လံာ်တၢ်ဘူၣ်ထီၣ်ဘါထီၣ် 6:7 - Sgaw Karen Common Bible

⁷ ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ကမၣ်လၢအဂီၢ်ဒီး အတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 6:7 Iomraidhean Croise

လံာ်တၢ်ဟးထီၣ်ကွံာ် 34:7

ယဟံးဃာ်ယတၢ်အၢၣ်လီၤအီလီၤလၢပှၤအစိၤအကထိတဖၣ်အဂီၢ်, ဒီးပျၢ်တၢ်အၢတၢ်သီဒီးတၢ်ဒဲးဘး, ဘၣ်ဆၣ်ဒီး, ယတလီၤတူာ်လီၤကာ်ဘၣ်လၢယကစံၣ်ညီၣ်ဖိ တဖၣ်ဒီးလံၤတဖၣ်တုၤလၢသၢစိၤတစိၤဒီးလွံၢ်စိၤတစိၤလၢအဝဲသ့ၣ်အမိၢ်အပၢ်တဖၣ် အတၢ်ဒဲးဘးအဃိန့ၣ်ဘၣ်.”

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ယဃ့းစက့လး 33:19

ဖဲပှၤအၢပှၤသီတဂၤပျဲကွံာ်အတၢ်မၤတၢ်ဒဲးဘးဒီးမၤတၢ်လၢ အဘၣ်ဒီးဂ့ၤဝဲန့ၣ်, အဝဲအုၣ်က့ၤခီၣ်က့ၤတ့ၢ်အသးသမူန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:1

ပှၤတဂၤလၢ်လၢ်မ့ၢ်လုၢ်ထီၣ်အဘုဧိၤဟုဧိၤဆူယွၤအအိၣ်န့ၣ်, ကဘၣ်ဂံာ်ကမူၣ်ဝဲလၢညါဒီးကဘၣ်လူလီၤသ့ၣ်စၤယံးအသိ ဒီးပာ်တၢ်နၢမူလၢအဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:20

ဒီးကဘၣ်မၤဂီၤဖံးဖါတဒုအံၤဒ်အမၤဝဲဂီၤဖံးဖါလၢတၢ်ပျၢ် တၢ်ဒဲးဘးအတၢ်လုၢ်အဂီၢ်အသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပာ်လၢပှၤအံၣ်စရ့လးဖိဒီတဖုအတၢ်ဒဲး ဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:26

ဒီးတၢ်အသိခဲလၢာ်န့ၣ်ကဘၣ်ဆိၣ်ကဲၤဝဲလၢတၢ်လုၢ်လီၢ်အဖီ ခိၣ်ဒ်တၢ်အသိလၢတၢ်လုၢ်တၢ်မၤဃူမၤဖိးအဂီၢ်အသိးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤပၢတၢ် တဂၤန့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:31

ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 5:10

အန့ၣ်ဝံၤဒီးကဘၣ်လုၢ်ထီၣ်ဝဲထိၣ်ခံဘ့ၣ်တဘ့ၣ်လၢတၢ်လုၢ်မ့ၣ်အူ ဒ်တၢ်သိၣ်တၢ်ဘျၢအိၣ်ဝဲအသိးန့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အတၢ်ဒဲးဘးလၢအမၤတ့ၢ်ဝဲအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:13

ပှၤလုၢ်တၢ်အခိၣ်ကလုၢ်ထီၣ်တၢ်ဒ်သိးအံၤလၢတၢ်လုၢ်တၢ်ပျၢ်တၢ်ဒဲး ဘးလၢပှၤတဂၤအံၤအတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ. ဒီးကိၣ်ကမူၣ်လၢအအိၣ်လီၤတဲာ်န့ၣ်မ့ၢ်ပှၤလုၢ်တၢ်အခိၣ်အတၢ်ဒ်တၢ် အိၣ်လီၤတဲာ်လၢတၢ်လုၢ်ဘုဧိၤဟုဧိၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:18

ဒီးကဘၣ်ဟဲစိာ်ဝဲသိဖါတဒု မ့တမ့ၢ်မဲာ်တဲးလဲးဖါတဒုလၢမဲၣ်သူမဲၣ်ဂီၤတအိၣ်ဘၣ်, ဒ်တၢ်ဟ့ၣ်ဆၢက့ၤအသိးဆူပှၤလုၢ်တၢ်အခိၣ်အအိၣ်န့ၣ်လီၤ. ဒီးအပှ့ၤအနီၣ်ထိၣ်တၢ်ပာ်ကအီၤ ဒ်တၢ်လုၢ်တၢ်ပာ်အလုၢ်အပှ့ၤကဘၣ်အိၣ်ဝဲအသိးလၢတၢ်လုၢ်တၢ်ပျၢ်တၢ်ကမၣ် လၢအမၤဘၣ်ဝဲ လၢတၢ်တတိာ်သူၣ်ပာ်သးအပူၤအဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 6:8

ယွၤမၤလိာ်စီၤမိၤၡ့, လၢအကဟ့ၣ်လီၤတၢ်သိၣ်တၢ်ဘျၢဘၣ်ဃးတၢ်လုၢ်မ့ၣ်အူဆူ စီၤအၤဟရိၣ်ဒီးအဖိခွါန့ၣ်လီၤ. တၢ်လုၢ်မ့ၣ်အူန့ၣ်ကဘၣ်တၢ် ဆူးကဲၤအီၤဒီတနံၤညါလၢတၢ်လုၢ်လီၢ်ဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:2

ဆၣ်ဖိကီၢ်ဖိလၢတၢ်လုၢ်အံၤအဂီၢ်န့ၣ်, ကဘၣ်တၢ်မၤသံအီၤလၢတၢ် လုၢ်လီၢ်အကလံၤစိးတကပၤ, ဖဲတၢ်မၤသံဆၣ်ဖိ ကီၢ်ဖိလၢတၢ်လုၢ်မ့ၣ်အူအဂီၢ်အလီၢ်န့ၣ်လီၤ. ဒီးတၢ်အသွံၣ်တဖၣ်န့ၣ်ကဘၣ်တၢ်လူလီၤဝးတရံးတၢ်လုၢ်လီၢ်န့ၣ်လီၤ.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်မးသဲ 12:31

လၢတၢ်န့ၣ်အဃိယစံးဘၣ်တဲဘၣ်သု, ကယဲၢ်တၢ်ဒဲးဘးဒီးတၢ်ကတိၤအၢကတိၤသီခဲလၢာ်န့ၣ်ယွၤ ကပျၢ်န့ၢ်ပှၤကညီလီၤ. မ့မ့ၢ်တၢ်ကတိၤအၢ, တၢ်ကတိၤကမၣ်ဘၣ်ယွၤအသးစီဆှံန့ၣ်, ယွၤတပျၢ်န့ၢ်ပှၤကညီဘၣ်.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.