လံာ်တၢ်ဘူၣ်ထီၣ်ဘါထီၣ် 7:35 - Sgaw Karen Common Bible

³⁵ တၢ်အံၤမ့ၢ်တၢ်လၢတၢ်လုၢ်မ့ၣ်အူဆူယွၤအအိၣ်အကျါတနီၤ, လၢစီၤအၤဟရိၣ်ဒီးအဖိခွါတဖၣ်အဂီၢ်, စးထီၣ်မုၢ်တနံၤလၢအဝဲ သ့ၣ်ဘၣ်တၢ်ဖှူအီၤဒ်ပှၤလုၢ်တၢ်အခိၣ်တဖၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:35 Iomraidhean Croise

လံာ်တၢ်ဟးထီၣ်ကွံာ် 28:1

ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဟးထီၣ်ကွံာ် 29:1

အအံၤမ့ၢ်တၢ်လၢနကဘၣ်မၤအီၤလၢတၢ်ပာ်စီဆှံစီၤအၤဟရိၣ်ဒီး အဖိခွါသ့ၣ်တဖၣ်ဒ်ပှၤလုၢ်တၢ်အခိၣ်တဖၣ်အသိးလၢယတၢ်ဖံးတၢ်မၤအပူၤအဂီၢ်လီၤ. ဟံးန့ၢ်ဂီၤဖံးဖါအသးစၢ်ဖိတဒုဒီးသိဖါခံဒုလၢအမဲၣ်သူမဲၣ်ဂီၤတအိၣ်ဘၣ်န့ၣ်တက့ၢ်.

လံာ်တၢ်ဟးထီၣ်ကွံာ် 29:21

ဟံးန့ၢ်တၢ်သွံၣ်တနီၤလၢအအိၣ်လၢတၢ်လုၢ်လီၢ်အဖီခိၣ်န့ၣ်ဒီး သိဖှူတၢ်တနီၤဒီးဖှံအီၤလၢစီၤအၤဟရိၣ်ဒီးအဖိခွါတဖၣ်အတၢ် ကူတၢ်သိးအလိၤတက့ၢ်. အန့ၣ်တစုအဝဲဒၣ်ဒီးအဖိခွါတဖၣ်ဒီးအတၢ်ကူတၢ်သိးတဖၣ်န့ၣ် ကဘၣ်တၢ်ပာ်စီဆှံအီၤဆူယအိၣ်န့ၣ်လီၤ.

လံာ်တၢ်ဟးထီၣ်ကွံာ် 29:7

အန့ၣ်ဝံၤဒီးဟံးန့ၢ်သိဖှူတၢ်, ဒီးလူလီၤလၢအခိၣ်လိၤဒီးဖှူ အီၤတက့ၢ်.

လံာ်ယၡါယၤ 10:27

ဖဲတၢ်ဆၢကတီၢ်အဝဲန့ၣ်ဟဲတုၤဒီး, ယကမၤထူၣ်ဖျဲးထီၣ်နၤလၢ ကီၢ်အၤၡူၢ်အစိအကမီၤအဖီလာ်, ဒီးအဝဲသ့ၣ်အနီၣ်ယိးဘိ တမ့ၢ်တၢ်ဝံတၢ်ယိးလၢသုဖံဘၣ်ခိၣ်တဖၣ်အလိၤလၢၤဘၣ်.”

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 8:30

စီၤမိၤၡ့ဟံးန့ၢ်သိဖှူတၢ်တနီၤဒီးတၢ်သွံၣ်တနီၤလၢအအိၣ် လၢတၢ်လုၢ်လီၢ်ဖီခိၣ်ဒီးဖှံဝဲလၢစီၤအၤဟရိၣ်ဒီးအဖိခွါတဖၣ်အလိၤဒီးအဆ့ကၤအလိၤစ့ၢ်ကီးလီၤ. တၢ်အံၤမ့ၢ်စီၤမိၤၡ့ပာ်စီဆှံ အဝဲသ့ၣ်ဒီးအဆ့ကၤတဖၣ်ဆူယွၤအအိၣ်လီၤ.

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

၂ ကရံၣ်သူး 1:21

ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢအဒုးအိၣ်စံာ်အိၣ်ကျၢၤ ပဝဲဒီးသုဝဲလီၤတံၢ်လီၤဆဲးလၢတၢ်ပာ်ဖှိၣ်ဃုာ်ပှၤလၢခရံာ် အပူၤလီၤ. ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢအမၢလီၤ ဒီးဟ့ၣ်စိဟ့ၣ်ကမီၤတ့ၢ်ပှၤ,

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 2:28

လၢပှၤအံၣ်စရ့လးဖိအဒူၣ်ခဲလၢာ်အကျါန့ၣ်, ယဃုထၢထီၣ်အဟံၣ်ဖိဃီဖိလၢကကဲထီၣ်ယပှၤလုၢ်တၢ်အခိၣ်တဖၣ်ဒီး မၤယတၢ်မၤလၢတၢ်လုၢ်လီၢ်, လၢကဆူးကဲၤတၢ်နၢမူ, ဒီးကသိးထီၣ်အ့ဖိးဒီးကူၣ်လိာ်တၢ်ဒီး ယၤအဂီၢ်လီၤ. ဒီးယဟ့ၣ်အဝဲသ့ၣ်လၢတၢ်အခွဲးအယာ်တမံၤ လၢအကမၤန့ၢ်အတၢ်နီၤဖးလၢအဂီၢ်တမံၤ လၢတၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤထီၣ်အီၤ လၢတၢ်လုၢ်လီၢ်ဖီခိၣ်အကျါန့ၣ်လီၤ.