လံာ်တၢ်ဘူၣ်ထီၣ်ဘါထီၣ် 7:11 - Sgaw Karen Common Bible

¹¹ တၢ်သိၣ်တၢ်ဘျၢဘၣ်ဃးဒီးတၢ်လုၢ်မၤဃူမၤဖိးတၢ်ဆူယွၤအအိၣ် အဂီၢ်န့ၣ်မ့ၢ်ဒ်လၢလာ်အသိးလီၤ.

လံာ်တၢ်ဘူၣ်ထီၣ်ဘါထီၣ် 7:11 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:31

စီၤဃံးစကံယၤစံးဘၣ်ပှၤဂီၢ်မုၢ်, “ခဲကနံၣ်အံၤမ့ၢ်လၢသု ကဆှီဒ်တၢ်အလုၢ်အလၢ်အိၣ်အသိးအဃိ, ဟဲစိာ်တၢ်လုၢ်တၢ်ပာ်တဖၣ်ဒ်တၢ်စံးဘျုးစံးဖှိၣ်ယွၤအတၢ်လုၢ် မၤဘူၣ်တဖၣ်တက့ၢ်.” အဝဲသ့ၣ်စူၢ်ဝဲ, ဒီးပှၤအဂၤတနီၤစ့ၢ်ကီးဟဲစိာ်ဆၣ်ဖိကီၢ်ဖိတဖၣ်လၢတၢ်သူၣ်အိၣ် သးအိၣ်အပူၤဒ်သိးကလုၢ်ထီၣ်ဝဲဒ်တၢ်လုၢ်မ့ၣ်အူတဖၣ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:16

အဝဲဘှီကဒါက့ၤစ့ၢ်ကီးတၢ်လုၢ်လီၢ်ဖဲယွၤဘၣ်တၢ်ဘူၣ်ထီၣ်ဘါ ထီၣ်တ့ၢ်အီၤ, ဒီးအဝဲလုၢ်ထီၣ်ပာ်ထီၣ်တၢ်လုၢ်မၤဃူမၤဖိးတဖၣ်ဒီးတၢ်လုၢ် စံးထီၣ်ပတြၢၤတဖၣ်လၢအဖီခိၣ်န့ၣ်လီၤ. အဝဲဟ့ၣ်လီၤအကလုၢ်လၢကယဲၢ်ကီၢ်ယူဒၤအပှၤဂီၢ်မုၢ်ခဲလၢာ်ကဘူၣ် ထီၣ်ဘါထီၣ်ယွၤ, အံၣ်စရ့လးအကစၢ်ယွၤန့ၣ်လီၤ.

တၢ်ကတိၤဒိ. 7:14

“ယမၤတ့ၢ်ယတၢ်လုၢ်မၤဘူၣ်တဖၣ်တနံၤအံၤဒီးအိၣ်ဒီးတၢ်ညၣ်လၢ တၢ်လုၢ်တၢ်ပာ်တဖၣ်အဂီၢ်န့ၣ်လီၤ.

လံာ်ယဃ့းစက့လး 45:15

လၢတၢ်လုၢ်မၤဘူၣ်သိအဂီၢ်န့ၣ်, လၢကီၢ်အံၣ်စရ့လးအတၢ်အီၣ် ဆၣ်လီၢ်တဖၣ်အပူၤ, လၢသိအဖုလၢအအိၣ်အဒုခံကယၤအကျါ န့ၣ်သုဘၣ်ဟံးန့ၢ်တဒုလီၤ. သုကဘၣ်ဟဲစိာ်တၢ်လုၢ်ဘုဧိၤဟု ဧိၤတဖၣ်, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤဒီတဒု, ဒီးဆၣ်ဖိကီၢ်ဖိတဖၣ်လၢတၢ်လုၢ်မၤဃူမၤဖိးတဖၣ်အဂီၢ်, ဒ်သိး သုတၢ်ဒဲးဘးတဖၣ်ကဘၣ်တၢ်ပျၢ်ကွံာ်အီၤအဂီၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်မၤလိာ်တၢ်အံၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:6

ဆၣ်ဖိကီၢ်ဖိလၢအဘၣ်တၢ်လုၢ်ထီၣ်အီၤ, အဖံးအညၣ်န့ၣ်ကဘၣ်တၢ်အီၣ်အီၤတနံၤဃီလၢအဘၣ် တၢ်မၤသံအီၤအနံၤမ့ၢ်ဂ့ၤလၢမုၢ်ဆ့ၣ်ထီၣ်တနံၤမ့ၢ်ဂ့ၤန့ၣ်လီၤ. တၢ်ဖံးတၢ်ညၣ်လၢအအိၣ်လီၤတဲာ်လၢသၢသီတသီန့ၣ်ကဘၣ်တၢ်ဆူးကဲၤ ထီၣ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:29

ဒီးတုၤသုလုၢ်ထီၣ်တၢ်လုၢ်စံးထီၣ်ပတြၢၤဆူယွၤအအိၣ်န့ၣ်, မၤအီၤဒ်တၢ်မၤလိာ်အသိးလၢသုကဘၣ်တၢ်တူၢ်လိာ်သုအဂီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 7:10

ဘၣ်ဆၣ်ဒီး, တၢ်လုၢ်ဘုဧိၤဟုဧိၤခဲလၢာ်လၢအဘၣ်တၢ်လုၢ်အီၤ, လၢအဘၣ်တၢ်ဃါဃုာ်အီၤလၢသိမ့ၢ်ဂ့ၤ, ထဲအဃ့ထီမ့ၢ်ဂ့ၤ, ဘၣ်ဃးဒီးပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ်ကိးဂၤ ဒဲးဒီးအဝဲသ့ၣ်ကဘၣ်ဟ့ၣ်နီၤလိာ်အသးပှဲၤသိးသိးလီၤ.

လံာ်တၢ်ဘူၣ်ထီၣ်ဘါထီၣ် 7:29

လၢပှၤအံၣ်စရ့လးဖိတဖၣ်အဂီၢ်န့ၣ်လီၤ. ပှၤတဂၤလၢ်လၢ်မ့ၢ်လုၢ် တၢ်လုၢ်မၤဃူမၤဖိးန့ၣ်, ကဘၣ်ဟဲစိာ်အတၢ်လုၢ်အကျါတနီၤဒ်တၢ်ဟ့ၣ်လီၤဆီဆူယွၤအအိၣ်န့ၣ်လီၤ.

လံာ်ဧၤမိၣ် 5:22

တုၤသုဟဲစိာ်န့ၢ်ယၤတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤ တဖၣ်န့ၣ်ယတတူၢ်လိာ်ဘၣ်အီၤဘၣ်. ဒီးဆၣ်ဖိကီၢ်ဖိတဖၣ်လၢသုမၤဘီၣ်ထီၣ်တ့ၢ်အီၤလၢသုကဟဲစိာ် ဆူယအိၣ်ဒ်တၢ်မၤဘူၣ်တဖၣ်န့ၣ်, ယတတူၢ်လိာ်ဘၣ်အီၤဘၣ်.