လံာ်တၢ်ဘူၣ်ထီၣ်ဘါထီၣ် 7:21 - Sgaw Karen Common Bible

²¹ ဒ်န့ၣ်အသိး, ပှၤတဂၤလၢ်လၢ်လၢအထိးဘၣ်တ့ၢ်လံတၢ်တ ကဆှီဘၣ်လၢပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, တၢ်တကဆှီဘၣ်ထီရီၤတမံၤမံၤ ဒီးအီၣ်တၢ်လုၢ်မၤဃူမၤဖိးအတၢ်ညၣ်န့ၣ်, ကဘၣ်တၢ်ပာ်အီၤဒ်ပှၤ တမ့ၢ်လၢၤဘၣ်ယွၤအပှၤဂီၢ်မုၢ်အကျါတဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:21 Iomraidhean Croise

လံာ်တၢ်ကဲထီၣ်အခီၣ်ထံး 17:14

ပှၤပိာ်ခွါတဂၤလၢ်လၢ်လၢအတဒိးဘၣ်တၢ်ကူးတရံးန့ၣ်တဘၣ်တၢ်ပာ် အီၤလၢအမ့ၢ်ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ. အဂ့ၢ်ဒ်အံၤ, အဝဲတဟံးဃာ်တၢ်အၢၣ်လီၤအီလီၤဒီးယၤအဃိန့ၣ်လီၤ.”

လံာ်တၢ်ဟးထီၣ်ကွံာ် 12:15

ဒီးယွၤစံးဝဲဒၣ်, “လၢနွံသီအတီၢ်ပူၤန့ၣ်သုတဘၣ်အီၣ်ကိၣ် လၢအဘၣ်တၢ်မၤအီၤလၢကိၣ်မံၣ်နီတမံၤဘၣ်. အီၣ်ထဲကိၣ်လၢတအိၣ်ဘၣ်ဒီးကိၣ်မံၣ်န့ၣ်တက့ၢ်. လၢအခီၣ်ထံးတသီန့ၣ်သုကဘၣ်စူးကွံာ်ကိၣ်မံၣ်ခဲလၢာ် လၢသုဟံၣ်အပူၤတဖၣ်န့ၣ်လီၤ. အဂ့ၢ်ဒ်အံၤ, ပှၤတဂၤလၢ်လၢ်မ့ၢ်အီၣ်ဘၣ်ကိၣ်လၢတၢ်မၤအီၤလၢကိၣ် မံၣ်, လၢနွံသီအတီၢ်ပူၤန့ၣ်ကဘၣ်တၢ်ညိကွံာ်အီၤလၢယပှၤဂီၢ်မုၢ် အကျါန့ၣ်လီၤ.

လံာ်တၢ်ဟးထီၣ်ကွံာ် 12:19

လၢနွံသီအတီၢ်ပူၤန့ၣ်ကိၣ်မံၣ်တဘၣ်အိၣ်လၢသုဟံၣ်တဖၣ်အပူၤ ဘၣ်. အဂ့ၢ်ဒ်အံၤ, ပှၤတဂၤလၢ်လၢ်လၢအအိၣ်ဖျဲၣ်ထီၣ်လၢကီၢ်ပူၤမ့ၢ် ဂ့ၤ, လၢတခီဘီမုၢ်ပူၤမ့ၢ်ဂ့ၤ, မ့ၢ်အီၣ်ကိၣ်လၢအဘၣ်တၢ်မၤအီလၢ ကိၣ်မံၣ်ဒီးအဝဲကဘၣ်တၢ်ညိကွံာ်အီၤလၢယပှၤကလုာ်အကျါန့ၣ်လီၤ.

လံာ်ယဃ့းစက့လး 33:25

တဲဘၣ်အဝဲသ့ၣ်လၢ, ယၤယွၤပၢဘၣ်တၢ်ခဲလၢာ်ကစၢ်စံးတၢ်အံၤ တက့ၢ်. သုအီၣ်တၢ်ညၣ်လၢတၢ်သွံၣ်အိၣ်ဒံးလၢအပူၤန့ၣ်လီၤ. သုဘါထီၣ်တၢ်ဂီၤတၢ်ဖီၣ်တဖၣ်န့ၣ်လီၤ. သုမၤသံတၢ်န့ၣ်လီၤ. တၢ်မနုၤဒုးဆိကမိၣ်သုလၢကီၢ်အံၤမ့ၢ်သုတၢ်န့ၣ်လဲၣ်.

လံာ်ယဃ့းစက့လး 4:14

ဘၣ်ဆၣ်ဒီးယစံးဆၢအီၤ, “တမ့ၢ်ဘၣ်, ယွၤပၢဘၣ်တၢ်ခဲလၢာ်ကစၢ်ဧၢ, ယတမၤဘၣ်အၢဘၣ်သီယသးနီတစုဘၣ်. လၢယဖိသၣ်လံၤလံၤဒီးတုၤခဲအံၤန့ၣ်, ယတအီၣ်ဆၣ်ဖိကီၢ်ဖိလၢအသံဒၣ်တၢ်အညၣ်မ့ၢ်ဂ့ၤ, ဘၣ်တၢ်မၤသံအီၤလၢဆၣ်ဖိကီၢ်ဖိလၢအမံၤတဖၣ်အညၣ်မ့ၢ်ဂ့ၤ, နီတစုဘၣ်. တၢ်အီၣ်လၢတၢ်ပာ်အီၤလၢအတကဆှီဘၣ်န့ၣ်, ယတအီၣ်အီၤနီတစုဘၣ်.”

လံာ်တၢ်ဘူၣ်ထီၣ်ဘါထီၣ် 11:20

ဒီးကယဲၢ်တၢ်ဖိဃၢ်လၢအယူၤလၢအဒံးတဖၣ်န့ၣ် မ့ၢ်တၢ်တကဆှီဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:1

ယွၤဟ့ၣ်လီၤစီၤမိၤၡ့လၢတၢ်သိၣ်တၢ်ဘျၢဒ်လၢလာ်အသိး, လၢပှၤအံၣ်စရ့လးဖိတဖၣ်အဂီၢ်န့ၣ်လီၤ. ပိာ်မုၣ်တဂၤမ့ၢ်ဆံးစၢ်န့ၣ်အဖိခွါဝံၤအလီၢ်ခံနွံသီအတီၢ် ပူၤန့ၣ်အဝဲကဲထီၣ်တၢ်တကဆှီဒ်အအိၣ်လၢပိာ်မုၣ်အလုၢ်အလၢ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:10

ဒီးပှၤအံၣ်စရ့လးဖိတဂၤလၢ်လၢ်မ့ၢ်ဂ့ၤ, ပှၤတခီဘီမုၢ်ဖိအိၣ်လၢအကျါတဂၤလၢ်လၢ်မ့ၢ်ဂ့ၤမ့ၢ်အီၣ်ဘၣ်တၢ် ညၣ်လၢအအိၣ်ဒီးတၢ်သွံၣ်န့ၣ်, ယွၤကညိကွံာ်အီၤ, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ် အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 17:14

တၢ်ကိးမံၤဒဲးလၢအမူဝဲန့ၣ်အသးသမူအိၣ်လၢတၢ်သွံၣ်အပူၤလီၤ. မၤသးဒ်န့ၣ်ဒီးယွၤမၤလိာ်အံၣ်စရ့လးအပှၤဂီၢ်မုၢ်လၢအသုတအီၣ် တၢ်ညၣ်လၢအအိၣ်ဒီးတၢ်သွံၣ်တဂ့ၤန့ၣ်လီၤ. ပှၤတဂၤလၢ်လၢ်လၢအအီၣ်ဝဲန့ၣ်တမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 18:29

အဂ့ၢ်ဒ်အံၤကယဲၢ်ပှၤတဂၤလၢ်လၢ်လၢအမၤတၢ်သးဘၣ်အၢအံၤ, တဘၣ်တၢ်ပာ်လၢၤအီၤဒ်ပှၤတဂၤလၢယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 19:8

ပှၤတဂၤလၢ်လၢ်လၢအအီၣ်တၢ်ဖံးတၢ်ညၣ်လၢအအိၣ်လီၤတဲာ်န့ၣ်မ့ၢ် အမၤဘၣ်အၢတၢ်လုၢ်စီဆှံလၢအဘၣ်တၢ်လုၢ်ထီၣ်အီၤဆူယွၤအအိၣ်, ဒီးအဝဲဒၣ်တဘၣ်တၢ်ပာ်လၢၤအီၤဒ် ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:3

ကယဲၢ်ပှၤတဂၤလၢ်လၢ်လၢအဟ့ၣ်လီၤအဖိတဂၤဂၤဆူကစၢ်မိလးဒီးမၤ တကဆှီယလီၢ်စီဆှံဒီးမၤဘၣ်အၢယမံၤစီဆှံန့ၣ်ယ ကထီဒါအီၤဒီးကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤ ဂီၢ်မုၢ်အကျါလၢၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:3

သုစၢၤသုသွဲၣ်တဂၤဂၤလၢအတကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိး, မ့ၢ်ဟဲဘူးဒီးတၢ်လုၢ်တၢ်ပာ်စီဆှံတဖၣ် လၢပှၤအံၣ်စရ့လးဖိ လုၢ်ထီၣ်ဆူယအိၣ်န့ၣ်, အဝဲလုၢ်တၢ်ပာ်တၢ်တသ့နီတဘျီလၢၤဘၣ်တစိၤသးန့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 22:4

စီၤအၤဟရိၣ်အစၢၤအသွဲၣ်လၢအအိၣ်ဒီးတၢ်ဆါအၢမ့တမ့ၢ်တၢ်ယွၤ လီၤလၢအဆံၣ်ကျိၤတဂၤလၢ်လၢ်န့ၣ်တဘၣ်အီၣ်တၢ်လုၢ်စီဆှံတုၤလီၤ လၢအဝဲကဆှီထီၣ်က့ၤဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးနီ တဂၤဘၣ်. ပှၤလုၢ်တၢ်အခိၣ်တဂၤလၢ်လၢ်ကဲထီၣ်ပှၤတကဆှီဘၣ်ခီဖျိတၢ်ထိးဘၣ် တၢ်သံစိၣ်မ့ၢ်ဂ့ၤ, အနီၢ်ကစၢ်ဒၣ်ဝဲအိၣ်ဒီးတၢ်ယွၤလီၤလၢအဆံၣ်ကျိၤမ့ၢ်ဂ့ၤ,

လံာ်တၢ်ဘူၣ်ထီၣ်ဘါထီၣ် 23:29

ကယဲၢ်ပှၤတဂၤလၢ်လၢ်လၢအအီၣ်တၢ်တမံၤလၢ်လၢ်လၢမုၢ်နံၤအဝဲန့ၣ် န့ၣ်, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢကစၢ်ယွၤအပှၤဂီၢ်မုၢ် အကျါလၢၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:20

ဘၣ်ဆၣ်ဒီးပှၤလၢအတကဆှီဘၣ်တဂၤလၢ်လၢ်မ့ၢ်အီၣ်တၢ်ညၣ်န့ၣ်ဒီး, ကဘၣ်တၢ်ပာ်အီၤဒ်ပှၤလၢအတမ့ၢ်ယွၤအပှၤဂီၢ်မုၢ်အကျါတဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:22

ယွၤဟ့ၣ်လီၤတၢ်သိၣ်တၢ်ဘျၢတဖၣ်ဆူစီၤမိၤၡ့ဒ်လၢလာ်အသိး,

လံာ်တၢ်ဘူၣ်ထီၣ်ဘါထီၣ် 7:25

ပှၤတဂၤလၢ်လၢ်လၢအအီၣ်ဝဲဆၣ်ဖိကီၢ်ဖိအသိလၢအကဘၣ်တၢ်လုၢ်ထီၣ် အီၤဆူယွၤအအိၣ်န့ၣ်, ကဘၣ်တၢ်ပာ်အီၤဒ်ပှၤလၢအတမ့ၢ်လၢၤယွၤအပှၤဂီၢ်မုၢ်အကျါတဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:27

ပှၤတဂၤလၢ်လၢ်လၢအလဲၤခီပတာ်တၢ်သိၣ်တၢ်ဘျၢအံၤန့ၣ်, ကဘၣ်တၢ်ပာ်အီၤဒ်ပှၤလၢအတမ့ၢ်လၢၤဘၣ်ယွၤအပှၤဂီၢ်မုၢ်အကျါတဂၤန့ၣ်လီၤ.

လံာ်တၢ်ဂံၢ် 19:22

တၢ်တမံၤလၢ်လၢ်လၢပှၤတကဆှီဘၣ်တဂၤထိးဘၣ်ဝဲန့ၣ်ကဲထီၣ်တၢ် တကဆှီဘၣ်ဒီးပှၤတဂၤလၢ်လၢ်လၢအထိးဘၣ်တၢ်န့ၣ်ကဲထီၣ်တၢ် တကဆှီဘၣ်တုၤမုၢ်ဟါအကတီၢ်န့ၣ်လီၤ.

လံာ်သိၣ်လီၤသီလီၤတၢ် 14:10

ဘၣ်ဆၣ်ဒီးကယဲၢ်မ့ၢ်တၢ်လၢအအိၣ်လၢထံကျါလၢအတအိၣ်ဒီးအရု အဒံးတဖၣ်, ဒီးအသဒံၣ်တဖၣ်န့ၣ်သုတအီၣ်ဘၣ်အီၤဘၣ်. တၢ်န့ၣ်ကဘၣ်တၢ်ပာ်အီၤဒ်တၢ်တကဆှီအသိးန့ၣ်လီၤ.

လံာ်သိၣ်လီၤသီလီၤတၢ် 14:3

တၢ်လၢယွၤဘိးဘၣ်သ့ၣ်ညါတ့ၢ်ဝဲလၢတကဆှီတမံၤလၢ်လၢ်န့ၣ်အီၣ် အီၤတဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 20:26

ဘၣ်ဆၣ်ဒီးအနံၤဝဲန့ၣ်စီၤစီလူးတတဲတၢ်နီတမံၤဘၣ်. အဂ့ၢ်ဒ်အံၤဆိကမိၣ်ဝဲ, “တၢ်မၤအသးဒီးအီၤတမံၤမံၤဒီး တကဆှီဝဲဒ်တၢ်ဘူၣ်တၢ်ဘါအလုၢ်အလၢ်အသိးဘၣ်အဃိလီၤ.”