လံာ်တၢ်ဘူၣ်ထီၣ်ဘါထီၣ် 8:30 - Sgaw Karen Common Bible

³⁰ စီၤမိၤၡ့ဟံးန့ၢ်သိဖှူတၢ်တနီၤဒီးတၢ်သွံၣ်တနီၤလၢအအိၣ် လၢတၢ်လုၢ်လီၢ်ဖီခိၣ်ဒီးဖှံဝဲလၢစီၤအၤဟရိၣ်ဒီးအဖိခွါတဖၣ်အလိၤဒီးအဆ့ကၤအလိၤစ့ၢ်ကီးလီၤ. တၢ်အံၤမ့ၢ်စီၤမိၤၡ့ပာ်စီဆှံ အဝဲသ့ၣ်ဒီးအဆ့ကၤတဖၣ်ဆူယွၤအအိၣ်လီၤ.

လံာ်တၢ်ဘူၣ်ထီၣ်ဘါထီၣ် 8:30 Iomraidhean Croise

လံာ်တၢ်ဟးထီၣ်ကွံာ် 28:2

မၤန့ၢ်ပှၤလုၢ်တၢ်အခိၣ်အကူအသိးတဖၣ်လၢနဒီပုၢ်ဝဲၢ်ခွါစီၤအၤဟရိၣ်အဂီၢ်ဒ်သိး အကဟ့ၣ်အီၤတၢ်အသူးအသ့ၣ်ဒီးတၢ်ဃံတၢ်လၤတက့ၢ်.

လံာ်တၢ်ဟးထီၣ်ကွံာ် 29:21

ဟံးန့ၢ်တၢ်သွံၣ်တနီၤလၢအအိၣ်လၢတၢ်လုၢ်လီၢ်အဖီခိၣ်န့ၣ်ဒီး သိဖှူတၢ်တနီၤဒီးဖှံအီၤလၢစီၤအၤဟရိၣ်ဒီးအဖိခွါတဖၣ်အတၢ် ကူတၢ်သိးအလိၤတက့ၢ်. အန့ၣ်တစုအဝဲဒၣ်ဒီးအဖိခွါတဖၣ်ဒီးအတၢ်ကူတၢ်သိးတဖၣ်န့ၣ် ကဘၣ်တၢ်ပာ်စီဆှံအီၤဆူယအိၣ်န့ၣ်လီၤ.

လံာ်တၢ်ဟးထီၣ်ကွံာ် 30:30

အန့ၣ်ဝံၤဒီးဖှူစီၤအၤဟရိၣ်ဒီးအဖိခွါတဖၣ်, ဒီးပာ်စီဆှံအီၤဒ်ပှၤလုၢ်တၢ်အခိၣ်တဖၣ်အသိးလၢယတၢ်မၤအဂီၢ်တက့ၢ်.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 7:35

တၢ်အံၤမ့ၢ်တၢ်လၢတၢ်လုၢ်မ့ၣ်အူဆူယွၤအအိၣ်အကျါတနီၤ, လၢစီၤအၤဟရိၣ်ဒီးအဖိခွါတဖၣ်အဂီၢ်, စးထီၣ်မုၢ်တနံၤလၢအဝဲ သ့ၣ်ဘၣ်တၢ်ဖှူအီၤဒ်ပှၤလုၢ်တၢ်အခိၣ်တဖၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:36

မုၢ်တနံၤလၢအဝဲသ့ၣ်တဖၣ်ဘၣ်တၢ်ဖှူအီၤန့ၣ်ယွၤမၤလိာ်ပှၤအံၣ် စရ့လးဖိတဖၣ်လၢကဘၣ်ဟ့ၣ်အဝဲသ့ၣ်တၢ်လၢတၢ်လုၢ်မ့ၣ်အူ အကျါတနီၤအံၤန့ၣ်လီၤ. တၢ်အံၤမ့ၢ်တၢ်သိၣ်တၢ်ဘျၢလၢပှၤအံၣ် စရ့လးဖိတဖၣ်ကဘၣ်စူၢ်အီၤတဘိယူၢ်ဃီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:12

ဒီးပာ်စုစီၤအၤဟရိၣ်ခီဖျိတၢ်လူလီၤသိဖှူတၢ်တနီၤလၢအခိၣ်လိၤန့ၣ်လီၤ.

လံာ်တၢ်ဂံၢ် 3:3

အဝဲသ့ၣ်ဘၣ်တၢ်ဖှူအီၤဒီးပာ်စုအီၤဒ်ပှၤလုၢ်တၢ်အခိၣ်တဖၣ်အသိး န့ၣ်လီၤ.

ဧ့ၤဘြံၤ 2:11

ပှၤလၢအမၤစီထီၣ်ဆှံထီၣ်ပှၤတဖၣ်လၢအတၢ်ဒဲးဘးဒီး ပှၤလၢအဘၣ်တၢ်မၤစီထီၣ်ဆှံထီၣ်အီၤတဖၣ်အိၣ်ဒီးပၢ်တဂၤ ဃီလီၤ. လၢတၢ်န့ၣ်အဃိယ့ၣ်ၡူးအမဲာ်တဆှးဘၣ်လၢကကိး အဝဲသ့ၣ်လၢဒီပုၢ်ဝဲၢ်ဘၣ်.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.