လံာ်တၢ်ဘူၣ်ထီၣ်ဘါထီၣ် 7:16 - Sgaw Karen Common Bible

¹⁶ ဘၣ်ဆၣ်ဒီးပှၤတဂၤမ့ၢ်ဟဲစိာ်အတၢ်လုၢ်မၤဃူမၤဖိးလၢအက မၤလၢပှဲၤအတၢ်အၢၣ်လီၤအီလီၤတမံၤမ့ၢ်ဂ့ၤ, လၢအသးအိၣ်မၤဒၣ်ဝဲအဃိမ့ၢ်ဂ့ၤန့ၣ်, တဘၣ်အီၣ်လၢာ်ဝဲလၢတၢ် လုၢ်ထီၣ်အီၤအနံၤန့ၣ်ဘၣ်. မ့မ့ၢ်တၢ်အိၣ်လီၤတဲာ်န့ၣ်, အီၣ်ကဒီးဝဲလၢမုၢ်ဆ့ၣ်ထီၣ်တနံၤသ့စ့ၢ်ကီးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:16 Iomraidhean Croise

စံးထီၣ်ပတြၢၤ 116:14

ယကမၤဘူၣ်ယွၤလၢ တၢ်ဘၣ်ဃးဒီး ယဆိၣ်တၢ်လၢ အပှၤဂီၢ်မုၢ်ခဲလၢာ် အမဲာ်ညါခဲကနံၣ်အံၤလီၤ.

စံးထီၣ်ပတြၢၤ 116:18

ယကဟ့ၣ်ယတၢ်အၢၣ်လီၤအီလီၤတဖၣ် ဆူယွၤလၢအပှၤဂီၢ်မုၢ်ခဲလၢာ်အမဲာ်ညါ,

စံးထီၣ်ပတြၢၤ 66:13

ယကဟဲဆူနဟံၣ်ပူၤဒီးတၢ်လုၢ်မ့ၣ်အူတဖၣ်, ယကဟ့ၣ်ထီၣ်နၤလၢယတၢ်ဆိၣ်သ့ၣ်တဖၣ်,

လံာ်တၢ်ဟးထီၣ်ကွံာ် 35:29

ကယဲၢ်ကီၢ်အံၣ်စရ့လးအပှၤဂီၢ်မုၢ်လၢအသးအိၣ်ဟဲစိာ်တၢ်လုၢ်မၤ ဘူၣ်ဆူယွၤအအိၣ်လၢတၢ်ဖံးတၢ်မၤအဂီၢ်ဒ်ယွၤမၤလိာ်စီၤမိၤၡ့ လၢကမၤဝဲန့ၣ်, ဟဲစိာ်ဝဲကိးဂၤဒဲးလီၤ.

တၢ်ကတိၤဒိ. 7:14

“ယမၤတ့ၢ်ယတၢ်လုၢ်မၤဘူၣ်တဖၣ်တနံၤအံၤဒီးအိၣ်ဒီးတၢ်ညၣ်လၢ တၢ်လုၢ်တၢ်ပာ်တဖၣ်အဂီၢ်န့ၣ်လီၤ.

လံာ်ယဃ့းစက့လး 46:12

ဖဲပှၤပၢတၢ်စီၤပၤဖိခွါအဲၣ်ဒိးမၤဘူၣ်တၢ်သးအိၣ်အတၢ်လုၢ်မၤဘူၣ် တမံၤလၢတၢ်ကဆိၣ်ကဲၤအီၤဒီဒုမ့ၢ်ဂ့ၤ, တၢ်လုၢ်မၤဃူမၤဖိးတ မံၤမ့ၢ်ဂ့ၤန့ၣ်, မုၢ်ထီၣ်အတြဲၤဖးဒိၣ်လၢတၢ်လဲၤနုာ်ဆူတၢ်လုၢ်ဟံၣ် အဂၢၤလၢတၢ်အိပူၤ, ကဘၣ်တၢ်အိးထီၣ်အီၤလၢအဝဲအဂီၢ်န့ၣ်လီၤ. အဝဲကဘၣ်မၤဘူၣ်တၢ်ဒ်အမၤဝဲတမံၤဃီလၢမုၢ်အိၣ်ဘှံးနံၤ အသိးဒီးတြဲၤဖးဒိၣ်န့ၣ်ကဘၣ်တၢ်ကးတံာ်က့ၤအီၤ ဖဲအဝဲဟးထီၣ်ကွံာ်ဝဲန့ၣ်လီၤ. ”

လံာ်တၢ်ဘူၣ်ထီၣ်ဘါထီၣ် 22:23

ဒ်တၢ်သးဆူၣ်အတၢ်လုၢ်တၢ်ပာ်အသိး, ဆၣ်ဖိကီၢ်ဖိလၢအ နီၢ်ခိက့ၢ်ဂီၤတဘၣ်လိာ်ဘၣ်စးတဖၣ်န့ၣ်သုလုၢ်ထီၣ်အီၤသ့လီၤ. ဘၣ်ဆၣ်ဒီးတဘၣ်တၢ်တူၢ်လိာ်အီၤဒ်တၢ်မၤလၢထီၣ်ပှဲၤထီၣ်တၢ်အၢၣ် လီၤအီလီၤအသိးဘၣ်.

လံာ်တၢ်ဘူၣ်ထီၣ်ဘါထီၣ် 22:29

ဒီးတုၤသုလုၢ်ထီၣ်တၢ်လုၢ်စံးထီၣ်ပတြၢၤဆူယွၤအအိၣ်န့ၣ်, မၤအီၤဒ်တၢ်မၤလိာ်အသိးလၢသုကဘၣ်တၢ်တူၢ်လိာ်သုအဂီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 23:38

ဒီးမူးတဖၣ်အံၤမ့ၢ်မူးတဖၣ်လၢပှၤအံၣ်စရ့လးဖိညီနုၢ်မၤအီၤလၢအမ့ၢ်မုၢ်အိၣ်ဘှံးနံၤတဖၣ်, တၢ်မၤဘူၣ်တဖၣ်, ဒီးတၢ်မၤဘူၣ်ဘၣ်ဃးဒီးတၢ်ဆိၣ်တၢ်တဖၣ်, ဒီးတၢ်မၤဘူၣ်ဒၣ်တၢ် တဖၣ်အမဲာ်ညါန့ၣ်လီၤ.

လံာ်နၤဃူၣ် 1:15

ကွၢ်ကွၢ်, ပှၤစိာ်တၢ်ကစီၣ်ဟဲလၢကစၢၢ်ကလိအဒီခိၣ်အိၣ်ဒီးတၢ် ကစီၣ်အမုာ်န့ၣ်လီၤ. အဝဲဟဲဝဲလံဒ်သိးကဘိးဘၣ်သ့ၣ်ညါတၢ်မၤနၢၤအကစီၣ်န့ၣ်လီၤ. ကီၢ်ယူဒၤအပှၤဂီၢ်မုၢ်ဧၢ, မၤသုဘူၣ်တဖၣ်အမူးဖးဒိၣ်ဒီးဟ့ၣ်ကစၢ်ယွၤလၢတၢ်လၢသု အၢၣ်လီၤတ့ၢ်သညူးသပှၢ်ဒီးအီၤန့ၣ်တက့ၢ်. ပှၤအၢပှၤသီတနုာ်လီၤဒုးကဒီးသုထံသုကီၢ်နီတဘျီလၢၤဘၣ်. အဝဲသ့ၣ်ဘၣ်တၢ်မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.

လံာ်တၢ်ဂံၢ် 15:3

ဂီၤဖံးဖါတဒု, သိဖါတဒု, သိတဒု, မ့တမ့ၢ်မဲာ်တဲးလဲးတ ဒုကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ်တၢ်လုၢ်တၢ်ပာ်တမံၤလၢတၢ်မၤ လၢထီၣ်ပှဲၤထီၣ်တၢ်ဆိၣ်တမံၤမ့ၢ်ဂ့ၤ, တၢ်သူၣ်အိၣ်သးအိၣ်အတၢ်ဟ့ၣ်တမံၤမ့ၢ်ဂ့ၤ, ဒ်တၢ်လုၢ်တၢ်ပာ်လၢသု ညီနုၢ်မၤအီၤဖဲတၢ်ဘူၣ်တၢ်ဘါအမူးတဖၣ်အကတီၢ်မ့ၢ်ဂ့ၤ အသိးန့ၣ်လီၤ. တၢ်အီၣ်အတၢ်လုၢ်တၢ်ပာ်တဖၣ်အံၤအတၢ်နၢမူန့ၣ် မ့ၢ်တၢ်လၢအဘၣ်ယွၤအသးန့ၣ်လီၤ.

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:17

လၢတၢ်လီၢ်တဖၣ်ဖဲသုအိၣ်ဆိးန့ၣ်, သုတဘၣ်အီၣ်တၢ်လၢသုလုၢ်ထီၣ် အီၤဆူယွၤအအိၣ်နီတမံၤဘၣ်. သုဘုဧိၤဟုဧိၤအဆံဆဲၣ်ပူ တပူမ့ၢ်ဂ့ၤ, သုစပံးထံမ့ၢ်ဂ့ၤ, သုသ့ၣ်စၤယံးအသိမ့ၢ်ဂ့ၤ, သုဂီၤဘုၣ်ဂီၤဖံးဒီးသုသိအဝဲၢ်ကိမ့ၢ်ဂ့ၤ, သုတၢ်ဟ့ၣ်တဖၣ်လၢသု အၢၣ်လီၤဒီးယွၤမ့ၢ်ဂ့ၤ, သုတၢ်သူၣ်အိၣ်သးအိၣ်အတၢ်မၤဘူၣ်တဖၣ် မ့ၢ်ဂ့ၤ, ဒီးတၢ်လုၢ်အဂၤတဖၣ်မ့ၢ်ဂ့ၤ, သုတဘၣ်အီၣ်အီၤဘၣ်.

လံာ်သိၣ်လီၤသီလီၤတၢ် 12:26

သုတၢ်လုၢ်တၢ်ပာ်တဖၣ်ဒီးသုတၢ်မၤဘူၣ်တဖၣ်လၢသုအၢၣ်လီၤတ့ၢ် ဒီးယွၤန့ၣ်လဲၤစိာ်အီၤဆူတၢ်ဘူၣ်ထီၣ်ဘါထီၣ်အလီၢ်တတီၤန့ၣ်တ က့ၢ်.

လံာ်သိၣ်လီၤသီလီၤတၢ် 12:6

ဒီးဖဲန့ၣ်သုကဘၣ်လုၢ်ထီၣ်တၢ်လုၢ်တၢ်ပာ်တဖၣ်လၢတၢ်ဆိၣ်ကဲၤထီၣ် အဂီၢ်ဒီးတၢ်လုၢ်တၢ်ပာ်အဂၤတဖၣ်ဒီးတၢ်မၤဘူၣ်တဖၣ်, သုတၢ်ဟ့ၣ်လၢသုအၢၣ်လီၤဒီးယွၤ, သုတၢ်သူၣ်အိၣ်သးအိၣ်အတၢ်မၤ ဘူၣ်တဖၣ်ဒီးသုဂီၤဘုၣ်ဂီၤဖံးဒီးသုသိအဝဲၢ်ကိတဖၣ်န့ၣ်လီၤ.