လံာ်တၢ်ဘူၣ်ထီၣ်ဘါထီၣ် 9:17 - Sgaw Karen Common Bible

¹⁷ ဒီးလုၢ်ထီၣ်ဝဲတၢ်လုၢ်ဘုဧိၤဟုဧိၤ, ဒီးဟံးန့ၢ်ကိၣ်ကမူၣ်တစှီၤဒီးဆူးကဲၤထီၣ်ဝဲလၢတၢ်လုၢ်လီၢ်န့ၣ်လီၤ. (အအံၤမ့ၢ်တၢ်လုၢ်အါထီၣ်တမံၤလၢတၢ်လုၢ်မ့ၣ်အူလၢ အဘၣ်တၢ်လုၢ်အီၤကိးမုၢ်နံၤဒဲးအမဲာ်ညါန့ၣ်လီၤ.)

လံာ်တၢ်ဘူၣ်ထီၣ်ဘါထီၣ် 9:17 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:40

ကိးမုၢ်ဂီၤဒီးကိးမုၢ်ဟါဒဲးန့ၣ်, အဝဲသ့ၣ်ဘၣ်ဆိၣ်ကဲၤထီၣ် တၢ်လုၢ်တၢ်ပာ်တဖၣ်လၢတၢ်လုၢ်လီၢ်အဖီခိၣ်, တလီၤတူာ်လီၤကာ်ဘၣ်, ဒ်တၢ်ကွဲးလီၤပာ်အီၤလၢတၢ်သိၣ်တၢ်သီလၢယွၤဟ့ၣ်ပှၤအံၣ်စရ့ လးဖိတဖၣ်အပူၤအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:3

စီၤၡလိၤမိၤဆှၢလီၤတၢ်ကစီၣ်တမံၤဆူဝ့ၢ်ထါယၢၣ်အစီၤပၤဃံ ရၣ်အအိၣ်ဒီးစံးဝဲဒၣ်, “မၤသကိးတၢ်ဒီးယၤဒ်နမၤတ့ၢ်ဒီးယပၢ်, စီၤပၤဒၤဝံးအသိး, ဖဲနဆါန့ၢ်တ့ၢ်အီၤသ့ၣ်ဆှိးအ့ရ့းအကျီၣ်တဖၣ်လၢတၢ်ကသူၣ်ထီၣ် အနီအဂီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 3:5

အန့ၣ်ဒီးပှၤလုၢ်တၢ်အခိၣ်တဖၣ်ကဆိၣ်ကဲၤထီၣ်ကွံာ်အီၤခဲလၢာ်ဃုာ် ဒီးတၢ်လုၢ်မ့ၣ်အူတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:1

တၢ်ဒိးပာ်စုပှၤလုၢ်တၢ်အခိၣ်တဖၣ်ဝံၤဝဲအလီၢ်ခံလၢမုၢ်ဃိး နံၤတနံၤန့ၣ်, စီၤမိၤၡ့ကိးဖှိၣ်ဝဲစီၤအၤဟရိၣ်ဒီးအဖိခွါတဖၣ်, ဒီးပှၤအံၣ်စရ့လးဖိအခိၣ်အနၢ်တဖၣ်လီၤ.

လံာ်ယိၤဟၣ် 6:53

ယ့ၣ်ၡူးစံးဘၣ်အဝဲသ့ၣ်, “ယစံးဘၣ်တဲဘၣ်သုတၢ်မ့ၢ်တၢ် တီလီၤ. သုမ့ၢ်တအီၣ်ဘၣ်ပှၤကညီဖိခွါအညၣ်ဒီးအီဘၣ် အသွံၣ်န့ၣ်, တၢ်မူတအိၣ်ဘၣ်လၢသုပူၤဘၣ်.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.