လံာ်တၢ်ဘူၣ်ထီၣ်ဘါထီၣ် 7:31 - Sgaw Karen Common Bible

³¹ ဒီးပှၤလုၢ်တၢ်အခိၣ်ကဆူးကဲၤထီၣ်တၢ်အသိလၢတၢ်လုၢ်လီၢ်အဖီခိၣ်လီၤ. မ့မ့ၢ်အသးနါပှၢ်န့ၣ်ကဘၣ်မ့ၢ်ပှၤလုၢ်တၢ်အခိၣ်တဖၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 7:31 Iomraidhean Croise

လံာ်တၢ်ဟးထီၣ်ကွံာ် 29:26

ဟံးန့ၢ်သိဖါအံၤအသးနါပှၢ်ဒီးပာ်စီဆှံအီၤဆူယအိၣ်ဒ်တၢ် ဟ့ၣ်လီၤဆီတမံၤအသိးတက့ၢ်. ဆၣ်ဖိကီၢ်ဖိအညၣ်အံၤကမ့ၢ်ဝဲလၢနဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 3:11

ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:16

ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်လၢအမၤမုာ်ယွၤအသးအသိးန့ၣ်လီၤ. တၢ်အသိခဲလၢာ်န့ၣ်မ့ၢ်ယွၤအတၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:5

အန့ၣ်ဒီးပှၤလုၢ်တၢ်အခိၣ်တဖၣ်ကဆိၣ်ကဲၤထီၣ်ကွံာ်အီၤခဲလၢာ်ဃုာ် ဒီးတၢ်လုၢ်မ့ၣ်အူတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:13

ပှၤလုၢ်တၢ်အခိၣ်ကလုၢ်ထီၣ်တၢ်ဒ်သိးအံၤလၢတၢ်လုၢ်တၢ်ပျၢ်တၢ်ဒဲး ဘးလၢပှၤတဂၤအံၤအတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ. ဒီးကိၣ်ကမူၣ်လၢအအိၣ်လီၤတဲာ်န့ၣ်မ့ၢ်ပှၤလုၢ်တၢ်အခိၣ်အတၢ်ဒ်တၢ် အိၣ်လီၤတဲာ်လၢတၢ်လုၢ်ဘုဧိၤဟုဧိၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:16

ဒီးတၢ်အိၣ်လီၤတဲာ်တဖၣ်န့ၣ်ပှၤလုၢ်တၢ်အခိၣ်တဖၣ်ကအီၣ်ဝဲလီၤ. ကဘၣ်ကုၢ်ဝဲကိၣ်လၢတအိၣ်ဘၣ်ဒီးကိၣ်မံၣ်ဒီးကဘၣ်အီၣ်ဝဲလၢတၢ် လီၢ်စီဆှံ, လၢအမ့ၢ်တၢ်ဘူၣ်ထီၣ်ဘါထီၣ်ယွၤအဒဲအဂၢၤပူၤလီၤ.

လံာ်တၢ်ဘူၣ်ထီၣ်ဘါထီၣ် 6:26

ပှၤလုၢ်တၢ်အခိၣ်လၢအလုၢ်ထီၣ်ဆၣ်ဖိကီၢ်ဖိန့ၣ်, ကဘၣ်အီၣ်ဝဲတၢ်လုၢ်န့ၣ်လၢတၢ်လီၢ်စီဆှံလၢအမ့ၢ်တၢ်ဘူၣ်ထီၣ်ဘါ ထီၣ်ယွၤအဒဲအဂၢၤပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:34

ဆၣ်ဖိကီၢ်ဖိအသးနါပှၢ်ဒီးအကံၣ်ဒုၣ်အထွဲတခီန့ၣ်, မ့ၢ်တၢ်ဟ့ၣ်လီၤဆီလၢယွၤဟံးန့ၢ်အီၤလၢပှၤအံၣ်စရ့လးဖိတဖၣ် အအိၣ်ဒီးဟ့ၣ်လီၤဝဲဆူပှၤလုၢ်တၢ်အခိၣ်တဖၣ်အအိၣ်န့ၣ်လီၤ. တၢ်အံၤမ့ၢ်တၢ်လၢပှၤအံၣ်စရ့လးဖိတဖၣ်ကဘၣ်ဟ့ၣ်ပှၤလုၢ်တၢ်အခိၣ် တဖၣ်တဘိယူာ်ဃီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:29

ဒီးစီၤမိၤၡ့ဟံးန့ၢ်အသးနါပှၢ်ဒီးလုၢ်ထီၣ်အီၤဆူယွၤအအိၣ်ဒ်တၢ်ဟ့ၣ်လီၤဆီတမံၤအသိးန့ၣ်လီၤ. တၢ်အံၤမ့ၢ်လၢတၢ်ဒိးပာ်စုအသိဖါအတၢ်နီၤဖးလၢစီၤမိၤၡ့ဒီးန့ၢ်ဝဲလၢအဂီၢ်န့ၣ်လီၤ. စီၤမိၤၡ့မၤတၢ်ခဲလၢာ်ဒ်ယွၤမၤလိာ်ဝဲအသိးန့ၣ်လီၤ.

လံာ်တၢ်ဂံၢ် 18:11

လၢတၢ်န့ၣ်အမဲာ်ညါ, တၢ်မၤဘူၣ်လီၤဆီအဂၤတဖၣ်လၢပှၤအံၣ်စရ့လး ဖိတဖၣ်ဟ့ၣ်ထီၣ်ဆူယအိၣ်န့ၣ်ကမ့ၢ်နတၢ်လီၤ. ယဟ့ၣ်တၢ်တဖၣ်န့ၣ်ဆူနၤဒီးနဖိခွါတဖၣ်ဒီးနဖိမုၣ်တဖၣ်အစိၤ စိၤအဃၣ်ဃၣ်န့ၣ်လီၤ. ပှၤကိးဂၤဒဲးလၢနဟံၣ်ဖိဃီဖိအကျါလၢအကဆှီဝဲဒ်တၢ်ဘူၣ်တၢ် ဘါအလုၢ်အလၢ်အိၣ်ဝဲအသိးန့ၣ်အီၣ်အီၤသ့လီၤ.

လံာ်တၢ်ဂံၢ် 18:18

တၢ်လုၢ်တဖၣ်န့ၣ်အတၢ်ဖံးတၢ်ညၣ်, ဒ်တၢ်ညၣ်လၢအသးနါပှၢ်ဒီးအခီၣ် ကံၣ်ဒုၣ်အထွဲလၢအမ့ၢ်တၢ်လုၢ်တၢ်ပာ်လီၤဆီန့ၣ်ဘၣ်ဃးဒီးနၤလီၤ.

1 ကရံၣ်သူး 9:13

သုကသ့ၣ်ညါကစီဒီလီၤ. ပှၤလၢအမၤတၢ်လၢတၢ်လုၢ်ဟံၣ်အပူၤ တဖၣ်ဒိးန့ၢ်ဘၣ်အတၢ်အီၣ်လၢတၢ်လုၢ်ဟံၣ်အပူၤ, ဒီးပှၤလၢအလုၢ်ထီၣ်တၢ်လုၢ်တၢ်ပာ်လၢတၢ်လုၢ်လီၢ်တဖၣ် ဒိးန့ၢ်ဘၣ်တၢ်နီၤဟ့ၣ်အီၤလၢတၢ်လုၢ်တၢ်ပာ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 18:3

တဘျီလၢ်လၢ်ဖဲဂီၤဘုၣ်ဂီၤဖံးမ့ၢ်ဂ့ၤ, သိမ့ၢ်ဂ့ၤဘၣ်တၢ်လုၢ် ထီၣ်ပာ်ထီၣ်အီၤန့ၣ်, တၢ်ကဟ့ၣ်ပှၤလုၢ်တၢ်အခိၣ်တဖၣ်လၢအဖံဘၣ်ခိၣ်, အခၣ်ဃံဒီးအကဖုန့ၣ်လီၤ.