လံာ်တၢ်ဘူၣ်ထီၣ်ဘါထီၣ် 7:26 - Sgaw Karen Common Bible

²⁶ ဖဲပှၤအံၣ်စရ့လးဖိတဖၣ်အိၣ်ဝဲတပူၤလၢ်လၢ်န့ၣ်အဝဲသ့ၣ်တဘၣ်အီ ထိၣ်ဖိလံာ်ဖိအသွံၣ်မ့ၢ်ဂ့ၤ, ဆၣ်ဖိကီၢ်ဖိအသွံၣ်မ့ၢ်ဂ့ၤဒ်တၢ်အီၣ်အသိးနီတဘျီဘၣ်.

လံာ်တၢ်ဘူၣ်ထီၣ်ဘါထီၣ် 7:26 Iomraidhean Croise

လံာ်တၢ်ကဲထီၣ်အခီၣ်ထံး 9:4

တၢ်တမံၤလၢသုတဘၣ်အီၣ်အီၤန့ၣ်တၢ်ညၣ်လၢတၢ်သွံၣ်အိၣ်ဒံးလၢ အပူၤန့ၣ်လီၤ. ယတြီတၢ်အံၤမ့ၢ်လၢသးသမူ အိၣ်လၢတၢ်သွံၣ်အပူၤအဃိလီၤ.

လံာ်တၢ်ဟးထီၣ်ကွံာ် 22:30

ဟ့ၣ်ယၤသုဂီၤဘုၣ်ဂီၤဖံး, ဒီးသုသိတဖၣ်အဖိဝဲၢ်ကိတက့ၢ်. ပျဲတၢ်အဝဲၢ်ကိအဖါန့ၣ်အိၣ်ဒီးအမိၢ်နွံသီဒီးဃိးသီတသီ န့ၣ်လုၢ်ထီၣ်ပာ်ထီၣ်ဆူယအိၣ်တက့ၢ်.

လံာ်ယဃ့းစက့လး 33:25

တဲဘၣ်အဝဲသ့ၣ်လၢ, ယၤယွၤပၢဘၣ်တၢ်ခဲလၢာ်ကစၢ်စံးတၢ်အံၤ တက့ၢ်. သုအီၣ်တၢ်ညၣ်လၢတၢ်သွံၣ်အိၣ်ဒံးလၢအပူၤန့ၣ်လီၤ. သုဘါထီၣ်တၢ်ဂီၤတၢ်ဖီၣ်တဖၣ်န့ၣ်လီၤ. သုမၤသံတၢ်န့ၣ်လီၤ. တၢ်မနုၤဒုးဆိကမိၣ်သုလၢကီၢ်အံၤမ့ၢ်သုတၢ်န့ၣ်လဲၣ်.

လံာ်တၢ်ဘူၣ်ထီၣ်ဘါထီၣ် 19:26

အီၣ်တၢ်ဖံးတၢ်ညၣ်လၢအအိၣ်ဒီးအသွံၣ်အဖၢမုၢ်န့ၣ်တဂ့ၤ. ဒီးမၤမုၣ်ကီၤလံၢ်အတၢ်မၤတဂ့ၤ.

လံာ်တၢ်ဘူၣ်ထီၣ်ဘါထီၣ် 3:17

တၢ်အသိမ့ၢ်ဂ့ၤ, တၢ်အသွံၣ်မ့ၢ်ဂ့ၤ, သုသုတအီၣ်အီၤတဂ့ၤ. အအံၤမ့ၢ်တၢ်မၤလိာ်လၢသုဘၣ်တိၢ်န့ၢ်အီၤအစိၤစိၤအဃၣ်ဃၣ်ဖဲ သုအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:25

ပှၤတဂၤလၢ်လၢ်လၢအအီၣ်ဝဲဆၣ်ဖိကီၢ်ဖိအသိလၢအကဘၣ်တၢ်လုၢ်ထီၣ် အီၤဆူယွၤအအိၣ်န့ၣ်, ကဘၣ်တၢ်ပာ်အီၤဒ်ပှၤလၢအတမ့ၢ်လၢၤယွၤအပှၤဂီၢ်မုၢ်အကျါတဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:27

ပှၤတဂၤလၢ်လၢ်လၢအလဲၤခီပတာ်တၢ်သိၣ်တၢ်ဘျၢအံၤန့ၣ်, ကဘၣ်တၢ်ပာ်အီၤဒ်ပှၤလၢအတမ့ၢ်လၢၤဘၣ်ယွၤအပှၤဂီၢ်မုၢ်အကျါတဂၤန့ၣ်လီၤ.

လံာ်ယိၤဟၣ် 6:53

ယ့ၣ်ၡူးစံးဘၣ်အဝဲသ့ၣ်, “ယစံးဘၣ်တဲဘၣ်သုတၢ်မ့ၢ်တၢ် တီလီၤ. သုမ့ၢ်တအီၣ်ဘၣ်ပှၤကညီဖိခွါအညၣ်ဒီးအီဘၣ် အသွံၣ်န့ၣ်, တၢ်မူတအိၣ်ဘၣ်လၢသုပူၤဘၣ်.

မၤတၢ် 15:20

မ့မ့ၢ်တခီ, ပကြၢးကွဲးလံာ်ဆူအဝဲသ့ၣ်အအိၣ်ဒီးစံးဘၣ်အီၤလၢ အသုတအီၣ်တၢ်အီၣ်တကဆှီဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိး နီတမံၤလၢအဘၣ်တၢ်လုၢ်ထီၣ်အီၤဆူတၢ် ဂီၤတၢ်ဖီၣ်န့ၣ်တဂ့ၤ. ဒီးအကဟးဆှဲးတၢ်မၤကမၣ်မုၣ်ကမၣ်ခွါ, ဒီးအသုတအီၣ်ဆၣ်ဖိကီၢ်ဖိလၢအဘၣ်တၢ်စံၢ်သံအီၤ, ဒီးတၢ်အသွံၣ်တမံၤလၢ်လၢ်တဂ့ၤ.

မၤတၢ် 15:29

တၢ်အီၣ်လၢအဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤတၢ်ဖီၣ်န့ၣ်, အီၣ်အီၤတဂ့ၤ. အီၣ်တၢ်သွံၣ်တဂ့ၤ. ဆၣ်ဖိကီၢ်ဖိလၢအဘၣ်တၢ်စံၢ်သံအီၤန့ၣ်အီၣ်အီၤတဂ့ၤ. ဒီးဟးဆှဲးတၢ်မၤကမၣ်မုၣ်ကမၣ်ခွါန့ၣ်တက့ၢ်. သုမ့ၢ်ဟးဆှဲးတၢ်သ့ၣ်တဖၣ်အံၤဒီး, ကမ့ၢ်သုမၤတၢ်လၢအကြၢး ဝဲဘၣ်ဝဲန့ၣ်လီၤ. လၢတၢ်ဆၢဂ့ၤအါအပူၤ.”

အ့းဖ့းစူး 1:7

အဂ့ၢ်ဒ်အံၤ, မ့ၢ်လၢခရံာ်အတၢ်ဒိးသံအသးအဃိ, ပဘၣ် တၢ်ပှ့ၤက့ၤပှၤဒီးပဘၣ်တၢ်မၤထူၣ်ဖျဲးထီၣ်ကွံာ်ပှၤ, ဒ်ပစံးတၢ် အသိးပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤဒ်ကစၢ်ယွၤ အဘျုးအဖှိၣ်ထူးဝဲတီၤဝဲအသိး,

လံာ်သိၣ်လီၤသီလီၤတၢ် 12:16

မ့မ့ၢ်သုတအီၣ်ဘၣ်အဝဲသ့ၣ်အသွံၣ်ဘၣ်. သုကဘၣ်လူလီၤအီၤဆူ ဟီၣ်ခိၣ်အလိၤဒ်ထံအသိးန့ၣ်လီၤ.

လံာ်သိၣ်လီၤသီလီၤတၢ် 12:23

ထဲတမံၤန့ၣ်, တၢ်ညၣ်လၢအအိၣ်ဒံးဒီးတၢ်သွံၣ်လၢအပူၤန့ၣ်တဘၣ်အီၣ်အီၤတဂ့ၤ. အဂ့ၢ်ဒ်အံၤ, တၢ်မူအိၣ်ဒံးဝဲဒၣ်လၢတၢ်သွံၣ်အပူၤဒီးနတဘၣ်အီၣ် တၢ်ညၣ်လၢအအိၣ်ဒီးတၢ်မူန့ၣ်ဘၣ်.

လံာ်သိၣ်လီၤသီလီၤတၢ် 15:23

ဘၣ်ဆၣ်ဒီးသူအသွံၣ်လၢတၢ်အီၣ်အဂီၢ်တဂ့ၤ. အခိၣ်တလိာ်, သုကဘၣ်လူလီၤအီၤဆူဟီၣ်ခိၣ်အလိၤဒ်ထံအသိးလီၤ.

၁ တံၤမသ့း 4:4

တၢ်ကိးမံၤဒဲးလၢကစၢ်ယွၤတ့လီၤပာ်လီၤန့ၣ်ဂ့ၤဝဲဒၣ်လီၤ. တၢ်တဂ့ၤညိကွံာ်အီၤနီတမံၤဘၣ်. တၢ်ကိးမံၤဒဲးန့ၣ်ကြၢးဘၣ်တၢ်တူၢ်လိာ်အီၤလၢတၢ် စံးထီၣ်ပတြၢၤတၢ်အဘျုးအဖှိၣ်အပူၤ,