လံာ်တၢ်ဘူၣ်ထီၣ်ဘါထီၣ် 7:32 - Sgaw Karen Common Bible

³² အကံၣ်ဒုၣ်အထွဲတခီန့ၣ်, ကဘၣ်တၢ်ဟ့ၣ်အီၤဒ်တၢ်ဟ့ၣ်လီၤဆီတမံၤအသိး,

လံာ်တၢ်ဘူၣ်ထီၣ်ဘါထီၣ် 7:32 Iomraidhean Croise

လံာ်တၢ်ဟးထီၣ်ကွံာ် 29:27

ဖဲပှၤလုၢ်တၢ်အခိၣ်တဂၤဘၣ်တၢ်ဖှူအီၤန့ၣ်သိဖါအသးနါပှၢ်ဒီး အကံၣ်ဒုၣ်လၢဘၣ်တၢ်သူအီၤလၢတၢ်ဖှူပှၤလုၢ်တၢ်အခိၣ်အဂီၢ်န့ၣ် ကဘၣ်တၢ်ပာ်စီဆှံအီၤဆူယအိၣ်ဒ်တၢ်ဟ့ၣ်လီၤဆီတမံၤအသိးဒီး ကဘၣ်တၢ်ပာ်လီၤဆီအီၤလၢပှၤလုၢ်တၢ်အခိၣ်တဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:14

မ့မ့ၢ်နၤဒီးနပှၤဟံၣ်ဖိဃီဖိကအီၣ်ဘၣ်တၢ်အသးနါပှၢ်, ဒီးတၢ်အကံၣ်ဒုၣ်လၢအဘၣ်တၢ်လုၢ်ထီၣ်အီၤဒ်တၢ်ဟ့ၣ်လီၤဆီ ဒီးတၢ်မၤဘူၣ်လီၤဆီဆူယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ် လီၤ. သုအီၣ်အီၤသ့ဝဲလၢတၢ်လီၢ်လၢအစီအဆှံဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးတပူၤလၢ်လၢ်န့ၣ်လီၤ. တၢ်လုၢ်မၤဘူၣ်တဖၣ်အံၤဘၣ်တၢ်ဟ့ၣ်လီၤနၤဒီးနဖိနလံၤတဖၣ်ဒ်တၢ် နီၤဖးဘၣ်ဃးဒီးနၤလၢပှၤအံၣ်စရ့လးဖိတဖၣ်အတၢ်လုၢ်မၤဃူမၤဖိးအကျါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:33

ဆူပှၤလုၢ်တၢ်အခိၣ်လၢအလုၢ်ထီၣ်တၢ်သွံၣ်ဒီးတၢ်အသိလၢတၢ်လုၢ် မၤဃူမၤဖိးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:34

ဆၣ်ဖိကီၢ်ဖိအသးနါပှၢ်ဒီးအကံၣ်ဒုၣ်အထွဲတခီန့ၣ်, မ့ၢ်တၢ်ဟ့ၣ်လီၤဆီလၢယွၤဟံးန့ၢ်အီၤလၢပှၤအံၣ်စရ့လးဖိတဖၣ် အအိၣ်ဒီးဟ့ၣ်လီၤဝဲဆူပှၤလုၢ်တၢ်အခိၣ်တဖၣ်အအိၣ်န့ၣ်လီၤ. တၢ်အံၤမ့ၢ်တၢ်လၢပှၤအံၣ်စရ့လးဖိတဖၣ်ကဘၣ်ဟ့ၣ်ပှၤလုၢ်တၢ်အခိၣ် တဖၣ်တဘိယူာ်ဃီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:21

ဒီးလုၢ်ထီၣ်ဝဲအသးနါပှၢ်ဒီးအခီၣ်ထွဲတဖၣ်ဒ်တၢ်ဟ့ၣ်လီၤဆီတမံၤဆူ ယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်, ဒ်စီၤမိၤၡ့မၤလိာ်ဝဲအသိးန့ၣ်လီၤ.

လံာ်တၢ်ဂံၢ် 5:9

ဒ်န့ၣ်အသိးကယဲၢ်တၢ်ဟ့ၣ်မၤဘူၣ်ဆီလၢပှၤအံၣ်စရ့လးဖိတဖၣ်ဟ့ၣ် ဆူယွၤအအိၣ်န့ၣ်ဘၣ်ဃးဒီးပှၤလုၢ်တၢ်အခိၣ်တဂၤလၢအဝဲ သ့ၣ်ဟ့ၣ်ဝဲဆူအအိၣ်န့ၣ်လီၤ.

လံာ်တၢ်ဂံၢ် 6:20

ဝံၤဒီးပှၤလုၢ်တၢ်အခိၣ်ကဟ့ၣ်ထီၣ်အီၤဒ်တၢ်ဟ့ၣ်လီၤဆီတမံၤ အသိးဆူယွၤအအိၣ်လီၤ. အဝဲသ့ၣ်တဖၣ်န့ၣ်မ့ၢ်ဝဲတၢ်လုၢ်စီဆှံတမံၤလၢပှၤလုၢ်တၢ်အခိၣ် အဂီၢ်, လၢတၢ်ပာ်ဖှိၣ်ဟ့ၣ်အီၤဃုာ်ဒီးသိဖါအသးနါပှၢ်ဒီးအခီၣ်လၢ အဘၣ်ဃးဒီးပှၤလုၢ်တၢ်အခိၣ်ဒ်ယူဒၤအတၢ်သိၣ်တၢ်သီအိၣ်ဝဲအသိး န့ၣ်လီၤ. အန့ၣ်ဝံၤဒီးပှၤနစၤရံဖိအီစပံးထံသ့ဝဲန့ၣ်လီၤ.

လံာ်သိၣ်လီၤသီလီၤတၢ် 18:3

တဘျီလၢ်လၢ်ဖဲဂီၤဘုၣ်ဂီၤဖံးမ့ၢ်ဂ့ၤ, သိမ့ၢ်ဂ့ၤဘၣ်တၢ်လုၢ် ထီၣ်ပာ်ထီၣ်အီၤန့ၣ်, တၢ်ကဟ့ၣ်ပှၤလုၢ်တၢ်အခိၣ်တဖၣ်လၢအဖံဘၣ်ခိၣ်, အခၣ်ဃံဒီးအကဖုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:24

မၤသးဒ်န့ၣ်ဒီး, ပှၤဖီတၢ်အီၣ်တၢ်အီန့ၣ်ဟဲစိာ်ထီၣ်တၢ်ညၣ်တလိၣ် လၢတၢ်ဃုထၢပာ်လီၤဆီဆီအီၤလၢအခီၣ်တကပၤဒီးပာ်အီၤလၢစီၤ စီလူးအမဲာ်ညါလီၤ. စီၤၡမူၤအ့လးစံးဝဲ, “ကွၢ်ကွၢ်, အဝဲအံၤမ့ၢ်တၢ်ညၣ်လၢအဘၣ်တၢ်ပာ်ဃးအီၤလၢနဂီၢ်န့ၣ်လီၤ. အီၣ်အီၤတက့ၢ်. ယပာ်ဃးအီၤလၢနဂီၢ်လၢနကအီၣ်အီၤတဘျီ အံၤဃုာ်ဒီးပှၤဂီၢ်မုၢ်လၢယကွဲတ့ၢ်အီၤတဖၣ်န့ၣ်လီၤ.” မၤသးဒ်န့ၣ်ဒီး, စီၤစီလူးအီၣ်သကိးတၢ်ဒီးစီၤၡမူၤအ့လးလၢ မုၢ်တနံၤန့ၣ်လီၤ.