လံာ်တၢ်ဘူၣ်ထီၣ်ဘါထီၣ် 9:3 - Sgaw Karen Common Bible

³ ဒီးစံးဘၣ်ပှၤအံၣ်စရ့လးဖိတဖၣ်လၢကဟဲစိာ်ဝဲမဲာ်တဲးလဲး ဖါတဒုလၢတၢ်လုၢ်တၢ်ပျၢ်တၢ်ဒဲးဘးအဂီၢ်, ဒီးဂီၤဖံးတနံၣ်ဖိတဒု, ဒီးသိတနံၣ်ဖိတဒုလၢမဲၣ်သူမဲၣ်ဂီၤတအိၣ်ဘၣ်လၢတၢ်လုၢ်မ့ၣ်အူအဂီၢ်,

လံာ်တၢ်ဘူၣ်ထီၣ်ဘါထီၣ် 9:3 Iomraidhean Croise

လံာ်တၢ်ကဲထီၣ်အခီၣ်ထံး 37:31

တုၤနုၤတစုအဝဲသ့ၣ်မၤသံကွံာ်မဲာ်တဲးလဲးတဒုဒီးစုၣ်လီၤ ဝဲစီၤယိၤသးအဆ့ကၤလၢအသွံၣ်အကျါလီၤ.

လံာ်စီၤဧ့စြၤ 10:19

အဝဲသ့ၣ်အၢၣ်လီၤအီလီၤတ့ၢ်အသးလၢကပာ်မၢ်ကွံာ်အမါတဖၣ်ဒီး အဝဲသ့ၣ်လုၢ်ထီၣ်သိဖါတဒုဒ်တၢ်လုၢ်တၢ်ပာ်တမံၤလၢအဝဲသ့ၣ် အတၢ်ဒဲးဘးအဂီၢ်န့ၣ်လီၤ.

လံာ်စီၤဧ့စြၤ 6:17

လၢတၢ်ပာ်စီဆှံအဂီၢ်န့ၣ်, အဝဲသ့ၣ်လုၢ်ထီၣ်ပာ်ထီၣ်ကျီၢ်ဖါဖိ တကယၤ, သိအဒု ခံကယၤဒီး, သိဖိအဒုလွံၢ်ကယၤ, ဒ်တၢ်လုၢ်တၢ်ပာ်တဖၣ်အသိး, ဒီးမဲာ်တဲးလဲးဖါတဆံခံဒု ဒ်တၢ်လုၢ်တၢ်ဒဲးဘးအသိး, တဒုလၢပှၤအံၣ်စရ့လးဖိတဒူၣ်စုာ် စုာ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 12:5

သုဃုထၢသိတဒုမ့တမ့ၢ်မဲာ်တဲးလဲးတဒုသ့ဝဲလီၤ. ဘၣ်ဆၣ်ဒီးကဘၣ်မ့ၢ်အဖါတဒုလၢအသးအိၣ်တနံၣ်ဒီးတအိၣ်ဘၣ်ဒီးတၢ် လီၤတူာ်လီၤကာ်နီတမံၤဘၣ်န့ၣ်လီၤ.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 10:16

တုၤစီၤမိၤၡ့သံကွၢ်တၢ်ဘၣ်ဃးမဲာ်တဲးလဲးတဒုလၢ တၢ်လုၢ်တၢ်ပျၢ်တၢ်ဒဲးဘးအဂီၢ်အဂ့ၢ်ဒီးသ့ၣ်ညါဝဲလၢအဘၣ်တၢ် ဆိၣ်ကဲၤထီၣ်ကွံာ်လံအီၤန့ၣ်, အသးထီၣ်ဘၣ်စီၤအလၤဧစၢ်ဒီးစီၤအံသမၢ်လီၤ. ဒီးစီၤမိၤၡ့သံကွၢ်ဝဲ,

လံာ်တၢ်ဘူၣ်ထီၣ်ဘါထီၣ် 12:6

ဒီးဖဲအဘၣ်တၢ်မၤကဆှီအီၤဝံၤန့ၣ်လၢအဖိပိာ်ခွါအဂီၢ်မ့ၢ်ဂ့ၤ, အဖိမုၣ်အဂီၢ်မ့ၢ်ဂ့ၤအဝဲကဘၣ်ဟဲစိာ်သိဖိတနံၣ်ဖိတဒုလၢတၢ် လုၢ်မ့ၣ်အူအဂီၢ်, ဒီးထိၣ်ကးက့ၣ်တဘ့ၣ်မ့တမ့ၢ်ထိၣ်လွံၢ်ဘုၣ်တဘ့ၣ်လၢတၢ်လုၢ်တၢ် ပျၢ်တၢ်ဒဲးဘးအဂီၢ်, ဆူပှၤလုၢ်တၢ်အခိၣ်အအိၣ်ဖဲတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:10

ဒီးလၢဃိးသီတသီန့ၣ်ကဘၣ်ဟဲစိာ်ဝဲသိဖါခံဒုဒီးသိ အမိၢ်ဖိတဒုလၢအသးအိၣ်တနံၣ်လၢမဲၣ်သူမဲၣ်ဂီၤတအိၣ်ဘၣ်လၢအလိၤ, ဒီးကိၣ်ကမူၣ်အဃၢလီၤတယၢၢ်သၢအ့စရိၣ်လၢအဃါဃုာ်ဒီးသ့ၣ်စၤ ယံးအသိဒီးသိတလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:15

အန့ၣ်ဝံၤဒီးကဘၣ်မၤသံဝဲမဲာ်တဲးလဲးတဒုလၢတၢ်လုၢ်တၢ်ပျၢ်တၢ်ဒဲးဘး လၢပှၤဂီၢ်မုၢ်အဂီၢ်န့ၣ်လီၤ. ဒီးကဘၣ်လဲၤစိာ်နုာ်တၢ်သွံၣ်တနီၤဆူတၢ်လီၢ်စီဆှံကတၢၢ်ဒီး ဖှံအီၤလၢတၢ်အၢၣ်လီၤအီလီၤတလါအခိၣ်ကၢၢ်အလိၤတနီၤဒီးလၢ တၢ်အၢၣ်လီၤအီလီၤတလါအမဲာ်ညါဒ်အမၤတ့ၢ်ဝဲလၢဂီၤဖံးဖါတဒု အသွံၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:5

ဒီးအံၣ်စရ့လးအပှၤဂီၢ်မုၢ်ကဘၣ်ဟ့ၣ်စီၤအၤဟရိၣ်လၢမဲာ်တဲးလဲးဖါခံဒုလၢတၢ်လုၢ်တၢ် ဒဲးဘးအဂီၢ်ဒီးသိဖါတဒုလၢတၢ်လုၢ်မ့ၣ်အူအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:12

မုၢ်တနံၤလၢသုလုၢ်ထီၣ်တၢ်မၤဘူၣ်ဘုဧိၤဟုဧိၤန့ၣ်, သုကဘၣ်လုၢ်ထီၣ်သိဖါတနံၣ်ဖိတဒုလၢအတအိၣ်ဒီးနီၢ်ခိ အတၢ်လီၤတူာ်လီၤကာ်ဒ်တၢ်လုၢ်မ့ၣ်အူအသိးစ့ၢ်ကီးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:23

တုၤအတၢ်ဒဲးဘးလၢအမၤတ့ၢ်ဝဲအံၤဘၣ်တၢ်ဒုးသ့ၣ်ညါက့ၤအီၤ ဒီးအဝဲကဘၣ်ဟဲစိာ်မဲာ်တဲးလဲးဖါလၢမဲၣ်သူမဲၣ်ဂီၤဒၣ်လဲာ် တအိၣ်ဘၣ်တဒု, ဒ်အတၢ်လုၢ်မၤဘူၣ်,

လံာ်တၢ်ဘူၣ်ထီၣ်ဘါထီၣ် 4:3

ပှၤမၤတၢ်ဒဲးဘးမ့မ့ၢ်ပှၤလုၢ်တၢ်အခိၣ်အဒိၣ်ကတၢၢ်ဒီး, ဒုးလီၤဘၣ်တၢ်ကမၣ်လၢပှၤဂီၢ်မုၢ်အလိၤန့ၣ်, မ်အကဟဲစိာ်ဂီၤဖံးဖါတဒုလၢအတအိၣ်ဘၣ်ဒီးမဲၣ်သူမဲၣ်ဂီၤ ဒီးလုၢ်ထီၣ်အီၤဆူယွၤအအိၣ်လၢအတၢ်ဒဲးဘးအဂီၢ်တက့ၢ်.

လံာ်တၢ်ဘူၣ်ထီၣ်ဘါထီၣ် 9:2

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်ဂီၤဖံးဖါဖိတဒုဒီးသိဖါဖိတဒုလၢမဲၣ်သူမဲၣ် ဂီၤတအိၣ်ဘၣ်ဒီးလုၢ်ထီၣ်အီၤဆူယွၤအအိၣ်တက့ၢ်. ဂီၤဖံးဖါဖိတဒုန့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးသိ ဖါဖိန့ၣ်လၢတၢ်လုၢ်မ့ၣ်အူအဂီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 9:4

ဒီးဂီၤဖံးဖါတဒုဒီးသိဖါတဒုလၢတၢ်လုၢ်မၤဃူမၤဖိးအဂီၢ်, လၢကလုၢ်ထီၣ်ဝဲဆူယွၤအအိၣ်ဃုာ်ဒီးတၢ်လုၢ်ဘုဧိၤဟုဧိၤဃါ ဃုာ်ဒီးသိန့ၣ်တက့ၢ်. ဒီးကဘၣ်မၤဝဲတနံၤအံၤမ့ၢ်လၢယွၤကလီၣ်ဖျါထီၣ်အသးဆူအဝဲ သ့ၣ်အအိၣ်အဃိန့ၣ်လီၤ.”

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.