လံာ်တၢ်ဘူၣ်ထီၣ်ဘါထီၣ် 6:3 - Sgaw Karen Common Bible

³ ကတိၤကဘျံးကဘျၣ်ဘၣ်ဃးတၢ်လၢအဟါမၢ်ဒီးဆိၣ်လီၤ အသးလၢအတထံၣ်ဝဲန့ၣ်ကဘၣ်လုၢ်ထီၣ်ပာ်ထီၣ်တၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:3 Iomraidhean Croise

လံာ်တၢ်ဟးထီၣ်ကွံာ် 23:4

နမ့ၢ်ထံၣ်ဘၣ်နဒုၣ်နဒါအကျီၢ်မိၢ်မ့ၢ်ဂ့ၤကသ့ၣ်ယီၤမ့ၢ်ဂ့ၤထူၣ် ဖျဲးဒီးဆှၢက့ၤဆူအအိၣ်န့ၣ်တက့ၢ်.

လံာ်တၢ်ဟးထီၣ်ကွံာ် 28:42

ဆးန့ၢ်အဝဲသ့ၣ်လၢဖျီၣ်ခံတၢ်ကံးညာ်ဖိတဖၣ်စးထီၣ်လၢအယီၢ်ဒ့ တုၤအကံၣ်ဒုၣ်ဒ်သိးအတၢ်မဲာ်ဆှးသုတအိၣ်ဖျါတဂ့ၤအဂီၢ်တက့ၢ်.

တၢ်ကတိၤဒိ. 24:28

တၢ်အဂ့ၢ်အခၢးလၢအဂ့ၤအဘၣ်မ့ၢ်တအိၣ်ဘၣ်ဒီး, အုၣ်နသးထီဒါပှၤအဂၤတဂၤ, ဒီးကတိၤတၢ်လၢအကဆှၢ ကမၣ်တၢ်ဘၣ်ဃးဒီးအီၤတဂ့ၤ.

တၢ်ကတိၤဒိ. 30:9

ယတၢ်အီၣ်မ့ၢ်အါကဲၣ်ဆိးဒီး, ယကစံးဘၣ်ဖုးလၢယတလိၣ်ဘၣ်နၤ န့ၣ်လီၤ. ဘၣ်ဆၣ်ယမ့ၢ်ဖှီၣ်ဒီး, ယကဟုၣ်ဘၣ်ဖုးတၢ်ဒီးဒုးလီၤဘၣ် တၢ်မဲာ်ဆှးလၢယကစၢ်ယွၤန့ၣ်လီၤ.

လံာ်ယံးရမံယၤ 5:2

သုမ့ၢ်စံးလၢသုဘူၣ်ထီၣ်ဘါထီၣ်ယွၤဒၣ်လဲာ်န့ၣ်, မ့ၢ်ဒၣ်သုကတိၤတၢ်ကလီကလီန့ၣ်လီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ယဃ့းစက့လး 44:19

တချုးဒံးလၢအဝဲသ့ၣ်လဲၤထီၣ်ဆူတၢ်လုၢ်ဟံၣ်အဂၢၤလၢတၢ်ချၢ ဖဲပှၤဂီၢ်မုၢ်တဖၣ်အိၣ်ဝဲန့ၣ်, အဆိကတၢၢ်အဝဲသ့ၣ်ကဘၣ်ဘ့ၣ်လီၤ ကွံာ်တၢ်ကူတၢ်ကၤတဖၣ်လၢအဝဲသ့ၣ်ကူသိးတ့ၢ်ဝဲဖဲအမၤအမူ အဒါလၢယွၤအတၢ်လုၢ်ဟံၣ်ပူၤအခါဒီးပာ်တ့ၢ်အီၤလၢဒၢးစီဆှံ တဖၣ်အပူၤန့ၣ်လီၤ. အဝဲသ့ၣ်ကဘၣ်ကူသိးထီၣ်တၢ်ကူ တၢ်ကၤအဂၤတဖၣ်ဒီးဒ်သိးကတြီအတၢ်ကူတၢ်သိး စီဆှံတဖၣ်လၢသုတမၤဘၣ်ဒိပှၤဂီၢ်မုၢ်တဂ့ၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:16

ဒီးအဝဲကဘၣ်ထုးကွံာ်အကနံဒီးတၢ်အိၣ်လၢအပူၤခဲလၢာ်ဒီးစူး ကွံာ်အီၤဆူတၢ်လုၢ်လီၢ်အမုၢ်ထီၣ်တကပၤ, ဖဲဖၣ်ဆါအိၣ်အလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:4

အန့ၣ်ဝံၤဒီးယွၤဟ့ၣ်လီၤတၢ်သိၣ်တၢ်ဘျၢဒ်အဖီလာ်အသိးန့ၣ်လီၤ. တချုးလၢစီၤအၤဟရိၣ်နုာ်ဆူတၢ်လီၢ်စီဆှံကတၢၢ်ဒံးဘၣ်န့ၣ်, ကဘၣ်လုၢ်ထံဒီးသိးထီၣ်ပှၤလုၢ်တၢ်အခိၣ်အကူအသိးတဖၣ်လၢအမ့ၢ်ဆ့ဖှီဝါစီဆှံ, ယီၢ်တကိးဖှီဝါဒီးခိၣ်သလုးဖှီဝါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:12

တၢ်အၢၣ်လီၤအီလီၤလၢသုမၤလၢပှဲၤအီၤတန့ၢ်န့ၣ်အၢၣ်လီၤအီ လီၤလၢယမံၤအပူၤတဂ့ၤ. တၢ်န့ၣ်မ့ၢ်တၢ်မၤမဲာ်ဆှးယမံၤန့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်စကၤရယၤ 5:4

သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.