် တဖၣ်အလိၤလၢအအိၣ်လၢတၢ်လုၢ်လီၢ်အခိၣ်ဒီအသနၢၣ်တဖၣ် န့ၣ်ဒီးလၢတၢ်လုၢ်လီၢ်အခၢၣ်သးတပတီၢ်အနၢၣ်တဖၣ်အလိၤ, ဒီးလၢကယဲၢ်အကနူၤခဲလၢာ်အလိၤန့ၣ်လီၤ. လၢကျဲဒ်သိးအံၤန့ၣ်, နကမၤကဆှီထီၣ်တၢ်လုၢ်လီၢ်ဒီးပာ်စီဆှံထီၣ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:18

ကဘၣ်လဲၤထီၣ်ဝဲဆူတၢ်လုၢ်လီၢ်လၢကလုၢ်တၢ်လုၢ်မ့ၣ်အူဒီးမၤ ကဆှီထီၣ်အီၤအဂီၢ်န့ၣ်လီၤ. ဒီးကဘၣ်ဟဲစိာ်ဝဲဂီၤ ဖံးဖါအသွံၣ်တနီၤဒီးမဲာ်တဲးလဲးအသွံၣ်တနီၤ ဒီးပာ်ထီၣ်အီၤခဲလၢာ်လၢတၢ်လုၢ်လီၢ်အနၢၤတဖၣ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:25

အန့ၣ်ဝံၤဒီးပှၤလုၢ်တၢ်အခိၣ်ကဟံးန့ၢ်တၢ်သွံၣ်တနီၤဒီးဘျုး လီၤအစုမုၢ်လၢတၢ်သွံၣ်န့ၣ်အပူၤဒီးပာ်အီၤလၢတၢ်လုၢ်တၢ်နၢ မူတဖၣ်အလီၢ်အနၢၤတဖၣ်အလိၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤဝဲလၢတၢ်လုၢ် ထီၣ်တၢ်မၤဘူၣ်ဆိၣ်ကဲၤလၢမ့ၣ်အူအတၢ်လုၢ်လီၢ်အခီၣ်ထံးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:30

ဒီးပှၤလုၢ်တၢ်အခိၣ်ကဘၣ်ဟံးန့ၢ်ဆၣ်ဖိကီၢ်ဖိတဒုန့ၣ်အသွံၣ်လၢ အစုမုၢ်ဒီးပာ်လီၤအီၤလၢတၢ်လုၢ်မၤဘူၣ်လၢမ့ၣ်အူအလီၢ်အနၢၤ တဖၣ်အလိၤလီၤ. ဒီးတၢ်သွံၣ်အိၣ်လီၤတဲာ်တဖၣ်န့ၣ်ကဘၣ်လူ လီၤဝဲဖဲတၢ်လုၢ်လီၢ်န့ၣ်အခီၣ်ထံးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:15

စီၤမိၤၡ့မၤသံဂီၤဖံးဖါဖိန့ၣ်ဒီးဟံးန့ၢ်ဝဲအသွံၣ်တနီၤ, ဒီးပာ်ထီၣ်ဝဲဒီးအစုမုၢ်လၢတၢ်လုၢ်ထီၣ်အနၢၤတဖၣ်အလိၤ လၢတၢ်ပာ်စီဆှံထီၣ်အဂီၢ်န့ၣ်လီၤ. ဒီးတၢ်သွံၣ်လၢအအိၣ်တ့ၢ်န့ၣ်လူလီၤဝဲလၢတၢ်လုၢ်လီၢ်အခီၣ်ထံး ဒ်အမ့ၢ်တၢ်ပာ်စီဆှံထီၣ်ဒီးမၤစီဆှံအီၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:10

ဒီးအဝဲဆူးကဲၤထီၣ်တၢ်အသိ, အကလ့ၢ်ဒီးအသူၣ်အဂ့ၤတခီ လၢတၢ်လုၢ်လီၢ်အဖီခိၣ်ဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:12

ဒီးစီၤအၤဟရိၣ်မၤသံဆၣ်ဖိကီၢ်ဖိလၢတၢ်လုၢ်မ့ၣ်အူလၢအနီၢ် ကစၢ်ဒၣ်ဝဲအဂီၢ်န့ၣ်လီၤ. ဒီးအဖိခွါတဖၣ်ဟဲစိာ်န့ၢ်အီၤတၢ်သွံၣ်ဒီး အဝဲဂၢ်လီၤဝဲဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:18

ဒီးမၤသံဝဲဂီၤဖံးဖါတဒုဒီးသိဖါတဒုလၢတၢ်လုၢ်မၤဃူမၤဖိးလၢပှၤဂီၢ်မုၢ်အဂီၢ်န့ၣ်လီၤ. အဖိခွါတဖၣ်ဟဲစိာ်န့ၢ်အီၤလၢတၢ်သွံၣ်ဒီးလူလီၤဝဲဝးတရံးတၢ်လုၢ်လီၢ်န့ၣ်လီၤ.

ဧ့ၤဘြံၤ 2:10

မ့ၢ်တၢ်အဂ့ၤဒီးကြၢးဝဲလၢကစၢ်ယွၤ, ပှၤလၢတၢ်ခဲလၢာ်မ့ၢ်လၢ အဂီၢ်ဒီးတၢ်ခဲလၢာ်ကဲထီၣ်လၢအီၤတဂၤန့ၣ်, ကမၤလၢပှဲၤတၢ်အခိၣ်လၢအဝဲသ့ၣ်အတၢ်အုၣ်က့ၤခီၣ်က့ၤအဂီၢ် တဂၤ, ခီဖျိတၢ်တူၢ်တၢ်ဒ်သိးဒီးကစၢ်ယွၤအဖိခွါအါဂၤကဒိး န့ၢ်ဘၣ်အလၤအကပီၤအဂီၢ်လီၤ.