လံာ်တၢ်ဘူၣ်ထီၣ်ဘါထီၣ် 9:24 - Sgaw Karen Common Bible

²⁴ ဒီးယွၤဆှၢလီၤမ့ၣ်အူသတူၢ်ကလာ်ဒီးအီၣ်ကွံာ်တၢ်လုၢ်မ့ၣ်အူ ဒီးအသိတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. ဒီးဖဲပှၤဂီၢ်မုၢ် ထံၣ်ဘၣ်တၢ်န့ၣ်, အဝဲသ့ၣ်ခဲလၢာ်ကိးသတြီထီၣ်ဒီးထိၣ်လီၤပှီၤအသးလီၤ.

လံာ်တၢ်ဘူၣ်ထီၣ်ဘါထီၣ် 9:24 Iomraidhean Croise

လံာ်တၢ်ကဲထီၣ်အခီၣ်ထံး 15:17

ဒီးတုၤမုၢ်လီၤနုာ်တ့ၢ်လံဒီးတၢ်ခံးလီၤယုၢ်ကလာ်န့ၣ်မ့ၣ်အူ လုၢ်အသပၢၤတဖျၢၣ်ဒီးဆှီကဲၤကပျီၤတဘိအိၣ်ဖျါထီၣ်သတူၢ်ကလာ် ခီဂာ်တ့ၢ်ဖဲဆၣ်ဖိကီၢ်ဖိအကူာ်တဖၣ်အဘၢၣ်စၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 17:3

စီၤအၤဘြၣ်တီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်ဒီး ကစၢ်ယွၤစံးဘၣ်အီၤ,

လံာ်စီၤပၤခံဘ့ၣ်တဘ့ၣ် 19:15

ဒီးဃ့ဘါထုကဖၣ်ဝဲဒ်အံၤ, “အိယွၤ, ကီၢ်အံၣ်စရ့လးအကစၢ်ယွၤ, လၢအဆ့ၣ်နီၤဝဲလၢလီၢ်ပစိာ်အိၣ်ဝဲလၢခ့ရူၢ်တဖၣ်အလိၤ တဂၤဧၢ, နမ့ၢ်နဲကစၢ်ယွၤထဲတဂၤဧိၤ, လၢကပၢကယဲၢ်ဘီမုၢ်ခဲလၢာ်လၢဟီၣ်ခိၣ်ချၢန့ၣ်လီၤ. နတ့လီၤပာ်လီၤဟီၣ်ခိၣ်ဒီးမူကပိာ်လိၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:26

အဝဲသူၣ်ထီၣ်တၢ်လုၢ်လီၢ်တခါလၢယွၤအဂီၢ်ဖဲန့ၣ်, ဒီးဆူးကဲၤတၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိးတဖၣ် န့ၣ်လီၤ. အဝဲဘါထုကဖၣ်တၢ်ဒီးယွၤစံးဆၢအီၤခီဖျိတၢ်ဆှၢလီၤမ့ၣ်အူ လၢမူခိၣ်ဒ်သိးကအီၣ်ကွံာ်တၢ်လုၢ်တဖၣ်လၢအအိၣ်လၢတၢ်လုၢ်လီၢ် အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:2

ခဲကနံၣ်အံၤယသူၣ်ထီၣ်တ့ၢ်လံတၢ်လုၢ်ဟံၣ်လီၤဘီလီၤမုၢ်တဖျၢၣ် လၢနဂီၢ်, တၢ်လီၢ်တတီၤလၢနကအိၣ်နဲဆိးနဲလၢအပူၤ လီၤစိၤလီၤထီန့ၣ်လီၤ.”

လံာ်စီၤဧ့စြၤ 3:11

အဝဲသ့ၣ်သးဝံၣ်စံးထီၣ်ပတြၢၤယွၤဒီးသးဝံၣ်ကဒါက့ၤတၢ်သး ဝံၣ်အကူာ်လၢအမ့ၢ်ဝဲ, “ယွၤန့ၣ်ဂ့ၤဝဲ, ဒီးအတၢ်အဲၣ်လၢအံၣ်စရ့လးအဂီၢ်မ့ၢ်တၢ်လီၤ ထူလီၤယိာ်လီၤ.” ပှၤကိးဂၤဒဲးကိးသတြီထီၣ်လၢအဂံၢ်အဘါခဲလၢာ်, စံးထီၣ်ပတြၢၤယွၤ, မ့ၢ်လၢတၢ်ပာ်လီၤတၢ်လုၢ်ဟံၣ်ခီၣ်ထံးအတၢ် မၤဘၣ်တၢ်စးထီၣ်လံအီၤအဃိန့ၣ်လီၤ.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

လံာ်တၢ်ဟးထီၣ်ကွံာ် 3:2

ဒီးယွၤအကလူးတဂၤလီၣ်ဖျါထီၣ်အသးလၢအီၤဒ်မ့ၣ်အူလၣ်လၢဟဲ ထီၣ်လၢသ့ၣ်တၤဆှုၣ်တခိၣ်အပူၤအသိးန့ၣ်လီၤ. စီၤမိၤၡ့ကွၢ်ဒီးထံၣ်ဘၣ်ဝဲလၢသ့ၣ်တၤဆှုၣ်န့ၣ်မ့ၣ်အူအီၣ် အီၤဘၣ်ဆၣ်ဒီးတကိၢ်သွၣ်ကွံာ်ဝဲဘၣ်လီၤ.

လံာ်တၢ်ဘူၣ်ထီၣ်ဘါထီၣ် 10:2

ဒီးမ့ၣ်အူဟဲလီၤလၢယွၤအအိၣ်သတူၢ်ကလာ်ဒီးအီၣ်ကွံာ်အဝဲ သ့ၣ်တုၤအသံဝဲဖဲန့ၣ်လၢယွၤအမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:13

ဒီးမ့ၣ်အူလၢတၢ်လုၢ်လီၢ်ဖီခိၣ်န့ၣ်ကဘၣ်ကဲၤဝဲဒီးတဘၣ်လီၤပံာ်နီတဘျီဘၣ်.

လံာ်တၢ်ဂံၢ် 14:5

အန့ၣ်ဒီးစီၤမိၤၡ့ဒီးစီၤအၤဟရိၣ်တီၤလီၤလၢဟီၣ်ခိၣ်လိၤ လၢပှၤဂီၢ်မုၢ်အမဲာ်ညါလီၤ.

လံာ်တၢ်ဂံၢ် 16:22

ဘၣ်ဆၣ်ဒီးစီၤမိၤၡ့ဒီးစီၤအၤဟရိၣ်တီၤလီၤအိၣ်ဒီးအမဲာ်သၣ် ဆူဟီၣ်ခိၣ်လိၤဒီးစံး, “အိ, ကစၢ်ယွၤဧၢ, နမ့ၢ်သးသမူခဲလၢာ်အဂံၢ်ခီၣ်ထံးလီၤ. ဖဲပှၤတဂၤမၤတၢ်ဒဲးဘးန့ၣ်မ့ၢ်နသးဒိၣ်ထီၣ်ကမျၢၢ်ဒီဒူၣ်ဒီထၢဧါ.”

လံာ်တၢ်ဂံၢ် 23:21

ယထံၣ်ဆိပာ်တၢ်လၢကီၢ်အံၣ်စရ့လးအတၢ်အိၣ်မူဆူညါတဟဲစိာ်န့ၢ် အီၤတၢ်တတၢးတနါမ့တမ့ၢ်, တၢ်ကီတၢ်ခဲနီတမံၤန့ၣ်ဘၣ်. ယွၤ, အဝဲသ့ၣ်အကစၢ်ယွၤန့ၣ်အိၣ်ဒီးအဝဲသ့ၣ်လီၤ. အဝဲသ့ၣ်ကိးထီၣ်ဘိးဘၣ်သ့ၣ်ညါဝဲလၢယွၤမ့ၢ် အဝဲသ့ၣ်အစီၤပၤန့ၣ်လီၤ.

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

လံာ်လီၣ်ဖျါ 4:9

တၢ်အိၣ်ဒီးအသးသမူလွံၢ်ဒုအံၤသးဝံၣ်တၢ်သးဝံၣ်မၤလၤကပီၤ, တၢ်ယူးယီၣ်ဒီးတၢ်စံးထီၣ်ပတြၢၤဆူပှၤတဂၤလၢ အဆ့ၣ်နီၤဝဲလၢလီၢ်ပစိာ်အဖီခိၣ်အအိၣ်, လၢအမူဝဲလီၤစိၤလီၤထီန့ၣ်လီၤ. ဖဲအဝဲသ့ၣ်သးဝံၣ်တၢ်ဒ်အံၤအဆၢကတီၢ်န့ၣ်,

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.

လံာ်လီၣ်ဖျါ 7:11

ကလူးခဲလၢာ်ခဲဆ့ဆၢထၢၣ်ဝးတရံးလီၢ်ပစိာ်, ပှၤသူၣ်က့သးပှၢ် တဖၣ်, ဒီးတၢ်သးသမူအိၣ်လွံၢ်ဒုန့ၣ်လီၤ. တုၤနုၤတစုအဝဲသ့ၣ်ထိၣ်လီၤပှီၤအသးလၢလီၢ်ပစိာ် အမဲာ်ညါဒီးဘူၣ်ထီၣ်ဘါထီၣ်ကစၢ်ယွၤ

လံာ်ပှၤစံၣ်ညီၣ်ကွီၢ် 13:23

ဘၣ်ဆၣ်ဒီးအမါစံးဆၢအီၤ, “ယွၤမ့ၢ်အဲၣ်ဒိးမၤသံတ့ၢ်ပှၤ ဒီးအဝဲတတူၢ်လိာ်တ့ၢ်ဝဲပတၢ်လုၢ်မၤဘူၣ်ဘၣ်. အဝဲတဒုးနဲၣ်တ့ၢ်ပှၤတၢ်ခဲလၢာ်အံၤမ့ၢ်ဂ့ၤ, စံးဘၣ်ပှၤတၢ်ဂ့ၢ်ဒ်အံၤတဖၣ်လၢအကတီၢ်အံၤန့ၣ်ဘၣ်.”

လံာ်ပှၤစံၣ်ညီၣ်ကွီၢ် 6:21

တုၤနုၤတစုယွၤအကလူးယူာ်ဃီၤအစုဒီးထိးဘၣ်တၢ်ညၣ်ဒီးကိၣ် န့ၣ်လၢနီၣ်ထိးဘိလၢအစိာ်ဃာ်ဝဲလၢအစုန့ၣ်လီၤ. ဒီးမ့ၣ်အူ ဟဲထီၣ်လၢလၢၢ်ပူၤဒီးအီၣ်ကွံာ်တၢ်ညၣ် ဒီးကိၣ်န့ၣ်လီၤ. အန့ၣ်ဝံၤဒီးကလူးန့ၣ်ဟါမၢ်ကွံာ်ဝဲဒၣ်လီၤ.