လံာ်တၢ်ဘူၣ်ထီၣ်ဘါထီၣ် 8:15 - Sgaw Karen Common Bible

¹⁵ စီၤမိၤၡ့မၤသံဂီၤဖံးဖါဖိန့ၣ်ဒီးဟံးန့ၢ်ဝဲအသွံၣ်တနီၤ, ဒီးပာ်ထီၣ်ဝဲဒီးအစုမုၢ်လၢတၢ်လုၢ်ထီၣ်အနၢၤတဖၣ်အလိၤ လၢတၢ်ပာ်စီဆှံထီၣ်အဂီၢ်န့ၣ်လီၤ. ဒီးတၢ်သွံၣ်လၢအအိၣ်တ့ၢ်န့ၣ်လူလီၤဝဲလၢတၢ်လုၢ်လီၢ်အခီၣ်ထံး ဒ်အမ့ၢ်တၢ်ပာ်စီဆှံထီၣ်ဒီးမၤစီဆှံအီၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:15 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:24

ဝံၤဒီးပှၤလုၢ်တၢ်အခိၣ်တဖၣ်မၤသံကွံာ်မဲာ်တဲးလဲးတဖၣ်ဒီးလူ လီၤအသွံၣ်, လၢတၢ်လုၢ်လီၢ်အလိၤဒ်တၢ်လုၢ်တၢ်ပာ်တမံၤအသိးလၢကစိာ်ထီၣ်ကွံာ် ပှၤဂီၢ်မုၢ်အတၢ်ဒဲးဘးအဂီၢ်န့ၣ်လီၤ. အဂ့ၢ်ဒ်အံၤ, စီၤပၤမၤလိာ်တ့ၢ်ဝဲလၢတၢ်လုၢ်မ့ၣ်အူတဖၣ်ဒီးတၢ် လုၢ်တၢ်ဒဲးဘးတဖၣ်န့ၣ်ကဘၣ်တၢ်မၤအီၤလၢပှၤအံၣ်စရ့လးဖိခဲ လၢာ်အဂီၢ်န့ၣ်လီၤ.

လံာ်ယဃ့းစက့လး 45:20

လၢလါထီၣ်နွံသီတသီန့ၣ်သုကဘၣ်မၤတၢ်တမံၤဃီဒ်အံၤလၢပှၤတဂၤဂၤ လၢအမၤတၢ်ဒဲးဘးလၢတၢ်တပာ်သူၣ်ပာ်သးအဃိမ့ၢ်ဂ့ၤ, လၢအတၢ်နူၤပၢၢ်နၢ်ဘှါတအိၣ်အဃိမ့ၢ်ဂ့ၤအဂီၢ်န့ၣ်လီၤ. လၢကျဲဒ်အံၤအပူၤန့ၣ်သုကပာ်စီပာ်ဆှံယွၤအတၢ်လုၢ်ဟံၣ်န့ၣ်လီၤ.

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 1:11

ဒီးအဝဲကမၤသံအီၤလၢတၢ်လုၢ်လီၢ်အကလံၤစိးတကပၤ, ဒီးပှၤလုၢ်တၢ်အခိၣ်တဖၣ်ကလူလီၤတၢ်သွံၣ်ဝးတရံးတၢ်လုၢ်လီၢ် န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:5

ဒီးကဘၣ်မၤသံဂီၤဖံးဖါဖဲန့ၣ်, ဒီးပှၤလုၢ်တၢ်အခိၣ်လၢအလီၤစၢၤလီၤသွဲၣ် လၢစီၤအၤဟရိၣ်တဖၣ်ကလုၢ်ထီၣ်တၢ်သွံၣ်ဆူယွၤအအိၣ်ဒီးလူ လီၤတၢ်သွံၣ်ဝးတရံးတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါထီၣ် ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:20

ဖဲစီၤအၤဟရိၣ်မၤဝံၤတၢ်ဘူၣ်တၢ်ဘါအလုၢ်အလၢ်ဘၣ်ဃးတၢ်မၤကဆှီ တၢ်လီၢ်စီဆှံကတၢၢ်, တၢ်ဘူၣ်ထီၣ်ဘါထီၣ်ယွၤအဒဲခဲလၢာ်, ဒီးတၢ်လုၢ်လီၢ်, တစုန့ၣ်, အဝဲကဘၣ်လုၢ်ထီၣ်မဲာ်တဲးလဲးမူဒံးတဒုဆူယွၤ အအိၣ်လၢအဘၣ်တၢ်ဃုထၢအီၤလၢတၢ်နါဧ့စ့ၤစ့လးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:2

ဒီးအဝဲကဘၣ်ပာ်အစုလၢဂီၤဖံးန့ၣ်အခိၣ်လိၤဒီးမၤသံအီၤဖဲ တၢ်ဘူၣ်ထီၣ်ဘါထီၣ်ယွၤအကျဲစၢၤန့ၣ်လီၤ. ဒီးပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ်တဖၣ်ကဘၣ်လူလီၤ တၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:8

အဝဲကဘၣ်ပာ်အစုလၢအသိအခိၣ်လိၤ, ဒီးမၤသံကွံာ်အီၤလၢတၢ်ဘူၣ် ထီၣ်ဘါထီၣ်ယွၤအဒဲအမဲာ်ညါဒီးပှၤလုၢ်တၢ်အခိၣ်တဖၣ် ကလူလီၤတၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:25

အန့ၣ်ဝံၤဒီးပှၤလုၢ်တၢ်အခိၣ်ကဟံးန့ၢ်တၢ်သွံၣ်တနီၤဒီးဘျုး လီၤအစုမုၢ်လၢတၢ်သွံၣ်န့ၣ်အပူၤဒီးပာ်အီၤလၢတၢ်လုၢ်တၢ်နၢ မူတဖၣ်အလီၢ်အနၢၤတဖၣ်အလိၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤဝဲလၢတၢ်လုၢ် ထီၣ်တၢ်မၤဘူၣ်ဆိၣ်ကဲၤလၢမ့ၣ်အူအတၢ်လုၢ်လီၢ်အခီၣ်ထံးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:30

ဒီးပှၤလုၢ်တၢ်အခိၣ်ကဘၣ်ဟံးန့ၢ်ဆၣ်ဖိကီၢ်ဖိတဒုန့ၣ်အသွံၣ်လၢ အစုမုၢ်ဒီးပာ်လီၤအီၤလၢတၢ်လုၢ်မၤဘူၣ်လၢမ့ၣ်အူအလီၢ်အနၢၤ တဖၣ်အလိၤလီၤ. ဒီးတၢ်သွံၣ်အိၣ်လီၤတဲာ်တဖၣ်န့ၣ်ကဘၣ်လူ လီၤဝဲဖဲတၢ်လုၢ်လီၢ်န့ၣ်အခီၣ်ထံးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:7

ဒီးပှၤလုၢ်တၢ်အခိၣ်အဒိၣ်ကတၢၢ်န့ၣ်ကဘၣ်ပာ်တၢ်သွံၣ်တနီၤလၢတၢ် လုၢ်ထီၣ်တၢ်နၢမူအတၢ်လုၢ်လီၢ်အနၢၤတဖၣ်အဖီခိၣ်လၢတၢ်ဘူၣ်ထီၣ် ဘါထီၣ်ယွၤအဒဲပူၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤအီၤဖဲတၢ်လုၢ် မ့ၣ်အူအတၢ်လုၢ်လီၢ်အခီၣ်ထံးလၢအအိၣ်လၢတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:30

ဘၣ်ဆၣ်ဒီးတၢ်သွံၣ်တနီၤနီၤမ့ၢ်ဘၣ်တၢ်စိာ်နုာ်အီၤဆူတၢ်ဘူၣ် ထီၣ်ဘါထီၣ်ယွၤအဒဲအပူၤဒီးသူအီၤလၢ တၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်, ဆၣ်ဖိကီၢ်ဖိအံၤတၢ်တဘၣ်အီၣ်အီၤဘၣ်ဒီး ကဘၣ်တၢ်ဆူးကဲၤကွံာ်အီၤလီၤ.

လံာ်တၢ်ဂံၢ် 8:12

ဝံၤဒီးပှၤလ့ၤဝံဖိတဖၣ်ကပာ်ထီၣ်အစုတဖၣ်လၢကျီၢ်ဖါခံဒု အခိၣ်လိၤလၢတဒုန့ၣ်, ကဘၣ်တၢ်လုၢ်ထီၣ်အီၤလၢတၢ်ပျၢ်တၢ်ဒဲးဘးအဂီၢ်ဒီးအဂၤတဒုန့ၣ် လၢတၢ်လုၢ်မ့ၣ်အူအဂီၢ်, လၢတၢ်ကမၤတၢ်ဘူၣ်တၢ်ဘါအလုၢ်အလၢ်လၢတၢ်မၤကဆှီထီၣ်ပှၤလ့ၤဝံ ဖိတဖၣ်အဂီၢ်န့ၣ်လီၤ.

ရိမ့ၤ 5:10

ပမ့ၢ်တ့ၢ်ကစၢ်ယွၤအဒုၣ်အဒါတဖၣ်, ဘၣ်ဆၣ်အဝဲမၤဘၣ်လိာ်က့ၤပှၤဒီးအီၤခီဖျိအဖိခွါအတၢ်သံန့ၣ်လီၤ. ဒီးခဲအံၤမ့ၢ်လၢပမ့ၢ်ကစၢ်ယွၤအတံၤသကိးတဖၣ်အဃိဒီး, ခရံာ်အတၢ်မူကအုၣ်က့ၤခီၣ်က့ၤပှၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

အ့းဖ့းစူး 2:16

ခီဖျိအတၢ်သံလၢထူၣ်စုညါအလိၤန့ၣ်, ခရံာ်မၤကတၢၢ်ကွံာ်အဝဲသ့ၣ်အတၢ်သူၣ်ဟ့သးဟ့လီၤ. ခီဖျိထူၣ်စုညါန့ၣ်, အဝဲပာ်ဖှိၣ်ပှၤခံကလုာ်လၢာ်ဆူနီၢ်တဂၤဃီ အပူၤ, ဒီးဆှၢက့ၤအဝဲသ့ၣ်ဆူကစၢ်ယွၤအအိၣ်လီၤ.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.