လံာ်တၢ်ဘူၣ်ထီၣ်ဘါထီၣ် 8:32 - Sgaw Karen Common Bible

³² တၢ်ညၣ်ဒီးကိၣ်လၢအအိၣ်လီၤတဲာ်န့ၣ်ဆူးကဲၤကွံာ်အီၤတက့ၢ်.

လံာ်တၢ်ဘူၣ်ထီၣ်ဘါထီၣ် 8:32 Iomraidhean Croise

လံာ်တၢ်ဟးထီၣ်ကွံာ် 12:10

သုတပာ်လီၤတဲာ်တၢ်နီတမံၤတုၤမုၢ်ဆ့ၣ်ထီၣ်န့ၣ်တဂ့ၤ. မ့ၢ်အိၣ်လီၤတဲာ်တ့ၢ်တမံၤမံၤန့ၣ်ဒီးကဘၣ်တၢ်ဆူးကဲၤထီၣ်ကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 29:34

ဒီးတၢ်ဖံးတၢ်ညၣ်ဒီးကိၣ်တနီၤလၢတဘၣ်တၢ်အီၣ်အီၤတုၤလၢမုၢ် ဆ့ၣ်ထီၣ်န့ၣ်ကဘၣ်တၢ်ဆူးကဲၤထီၣ်ကွံာ်အီၤလီၤ. တၢ်တဘၣ်အီၣ်အီၤလၢၤဘၣ်. အဂ့ၢ်ဒ်အံၤ, မ့ၢ်ဝဲတၢ်စီဆှံလီၤ.

တၢ်ကတိၤဒိ. 27:1

ပာ်ကဖိနသးလၢခဲဂီၤကိာ်အဂ့ၢ်နီတစုတဂ့ၤ. အဂ့ၢ်ဒ်အံၤ, တၢ်ကမၤအသးလၢခဲအံၤဒီးဆူညါအဘၢၣ်စၢၤန့ၣ်, နတသ့ၣ်ညါဘၣ်.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:17

ဒီးတၢ်ညၣ်တမံၤလၢ်လၢ်လၢအအိၣ်လီၤတဲာ်လၢသၢသီတသီ န့ၣ်ကဘၣ်တၢ်ဆူးကဲၤကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:33

ဒီးသုဘၣ်အိၣ်လၢတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်နွံ သီတုၤလၢတၢ်ပာ်စုအလုၢ်အလၢ်ဝံၤဝဲတစုန့ၣ်လီၤ.

၂ ကရံၣ်သူး 6:2

ဒိကနၣ်တၢ်လၢကစၢ်ယွၤစံးဝဲန့ၣ်တက့ၢ်. “ဖဲတၢ်ဆၢကတီၢ်တုၤအိၣ်လၢယဂီၢ်, လၢယကမၤဂ့ၤသုန့ၣ်, ယဒိကနၣ်သုကလုၢ်လီၤ. ဖဲမုၢ်နံၤမုၢ်သီတုၤအိၣ်လၢယဂီၢ်, လၢယကဘၣ်အုၣ်က့ၤခီၣ်က့ၤသုန့ၣ်, ယမၤစၢၤသုလီၤ.” ဒိကနၣ်တက့ၢ်. ခဲကနံၣ်အံၤ မ့ၢ်ဝဲဆၢကတီၢ်နၣ်ရံၣ်လၢတၢ် ကဒိးန့ၢ်ယွၤအတၢ်မၤဂ့ၤအဂီၢ်လီၤ. တနံၤအံၤမ့ၢ်မုၢ်တနံၤလၢတၢ်ကဒိးန့ၢ်တၢ်အုၣ်က့ၤခီၣ်က့ၤ အဂီၢ်လီၤ.