လံာ်တၢ်ဘူၣ်ထီၣ်ဘါထီၣ် 8:8 - Sgaw Karen Common Bible

⁸ ဒီးပာ်သဃိးအိၣ်ဒီးအူရံၣ်ဒီးတူမံၣ်လၢအသးနါပှၢ်အလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:8 Iomraidhean Croise

လံာ်စီၤဧ့စြၤ 2:63

ကီၢ်ယူဒၤအပဒိၣ်ဖးဒိၣ်တဲဘၣ်တ့ၢ်အဝဲသ့ၣ်လၢအဝဲသ့ၣ်အီၣ်တၢ် အီၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ်တသ့ဘၣ်, တချုးလၢအဝဲသ့ၣ်အိၣ်ဒံးဒီးပှၤလုၢ်တၢ်အခိၣ်တဂၤလၢအသူ အူရံၣ်ဒီးတူမံၣ်သ့န့ၣ်ဘၣ်လီၤ.

လံာ်စီၤနဃ့မယၤ 7:65

ပှၤယူဒၤဖိအပဒိၣ်ဖးဒိၣ်တဲဘၣ်အဝဲသ့ၣ်လၢတဘၣ်အီၣ်တၢ်အီၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤဘၣ်တုၤလၢပှၤလုၢ်တၢ်အခိၣ်တဂၤ လၢအသူတူရံၣ်ဒီးအူမံၣ်သ့အိၣ်ဝဲ, န့ၣ်လီၤ.

လံာ်တၢ်ဟးထီၣ်ကွံာ် 29:1

အအံၤမ့ၢ်တၢ်လၢနကဘၣ်မၤအီၤလၢတၢ်ပာ်စီဆှံစီၤအၤဟရိၣ်ဒီး အဖိခွါသ့ၣ်တဖၣ်ဒ်ပှၤလုၢ်တၢ်အခိၣ်တဖၣ်အသိးလၢယတၢ်ဖံးတၢ်မၤအပူၤအဂီၢ်လီၤ. ဟံးန့ၢ်ဂီၤဖံးဖါအသးစၢ်ဖိတဒုဒီးသိဖါခံဒုလၢအမဲၣ်သူမဲၣ်ဂီၤတအိၣ်ဘၣ်န့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 8:6

အိးထီၣ်နသးလၢနကအဲၣ်ယၤထဲတဂၤဧိၤ, ဒီးဖိးဟုယၤထဲတဂၤဧိၤတက့ၢ်. တၢ်အဲၣ်န့ၣ်ဆူၣ်ထဲသိးဒီးတၢ်သံ, တၢ်အဲၣ်တၢ်ကွံအဂံၢ်အဘါဆူၣ်ဒ်တၢ်သံအနီၢ်ကစၢ်န့ၣ်လီၤ. ကပျီၤထီၣ်ဝဲဒ်မ့ၣ်အူလၣ်ဒီးအီၣ်တၢ်ဒ်မ့ၣ်အူလၢအသလၣ်လီၤအသး တပျုာ်တပျီၤအသိးန့ၣ်လီၤ.

လံာ်ယၡါယၤ 59:17

အဝဲကကူထီၣ်သိးထီၣ်တၢ်စံၣ်ညီၣ်တီဒ်ဆ့ကၤဖီခိၣ်သဃိးတဘ့ၣ် အသိးဒီးကကုာ်ထီၣ်တၢ်အုၣ်က့ၤခီၣ်က့ၤအစိကမီၤဒ်ခိၣ်ကုာ်သုး တဖျၢၣ်အသိးလီၤ. အဝဲကကူထီၣ်ကၤထီၣ်ဝဲတၢ်သးအိၣ် နီၢ်နီၢ်လၢတၢ်မၤလိၤမၤဘၣ်က့ၤတၢ်အဂီၢ်ဒီးကစံၣ်ညီၣ်ဒီး ဟ့ၣ်ကၣ်ဆၢက့ၤတၢ်ကမၣ်တဖၣ်လၢပှၤဂီၢ်မုၢ်တူၢ်ဘၣ်ဝဲန့ၣ်လီၤ.

လံာ်တၢ်ဂံၢ် 27:21

အဝဲကဘၣ်သန့ၤအသးလၢပှၤလုၢ်တၢ်အခိၣ်စီၤအလၤဧစၢ်, ပှၤတဂၤလၢအကမၤလိတၢ်ဘၣ်ယသးခီဖျိအူရံၣ်ဒီးထူမံၣ်န့ၣ်လီၤ. လၢကျဲဒ်အံၤန့ၣ်စီၤအလၤဧစၢ်ကနဲၣ်န့ၢ်စီၤယိၤၡူဒီးကီၢ်အံၣ်စရ့လး အကမျၢၢ်ဒီဖုန့ၣ်အကျဲလၢကယဲၢ်အတၢ်ဂ့ၢ်တၢ် ကျိၤခဲလၢာ်အပူၤန့ၣ်လီၤ.”

အ့းဖ့းစူး 6:14

ဆၢထၢၣ်ကျၢၤကျၢၤဒီးစၢဃာ်သုယီၢ်ဒ့ဃံးဃံးလၢတၢ် မ့ၢ်တၢ်တီဒ်ယီၢ်တကိးအသိး, ဒီးသိးထီၣ်တၢ်တီတၢ်လိၤဒ်သဃိး အသိးတက့ၢ်.

လံာ်သိၣ်လီၤသီလီၤတၢ် 33:8

ဘၣ်ဃးဒီးလ့ၤဝံအဒူၣ်အဂ့ၢ်န့ၣ်, အဝဲစံးဝဲ, “နဲဒၣ်, ယွၤဧၢ, လီၣ်ဖျါထီၣ်နတၢ်ဘၣ်နသးလၢအူရံၣ်ဒီးတူမံၣ်, ခီဖျိပှၤလ့ၤဝံဖိတဖၣ်လၢအမ့ၢ်နခ့နပှၤတဖၣ်လၢအသူၣ်တီသးရၤ န့ၣ်တက့ၢ်. နဒုးလီၤဘၣ်အဝဲသ့ၣ်လၢတၢ်မၤကွၢ်အပူၤဖဲမးစၤ ဒီးအုၣ်တ့ၢ်နသးလၢအဝဲသ့ၣ်အဂီၢ်ဒ်ပှၤတဖၣ်အသိးဖဲထံမရံၤဘါ န့ၣ်လီၤ.

၁ သ့းစၤလနံ 5:8

မ့မ့ၢ်, ပမ့ၢ်ပှၤတဖၣ်လၢအဘၣ်ဃးဒီးမုၢ်ဆါခီ ဒီးပဘၣ်မ့ၢ်ပှၤလၢအတမူၤတဘှီးဘၣ်တဖၣ်လီၤ. မ်ပသိးထီၣ်တၢ်နာ်ဒီးတၢ်အဲၣ်တၢ်ကွံအသဃိးဒီး ကုာ်ထီၣ်တၢ်မုၢ်လၢ်ဘၣ်ဃးတၢ်အုၣ်က့ၤခီၣ်က့ၤအခိၣ်ကုာ်သုး န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 2:28

လၢပှၤအံၣ်စရ့လးဖိအဒူၣ်ခဲလၢာ်အကျါန့ၣ်, ယဃုထၢထီၣ်အဟံၣ်ဖိဃီဖိလၢကကဲထီၣ်ယပှၤလုၢ်တၢ်အခိၣ်တဖၣ်ဒီး မၤယတၢ်မၤလၢတၢ်လုၢ်လီၢ်, လၢကဆူးကဲၤတၢ်နၢမူ, ဒီးကသိးထီၣ်အ့ဖိးဒီးကူၣ်လိာ်တၢ်ဒီး ယၤအဂီၢ်လီၤ. ဒီးယဟ့ၣ်အဝဲသ့ၣ်လၢတၢ်အခွဲးအယာ်တမံၤ လၢအကမၤန့ၢ်အတၢ်နီၤဖးလၢအဂီၢ်တမံၤ လၢတၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤထီၣ်အီၤ လၢတၢ်လုၢ်လီၢ်ဖီခိၣ်အကျါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.