လံာ်တၢ်ဘူၣ်ထီၣ်ဘါထီၣ် 9:22 - Sgaw Karen Common Bible

²² ဒီးဖဲစီၤအၤဟရိၣ်မၤတၢ်လုၢ်တၢ်ပာ်ခဲ လၢာ်ဝံၤဒီးယူာ်ထီၣ်အစုလၢပှၤဂီၢ်မုၢ်အဖီခိၣ်ဒီးဆိၣ်ဂ့ၤအဝဲသ့ၣ်, ဒီးဟဲက့ၤလီၤဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:22 Iomraidhean Croise

လံာ်စီၤပၤအခီၣ်ထံးတဘ့ၣ် 8:55

ဒီးလၢတၢ်ကလုၢ်သီၣ်ဖးဒိၣ်အပူၤ, အဝဲဃ့ဝဲလၢကစၢ်ယွၤအတၢ် ဆိၣ်ဂ့ၤကလီၤဘၣ်လၢပှၤဂီၢ်မုၢ်ခဲလၢာ်လၢအအိၣ်ဖှိၣ်ရိဖှိၣ်ဖဲ န့ၣ်အလိၤန့ၣ်လီၤ. အဝဲစံးဝဲ,

လံာ်ကွဲးနီၣ်တၢ်အခီၣ်ထံးတဘ့ၣ် 23:13

အဝဲအဖိဝဲၢ်ကိစီၤဧၤမရၣ်န့ၣ်မ့ၢ်စီၤအၤဟရိၣ်ဒီးစီၤမိၤၡ့ အပၢ်န့ၣ်လီၤ. (စီၤအၤဟရိၣ်ဒီးအစၢၤအသွဲၣ်တဖၣ်ဘၣ်တၢ်ပာ်အီၤလီၤဆီဒ်သိး ကမ့ၢ်ပှၤအဒိၣ်လၢတၢ်ကွၢ်ထွဲတၢ်စီဆှံအဃၢၤအဃိာ်တဖၣ်အဂီၢ်လီၤ စိၤလီၤထီ, ဒီးကဘၣ်ဆူးကဲၤတၢ်နၢမူ လၢတၢ်ဘူၣ်ထီၣ်ဘါထီၣ်ယွၤအပူၤ, လၢကမၤယွၤအတၢ်ဒီးကဆိၣ်ဂ့ၤ ပှၤဂီၢ်မုၢ်လၢအဝဲအမံၤအပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:3

ကယဲၢ်အံၣ်စရ့လးအပှၤဂီၢ်မုၢ်ခဲလၢာ်ဂဲၤဆၢထၢၣ်ဝဲဖဲန့ၣ်လီၤ. စီၤပၤဃၣ်တရံးဃီၤဒီးကွၢ်တၢ်ဆူအဝဲသ့ၣ်အအိၣ်, ဒီးဃ့သကွံာ်ကညးဝဲလၢကစၢ်ယွၤအတၢ်ဆိၣ်ဂ့ၤဆိၣ်ဝါကလီၤဘၣ်လၢ အဝဲသ့ၣ်အလိၤန့ၣ်လီၤ.

စံးထီၣ်ပတြၢၤ 72:17

မ်စီၤပၤအမံၤကအိၣ်လီၤထူလီၤယိာ်, အတၢ်မံၤဟူသၣ်ဖျါကအိၣ်ဝဲတထံၣ်ဃီ ဒ်မုၢ်အိၣ်ဝဲအသိး, မ်ပှၤကိးကလုာ်ဒဲးဘၣ်ဆိၣ်ဂ့ၤခီဖျိအီၤဒီးအဝဲသ့ၣ် ကကိးအီၤလၢ ပှၤဘၣ်ဆိၣ်ဂ့ၤန့ၣ်လီၤ.

လံာ်တၢ်ဟးထီၣ်ကွံာ် 39:43

စီၤမိၤၡ့သမံသမိးကွၢ်တၢ်ကိးမံၤဒဲးဒီးထံၣ်ဘၣ်ဝဲလၢအဝဲ သ့ၣ်မၤတၢ်ခဲလၢာ်ဒ်ယွၤမၤလိာ်တ့ၢ်ဝဲအသိးန့ၣ်လီၤ. လၢတၢ်န့ၣ်အဃိစီၤမိၤၡ့ဆိၣ်ဂ့ၤအဝဲသ့ၣ်တဖၣ်န့ၣ်လီၤ.

လံာ်တၢ်ဂံၢ် 6:22

ယွၤမၤလိာ်စီၤမိၤၡ့လၢ, အကစံးဘၣ်စီၤအၤဟရိၣ်ဒီးအဖိခွါတဖၣ်ဒ်သိးကသူတၢ်ကတိၤတဖၣ်ဒ် လၢလာ်အံၤအသိးလၢတၢ်ဆိၣ်ဂ့ၤကီၢ်အံၣ်စရ့လးအပှၤဂီၢ်မုၢ်အဂီၢ် န့ၣ်လီၤ.

လံာ်မၢ်ကူး 10:16

ဝံၤဒီး, အဝဲဒၣ်ဖိးဟုထီၣ်ဖိသၣ်တဖၣ်တဂၤဘၣ်တဂၤ, ပာ်ထီၣ်အစုလၢအလိၤ, ဒီးဆိၣ်ဂ့ၤအဝဲသ့ၣ်လီၤ.

လံာ်လူၤကၣ် 24:50

အန့ၣ်ဝံၤအလီၢ်ခံ, အဝဲဒၣ်ဆှၢထီၣ်အဝဲသ့ၣ်ဆူဝ့ၢ်အချၢတုၤလၢဘ့ၤသနံ, ဒီးဖဲန့ၣ်, အဝဲယူာ်ထီၣ်အစုဒီးဆိၣ်ဂ့ၤအဝဲသ့ၣ်လီၤ.

မၤတၢ် 3:26

အန့ၣ်သတးဒီး, ကစၢ်ယွၤဃုထၢထီၣ်အခ့အပှၤဒီးမၢလီၤဝဲလၢအကဟဲအဆိ ကတၢၢ်ဆူသုအိၣ်ဒ်သိးကဆိၣ်ဂ့ၤသု, ဒီးဒုးဃၣ်ကွံာ်သုကိးဂၤဒဲးလၢ သုကျဲအအၢအသီတဖၣ်န့ၣ်လီၤ.”

လံာ်သိၣ်လီၤသီလီၤတၢ် 10:8

ဖဲကစၢၢ်န့ၣ်, ယွၤဃုထၢပာ်လီၤပှၤတဖၣ်လၢလ့ၤဝံအဒူၣ်အပူၤဒ် သိးကဟံးန့ၢ်မူဒါလၢတၢ်အံးထွဲကွၢ်ထွဲတၢ်အၢၣ်လီၤအီလီၤ အတလါစီဆှံအဂီၢ်, လၢကမၤအတၢ်မၤဒ်ပှၤလုၢ်တၢ်အခိၣ်တဖၣ်ဒီးဒ်သိးအကကိးထီၣ်တၢ် ဆိၣ်ဂ့ၤလၢယွၤအမံၤအဂီၢ်န့ၣ်လီၤ. ဒီးတၢ်တဖၣ်အံၤမ့ၢ်ဒံးဒၣ်အဝဲသ့ၣ်အမူအဒါတဖၣ်န့ၣ်လီၤ.

လံာ်သိၣ်လီၤသီလီၤတၢ် 21:5

ပှၤလ့ၤဝံဖိပှၤလုၢ်တၢ်ခိၣ်တဖၣ်ကဘၣ်လဲၤစ့ၢ်ကီးဖဲန့ၣ်, မ့ၢ်လၢအဝဲသ့ၣ်ကဘၣ်စံၣ်ညီၣ်နီၤဖးကယဲၢ်ကွီၢ်ဘၣ်ဃးဒီးတၢ်သိၣ် တၢ်သီကိးထံၣ်ဒဲးလၢအပၣ်ဃုာ်ဒီးတၢ်မၤဆူၣ်မၤစိးအဃိန့ၣ် လီၤ. ယွၤ, သုကစၢ်ယွၤဃုထၢတ့ၢ်အဝဲသ့ၣ်ဒ်သိးကမၤအတၢ်ဒီးကတဲဖျါထီၣ်တၢ်ဆိၣ်ဂ့ၤတဖၣ်လၢအဝဲအမံၤအပူၤန့ၣ်လီၤ.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.