လံာ်တၢ်ဘူၣ်ထီၣ်ဘါထီၣ် 7:30 - Sgaw Karen Common Bible

³⁰ ကဘၣ်ဟဲစိာ်ဝဲလၢအစုဒၣ်ဝဲဒ်တၢ်လုၢ်မ့ၣ်အူအသိးဆူယွၤအအိၣ်လီၤ. ကဘၣ်ဟဲစိာ်ဝဲဆၣ်ဖိကီၢ်ဖိအသိဃုာ်ဒီးအသးနါပှၢ်, ဒီးလုၢ်ထီၣ်အီၤဒ်တၢ်ဟ့ၣ်လီၤဆီဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:30 Iomraidhean Croise

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

လံာ်တၢ်ဘူၣ်ထီၣ်ဘါထီၣ် 10:14

မ့မ့ၢ်နၤဒီးနပှၤဟံၣ်ဖိဃီဖိကအီၣ်ဘၣ်တၢ်အသးနါပှၢ်, ဒီးတၢ်အကံၣ်ဒုၣ်လၢအဘၣ်တၢ်လုၢ်ထီၣ်အီၤဒ်တၢ်ဟ့ၣ်လီၤဆီ ဒီးတၢ်မၤဘူၣ်လီၤဆီဆူယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ် လီၤ. သုအီၣ်အီၤသ့ဝဲလၢတၢ်လီၢ်လၢအစီအဆှံဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးတပူၤလၢ်လၢ်န့ၣ်လီၤ. တၢ်လုၢ်မၤဘူၣ်တဖၣ်အံၤဘၣ်တၢ်ဟ့ၣ်လီၤနၤဒီးနဖိနလံၤတဖၣ်ဒ်တၢ် နီၤဖးဘၣ်ဃးဒီးနၤလၢပှၤအံၣ်စရ့လးဖိတဖၣ်အတၢ်လုၢ်မၤဃူမၤဖိးအကျါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:15

အဝဲသ့ၣ်ကဘၣ်ဟဲစိာ်တၢ်အကံၢ်ဒုၣ်ဒီးတၢ်အသးနါပှၢ်ဖဲတၢ် အသိဘၣ်တၢ်လုၢ်ထီၣ်အီၤဒ်တၢ်လုၢ်မၤဘူၣ်ဆူယွၤအအိၣ်အသိး အကတီၢ်န့ၣ်လီၤ. ဒီးတၢ်တဖၣ်အံၤဘၣ်ဃးဒီးနၤဒီးနဖိနလံၤအစိၤစိၤအဃၣ်ဃၣ်ဒ် ယွၤမၤလိာ်ဝဲအသိးန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 3:14

ဒီးဘၣ်လုၢ်ထီၣ်တၢ်အသိလၢအအိၣ်လၢအပှံာ်ဒီးအကဖုတဖၣ်အလိၤခဲလၢာ်,

လံာ်တၢ်ဘူၣ်ထီၣ်ဘါထီၣ် 3:9

ဒီးဘၣ်လုၢ်ထီၣ်အသိ, အမဲၢ်လၢအအိၣ်ဒီးအသိတဘိလၢတၢ်ဒီၣ်တဲာ် စဲဘူးဒီးအချၢဃံ, ဒီးတၢ်အသိလၢအအိၣ်လၢအပှံာ်ဒီးအကဖုတဖၣ်အလိၤခဲလၢာ်,

လံာ်တၢ်ဘူၣ်ထီၣ်ဘါထီၣ် 8:27

ဒီးပာ်တၢ်အီၣ်တၢ်အီခဲလၢာ်အံၤလၢစီၤအၤဟရိၣ်ဒီးအဖိခွါ တဖၣ်အစုပူၤ, ဒီးအဝဲသ့ၣ်လုၢ်ထီၣ်ဝဲဆူယွၤအအိၣ်ဒ်တၢ်ဟ့ၣ်လီၤဆီ တမံၤအသိးဆူယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:29

ဒီးစီၤမိၤၡ့ဟံးန့ၢ်အသးနါပှၢ်ဒီးလုၢ်ထီၣ်အီၤဆူယွၤအအိၣ်ဒ်တၢ်ဟ့ၣ်လီၤဆီတမံၤအသိးန့ၣ်လီၤ. တၢ်အံၤမ့ၢ်လၢတၢ်ဒိးပာ်စုအသိဖါအတၢ်နီၤဖးလၢစီၤမိၤၡ့ဒီးန့ၢ်ဝဲလၢအဂီၢ်န့ၣ်လီၤ. စီၤမိၤၡ့မၤတၢ်ခဲလၢာ်ဒ်ယွၤမၤလိာ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:20

လၢဆၣ်ဖိကီၢ်ဖိတဖၣ်န့ၣ်အသးနါပှၢ်အလိၤဒီးလဲၤစိာ်ဝဲခဲလၢာ်ဆူတၢ်လုၢ်လီၢ်, ဒီးဆူးကဲၤထီၣ်ဝဲအသိတဖၣ်လၢတၢ်လုၢ်လီၢ်ဖီခိၣ်,

လံာ်တၢ်ဘူၣ်ထီၣ်ဘါထီၣ် 9:21

ဒီးလုၢ်ထီၣ်ဝဲအသးနါပှၢ်ဒီးအခီၣ်ထွဲတဖၣ်ဒ်တၢ်ဟ့ၣ်လီၤဆီတမံၤဆူ ယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်, ဒ်စီၤမိၤၡ့မၤလိာ်ဝဲအသိးန့ၣ်လီၤ.

လံာ်တၢ်ဂံၢ် 6:20

ဝံၤဒီးပှၤလုၢ်တၢ်အခိၣ်ကဟ့ၣ်ထီၣ်အီၤဒ်တၢ်ဟ့ၣ်လီၤဆီတမံၤ အသိးဆူယွၤအအိၣ်လီၤ. အဝဲသ့ၣ်တဖၣ်န့ၣ်မ့ၢ်ဝဲတၢ်လုၢ်စီဆှံတမံၤလၢပှၤလုၢ်တၢ်အခိၣ် အဂီၢ်, လၢတၢ်ပာ်ဖှိၣ်ဟ့ၣ်အီၤဃုာ်ဒီးသိဖါအသးနါပှၢ်ဒီးအခီၣ်လၢ အဘၣ်ဃးဒီးပှၤလုၢ်တၢ်အခိၣ်ဒ်ယူဒၤအတၢ်သိၣ်တၢ်သီအိၣ်ဝဲအသိး န့ၣ်လီၤ. အန့ၣ်ဝံၤဒီးပှၤနစၤရံဖိအီစပံးထံသ့ဝဲန့ၣ်လီၤ.

လံာ်တၢ်ဂံၢ် 8:11

ဝံၤဒီးစီၤအၤဟရိၣ်ကဘၣ်ပာ်စီဆှံထီၣ်ပှၤလ့ၤဝံဖိတဖၣ်ဆူ ယအိၣ်ဒ်တၢ်လုၢ်မၤဘူၣ်လီၤဆီတမံၤလၢအဟဲလၢပှၤအံၣ်စရ့လးဖိ တဖၣ်အအိၣ်, ဒ်သိးအဝဲသ့ၣ်မၤယတၢ်မၤကသ့အဂီၢ်န့ၣ်လီၤ.

လံာ်ယိၤဟၣ် 10:18

ပှၤဟံးန့ၢ်ကွံာ်ယသးသမူလၢယၤတသ့ဘၣ်နီတဂၤ ဘၣ်. ယဟ့ၣ်လီၤကွံာ်အီၤလၢယသးဒၣ်ယဲန့ၣ်လီၤ. ယအိၣ်ဒီးတၢ်စိကမီၤလၢယကဟ့ၣ်လီၤကွံာ်အီၤဒီး ယအိၣ်ဒီးတၢ်စိကမီၤလၢယကဟံးက့ၤအီၤအဂီၢ်လီၤ. အဝဲအံၤမ့ၢ်တၢ်လၢယပၢ်မၤလိာ်တ့ၢ်ယၤလၢယကမၤ အီၤအဂီၢ်လီၤ.”

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

လံာ်သိၣ်လီၤသီလီၤတၢ် 18:3

တဘျီလၢ်လၢ်ဖဲဂီၤဘုၣ်ဂီၤဖံးမ့ၢ်ဂ့ၤ, သိမ့ၢ်ဂ့ၤဘၣ်တၢ်လုၢ် ထီၣ်ပာ်ထီၣ်အီၤန့ၣ်, တၢ်ကဟ့ၣ်ပှၤလုၢ်တၢ်အခိၣ်တဖၣ်လၢအဖံဘၣ်ခိၣ်, အခၣ်ဃံဒီးအကဖုန့ၣ်လီၤ.