လံာ်တၢ်ဘူၣ်ထီၣ်ဘါထီၣ် 7:2 - Sgaw Karen Common Bible

² ဆၣ်ဖိကီၢ်ဖိလၢတၢ်လုၢ်အံၤအဂီၢ်န့ၣ်, ကဘၣ်တၢ်မၤသံအီၤလၢတၢ် လုၢ်လီၢ်အကလံၤစိးတကပၤ, ဖဲတၢ်မၤသံဆၣ်ဖိ ကီၢ်ဖိလၢတၢ်လုၢ်မ့ၣ်အူအဂီၢ်အလီၢ်န့ၣ်လီၤ. ဒီးတၢ်အသွံၣ်တဖၣ်န့ၣ်ကဘၣ်တၢ်လူလီၤဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:2 Iomraidhean Croise

လံာ်ယၡါယၤ 52:15

ဘၣ်ဆၣ်ဒီးအခဲအံၤ, ပှၤကလုာ်တဖၣ်ကကမၢကမၣ်ဝဲလၢအဃိ, ဒီးစီၤပၤတဖၣ်အသးကလီၤကတုၤ, တုၤဒၣ်လဲာ်အဲးထီၣ်အထး ခိၣ်တန့ၢ်ဘၣ်လီၤ. တၢ်တမံၤလၢအဝဲသ့ၣ်တနၢ်ပၢၢ်တ့ၢ်ဝဲနီတစုန့ၣ်, ကထံၣ်ဒီးသ့ၣ်ညါနၢ်ပၢၢ်ထီၣ်ဝဲလီၤ.”

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်ယဃ့းစက့လး 40:39

လၢကျဲစၢၤထံးဒၢးအံၤအပူၤန့ၣ်, စီၢ်နီၤခိၣ်အိၣ်ဝဲလွံၢ်ဖျၢၣ်, ခံဖျၢၣ်စုာ် စုာ်လၢဒၢးပူၤတခီတကပၤန့ၣ်လီၤ. လၢစီၢ်နီၤခိၣ်တဖၣ်အံၤအလိၤန့ၣ်, အဝဲသ့ၣ်မၤသံဆၣ်ဖိကီၢ်ဖိတဖၣ်လၢတၢ်ကလုၢ်ထီၣ်အီၤဒ်တၢ် လုၢ်တၢ်ပာ်တဖၣ်အသိး, လၢတၢ်လုၢ်ဆိၣ်ကဲၤအီၤဒီဒုတဖၣ်အ ဂီၢ်မ့ၢ်ဂ့ၤလၢတၢ်လုၢ်လၢတၢ်ပျၢ်တၢ်ဒဲးဘးတဖၣ်အဂီၢ်မ့ၢ်ဂ့ၤ, တၢ်လုၢ်လၢတၢ်ပျၢ်တၢ်ကမၣ်တဖၣ်အဂီၢ်မ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:11

ဒီးအဝဲကမၤသံအီၤလၢတၢ်လုၢ်လီၢ်အကလံၤစိးတကပၤ, ဒီးပှၤလုၢ်တၢ်အခိၣ်တဖၣ်ကလူလီၤတၢ်သွံၣ်ဝးတရံးတၢ်လုၢ်လီၢ် န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:5

ဒီးကဘၣ်မၤသံဂီၤဖံးဖါဖဲန့ၣ်, ဒီးပှၤလုၢ်တၢ်အခိၣ်လၢအလီၤစၢၤလီၤသွဲၣ် လၢစီၤအၤဟရိၣ်တဖၣ်ကလုၢ်ထီၣ်တၢ်သွံၣ်ဆူယွၤအအိၣ်ဒီးလူ လီၤတၢ်သွံၣ်ဝးတရံးတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါထီၣ် ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:13

ဒီးကဘၣ်မၤသံသိဖါတဒုန့ၣ်လၢတၢ်လီၢ်စီဆှံဖဲတၢ်မၤသံဆၣ်ဖိ ကီၢ်ဖိလၢတၢ်ပျၢ်တၢ်ဒဲးဘးအဂီၢ်ဒီးတၢ်လုၢ်မ့ၣ်အူအဂီၢ် န့ၣ်လီၤ. ကဘၣ်မၤဝဲတၢ်အံၤန့ၣ်မ့ၢ်လၢတၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ် ကမၣ်န့ၣ်, ဘၣ်ဃးဒီးပှၤလုၢ်တၢ်အခိၣ်ဒီးမ့ၢ်တၢ်စီဆှံဒိၣ်မးဒ်တၢ်လုၢ် တၢ်ပျၢ်တၢ်ဒဲးဘးအသိးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:2

ဒီးအဝဲကဘၣ်ပာ်အစုလၢဂီၤဖံးန့ၣ်အခိၣ်လိၤဒီးမၤသံအီၤဖဲ တၢ်ဘူၣ်ထီၣ်ဘါထီၣ်ယွၤအကျဲစၢၤန့ၣ်လီၤ. ဒီးပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ်တဖၣ်ကဘၣ်လူလီၤ တၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:8

အဝဲကဘၣ်ပာ်အစုလၢအသိအခိၣ်လိၤ, ဒီးမၤသံကွံာ်အီၤလၢတၢ်ဘူၣ် ထီၣ်ဘါထီၣ်ယွၤအဒဲအမဲာ်ညါဒီးပှၤလုၢ်တၢ်အခိၣ်တဖၣ် ကလူလီၤတၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:24

ဒီးပာ်အစုလၢမဲာ်တဲးလဲးန့ၣ်အခိၣ်အလိၤဒီးမၤသံအီၤဖဲတၢ် လီၢ်လၢအဝဲသ့ၣ်မၤသံတၢ်လုၢ်မ့ၣ်အူလၢယွၤအမဲာ်ညါန့ၣ်လီၤ. အဝဲအံၤမ့ၢ်တၢ်လုၢ်မၤဘူၣ်တၢ်ပျၢ်လၢတၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:29

ဒီးကဘၣ်ပာ်အစုလၢအတၢ်လုၢ်မၤဘူၣ်န့ၣ်အခိၣ်လိၤ, ဒီးမၤသံအီၤဖဲတၢ်လီၢ်လၢအဝဲသ့ၣ်မၤသံတၢ်လုၢ်မၤဘူၣ်လၢ မ့ၣ်အူအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:33

ဒီးကပာ်ထီၣ်အစုလၢအတၢ်လုၢ်မၤဘူၣ်န့ၣ်အခိၣ်လိၤဒီးမၤသံအီၤ ဖဲတၢ်လီၢ်လၢအဝဲသ့ၣ်မၤသံတၢ်လုၢ်မၤဘူၣ်လၢမ့ၣ်အူအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:16

ဒီးကဘၣ်ဟ့ၣ်အါထီၣ်စ့ၢ်ကီးဝဲတၢ်အပှ့ၤယဲၢ်ပူတပူလၢတၢ်ဟ့ၣ် ဆၢက့ၤအပှ့ၤအဖီခိၣ်လီၤ. ဒီးကဘၣ်ဟ့ၣ်ဝဲဆူပှၤလုၢ်တၢ်အခိၣ်အအိၣ်ဒီးပှၤလုၢ်တၢ်အခိၣ် ကလုၢ်ထီၣ်သိဖါတဒုမ့တမ့ၢ်မဲာ်တဲးလဲးဖါတဒုန့ၣ်လၢတၢ်လုၢ် တၢ်ကမၣ်အဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 5:7

ဘၣ်ဆၣ်ဒီး, လုၢ်ထီၣ်ဝဲသိဖိမ့တမ့ၢ်မဲာ်တဲးလဲးဖိမ့ၢ်တန့ၢ် န့ၣ်, ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ်မ့တမ့ၢ်ထိၣ်ကးက့ၣ်ဖိခံဘ့ၣ်, တဘ့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးအဂၤတဘ့ၣ်လၢတၢ်လုၢ် မ့ၣ်အူအဂီၢ်ဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:9

ဒီးကဘၣ်ဖှံတၢ်သွံၣ်တနီၤဖဲတၢ်လုၢ်လီၢ်ကပၤန့ၣ်လီၤ. တၢ်သွံၣ်အိၣ်လီၤတဲာ်တဖၣ်န့ၣ်ကဘၣ်တၢ်ဂၢ်လီၤအီၤဖဲတၢ်လုၢ်လီၢ် အခီၣ်ထံးန့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ဒဲးဘးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:7

ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ကမၣ်လၢအဂီၢ်ဒီး အတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဂံၢ် 6:12

ဒီးကပာ်စီဆှံထီၣ်က့ၤကဒီးအတၢ်ဆၢကတီၢ်ဆူယွၤအအိၣ်ဒ်ပှၤနစၤ ရံဖိတဂၤအသိးန့ၣ်လီၤ. တၢ်ဆၢကတီၢ်လၢအပူၤကွံာ်န့ၣ်တဘၣ်တၢ်ဂံၢ်ဃုာ်အီၤဘၣ်. အဂ့ၢ်ဒ်အံၤ, အခိၣ်သူ, လၢအဘၣ်တၢ်ပာ်စီဆှံအီၤန့ၣ်ဘၣ်အၢကွံာ် လံအဃိလီၤ. လၢတၢ်လိးက့ၤအတၢ်လုၢ်တၢ်ပာ်အဂီၢ်အဝဲကဘၣ်ဟဲစိာ်သိဖိလၢ အသးအိၣ်တနံၣ်တဒုန့ၣ်လီၤ.

ဧ့ၤဘြံၤ 11:28

လၢတၢ်စူၢ်တၢ်နာ်အဝဲဒုးအိၣ်ထီၣ်ဘူၣ်လဲၤကပာ်ဒီးဟ့ၣ် လီၤအကလုၢ်လၢပှၤကဘၣ်ဖှံတြဲၤအထူၣ်တဖၣ်လၢတၢ် သွံၣ်, ဒ်သိးတၢ်သံအကလူးအသုတမၤသံဘၣ်အံၣ်စရ့လး အဖိဝဲၢ်ကိတဖၣ်တဂ့ၤအဂီၢ်န့ၣ်လီၤ.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.