လံာ်တၢ်ဘူၣ်ထီၣ်ဘါထီၣ် 6:27 - Sgaw Karen Common Bible27 ပှၤတဂၤဂၤမ့တမ့ၢ်တၢ်တမံၤမံၤလၢအထိးဘၣ်ဆၣ်ဖိကီၢ်ဖိအညၣ် န့ၣ်, ကဘၣ်တၢ်မၤဆါအီၤလၢတၢ်လုၢ်အံၤအတၢ်စီ တၢ်ဆှံအစိကမီၤန့ၣ်လီၤ. ဒီးတၢ်ကူတၢ်သိးမ့ၢ်ဘၣ်တၢ်ဖှံ အီၤလၢဆၣ်ဖိကီၢ်ဖိအသွံၣ်န့ၣ်ဒီး, ကဘၣ်တၢ်ဆှုၣ်ကွံာ်အီၤလၢ တၢ်လီၢ်စီဆှံန့ၣ်လီၤ. Faic an caibideil |
လံာ်တၢ်ဘူၣ်ထီၣ်ဘါထီၣ် 6:27
11 Iomraidhean Croise
တချုးဒံးလၢအဝဲသ့ၣ်လဲၤထီၣ်ဆူတၢ်လုၢ်ဟံၣ်အဂၢၤလၢတၢ်ချၢ ဖဲပှၤဂီၢ်မုၢ်တဖၣ်အိၣ်ဝဲန့ၣ်, အဆိကတၢၢ်အဝဲသ့ၣ်ကဘၣ်ဘ့ၣ်လီၤ ကွံာ်တၢ်ကူတၢ်ကၤတဖၣ်လၢအဝဲသ့ၣ်ကူသိးတ့ၢ်ဝဲဖဲအမၤအမူ အဒါလၢယွၤအတၢ်လုၢ်ဟံၣ်ပူၤအခါဒီးပာ်တ့ၢ်အီၤလၢဒၢးစီဆှံ တဖၣ်အပူၤန့ၣ်လီၤ. အဝဲသ့ၣ်ကဘၣ်ကူသိးထီၣ်တၢ်ကူ တၢ်ကၤအဂၤတဖၣ်ဒီးဒ်သိးကတြီအတၢ်ကူတၢ်သိး စီဆှံတဖၣ်လၢသုတမၤဘၣ်ဒိပှၤဂီၢ်မုၢ်တဂ့ၤအဂီၢ်န့ၣ်လီၤ.
ပစံးဒၣ်ကလိာ်, ပှၤတဂၤဂၤဟံးန့ၢ်တၢ်ညၣ်စီဆှံတလိၣ် လၢတၢ်လုၢ်တၢ်ပာ်တမံၤအကျါဒီးစိာ်ဝဲလၢအဆ့ကၤဒိၣ် အထၢၣ်တဖျၢၣ်အပူၤလီၤ. အဝဲမ့ၢ်ပျဲအဆ့ကၤဒိၣ်ထိးဘၣ်ကိၣ် တဖျၢၣ်ဖျၢၣ်, တၢ်အီၣ်လၢပှၤဖီဝံၤ, စပံးထံ, သ့ၣ်စၤယံးအသိ မ့တမ့ၢ်တၢ်အီၣ်ထီရီၤတမံၤမံၤဒီး, တၢ်န့ၣ်ကမၤစီဆှံထီၣ်ကွံာ်တၢ်အီၣ်န့ၣ်စ့ၢ်ကီးဧါ.” ဖဲတၢ်သံကွၢ်န့ၣ်ဘၣ်တၢ်သံကွၢ်အီၤဒီး ပှၤလုၢ်တၢ်အခိၣ်တဖၣ်စံးဆၢဝဲ, “တမ့ၢ်ဘၣ်.”
သုတၢ်သးအုးတမံၤအံၤကစၢ်ယွၤမၤအီၤဒ်လဲၣ်န့ၣ်ကွၢ် တက့ၢ်. ဒုးကဲထီၣ်မးသုလၢပှၤပာ်အသးသပှၢ်ပှၢ်ဒ်လဲၣ်. ဒီးအုၣ်အသးလၢသုတၢ်ကမၣ်တအိၣ်ဘၣ်ဒ်လဲၣ်န့ၣ်လီၤ. ဟ့ၣ်သုတၢ်သူၣ်ဒိၣ်သးဖျိးဒ်သိးအံၤ, တၢ်မၤပျံၤမၤဖုးတၢ်ဒ် သိးအံၤ, တၢ်ပာ်သူၣ်ပာ်သးဒ်သိးအံၤတဖၣ်, တၢ်ဘူၣ် ယွၤဘါယွၤလၢ တၢ်သူၣ်တီသးရၤအပူၤဒ်သိးအံၤ, တၢ်အိၣ် ကတဲာ်ကတီၤသးလၢ ကစံၣ်ညီၣ်တၢ်မၤကမၣ် တၢ်ဒ်သိးအံၤန့ၣ်လီၤ. လၢတၢ်ခဲလၢာ်ခဲဆ့အပူၤန့ၣ် သုပာ်ဖျါထီၣ်သုသးဒ်ပှၤလၢအတၢ်ကမၣ်တအိၣ် ဘၣ်လီၤ.
Sanasan