လံာ်တၢ်ဘူၣ်ထီၣ်ဘါထီၣ် 7:10 - Sgaw Karen Common Bible

¹⁰ ဘၣ်ဆၣ်ဒီး, တၢ်လုၢ်ဘုဧိၤဟုဧိၤခဲလၢာ်လၢအဘၣ်တၢ်လုၢ်အီၤ, လၢအဘၣ်တၢ်ဃါဃုာ်အီၤလၢသိမ့ၢ်ဂ့ၤ, ထဲအဃ့ထီမ့ၢ်ဂ့ၤ, ဘၣ်ဃးဒီးပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ်ကိးဂၤ ဒဲးဒီးအဝဲသ့ၣ်ကဘၣ်ဟ့ၣ်နီၤလိာ်အသးပှဲၤသိးသိးလီၤ.

လံာ်တၢ်ဘူၣ်ထီၣ်ဘါထီၣ် 7:10 Iomraidhean Croise

လံာ်တၢ်ဟးထီၣ်ကွံာ် 16:18

တုၤအဝဲသ့ၣ်ဃီၣ်ကွၢ်ဝဲဒီး, ပှၤလၢအပာ်ဖှိၣ်တၢ်အါန့ၢ်အတၢ် တအိၣ်အါကဲၣ်ဆိးဘၣ်ဒီးပှၤလၢအပာ်ဖှိၣ်တၢ်စှၤန့ၢ်အတၢ်တအိၣ် စှၤကဲၣ်ဆိးဒီးအီၤဘၣ်လီၤ. ပှၤတဂၤစုာ်စုာ်ပာ်ဖှိၣ်တၢ်ထဲသိးဒၣ်အလိၣ်ဘၣ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:11

တၢ်သိၣ်တၢ်ဘျၢဘၣ်ဃးဒီးတၢ်လုၢ်မၤဃူမၤဖိးတၢ်ဆူယွၤအအိၣ် အဂီၢ်န့ၣ်မ့ၢ်ဒ်လၢလာ်အသိးလီၤ.

လံာ်တၢ်ဘူၣ်ထီၣ်ဘါထီၣ် 7:9

ဒီးတၢ်လုၢ်ဘုဧိၤဟုဧိၤခဲလၢာ်လၢအဘၣ်တၢ်ကုၢ်အီၤလၢဖၣ်ကပူၤ မ့ၢ်ဂ့ၤ, လၢထးကဘျၣ်အဖီခိၣ်မ့ၢ်ဂ့ၤ, လၢသပၢၤဘံၣ်သလၣ်အပူၤမ့ၢ်ဂ့ၤန့ၣ် ဘၣ်ဃးဒီးပှၤလုၢ်တၢ်အခိၣ်လၢအ လုၢ်ထီၣ်တၢ်လုၢ်အံၤဆူကစၢ်ယွၤအအိၣ်န့ၣ်လီၤ.

၂ ကရံၣ်သူး 8:14

ဘၣ်ဆၣ်ဒီး, ဖဲဆၢကတီၢ်အဝဲအံၤန့ၣ် ဒ်သုတၢ်အိၣ်အါအါဂီၢ်ဂီၢ် အသိး, မ့ၢ်ဒၣ်တၢ်အကြၢးဝဲဘၣ်ဝဲတမံၤလၢသုကမၤစၢၤပှၤလိၣ် ဘၣ်တၢ်တဖၣ်န့ၣ်လီၤ. တုၤနုၤတစုဖဲသုလိၣ်ဘၣ်တၢ်, ဒီးအဝဲသ့ၣ်အတၢ်အိၣ်အါအါအဆၢကတီၢ်န့ၣ်, အဝဲသ့ၣ်ကမၤစၢၤသုလီၤ. လၢကျဲဒ်အံၤအပူၤန့ၣ်, ပှၤခံခီယၢ်ဘးကဘၣ်တၢ်မၤစၢၤအီၤပှဲၤသိးသိးလီၤ.