လံာ်တၢ်ဘူၣ်ထီၣ်ဘါထီၣ် 6:16 - Sgaw Karen Common Bible

¹⁶ ဒီးတၢ်အိၣ်လီၤတဲာ်တဖၣ်န့ၣ်ပှၤလုၢ်တၢ်အခိၣ်တဖၣ်ကအီၣ်ဝဲလီၤ. ကဘၣ်ကုၢ်ဝဲကိၣ်လၢတအိၣ်ဘၣ်ဒီးကိၣ်မံၣ်ဒီးကဘၣ်အီၣ်ဝဲလၢတၢ် လီၢ်စီဆှံ, လၢအမ့ၢ်တၢ်ဘူၣ်ထီၣ်ဘါထီၣ်ယွၤအဒဲအဂၢၤပူၤလီၤ.

လံာ်တၢ်ဘူၣ်ထီၣ်ဘါထီၣ် 6:16 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:14

ပှၤလ့ၤဝံဖိတဂၤလၢအမ့ၢ်စီၤယံးမနၤအဖိခွါစီၤကိၤရ့, ပှၤပၢၤတၢ်အခိၣ်အဒိၣ်ကတၢၢ်လၢယွၤအတၢ်လုၢ်ဟံၣ်အတြဲၤမုၢ်ထီၣ် တကပၤန့ၣ်, ဘၣ်ကွၢ်ထွဲတၢ်တူၢ်လိာ်တၢ်ဟ့ၣ်တဖၣ်လၢတၢ် လုၢ်ထီၣ်အီၤဆူယွၤဒီးနီၤဟ့ၣ်လီၤတၢ်ဟ့ၣ်တဖၣ်န့ၣ်စ့ၢ်ကီးလီၤ.

လံာ်တၢ်ဟးထီၣ်ကွံာ် 12:8

ဒီးလၢမုၢ်နၤအဝဲန့ၣ်တၢ်ဖံးတၢ်ညၣ်ကဘၣ်တၢ်ကၣ်မံအီၤဒီးအီၣ် အီၤဃုာ်ဒီးကိၣ်လၢတအိၣ်ဘၣ်ဒီးကိၣ်မံၣ်ဒီးတၢ်ဒီးတၢ်လၣ်အခၣ်န့ၣ်လီၤ.

လံာ်ယဃ့းစက့လး 44:29

တၢ်လုၢ်ဘုဧိၤဟုဧိၤ, တၢ်လုၢ်တၢ်ဒဲးဘးဒီးတၢ်လုၢ်တၢ်ကမၣ်တဖၣ်က မ့ၢ်ပှၤလုၢ်တၢ်အခိၣ်တဖၣ်အတၢ်အီၣ်ဒီးအဝဲသ့ၣ်ကဒိးန့ၢ် ဘၣ်တၢ်ခဲလၢာ်လၢကီၢ်အံၣ်စရ့လးအပူၤလၢတၢ်ပာ်လီၤဆီအီၤလၢ ယဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:3

တၢ်အိၣ်လီၤတဲာ်လၢတၢ်လုၢ်ဘုဧိၤဟုဧိၤန့ၣ်ဘၣ်ဃးဒီးပှၤလုၢ် တၢ်အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤအကျါ အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:13

ပှၤလုၢ်တၢ်အခိၣ်ကလုၢ်ထီၣ်တၢ်ဒ်သိးအံၤလၢတၢ်လုၢ်တၢ်ပျၢ်တၢ်ဒဲး ဘးလၢပှၤတဂၤအံၤအတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ. ဒီးကိၣ်ကမူၣ်လၢအအိၣ်လီၤတဲာ်န့ၣ်မ့ၢ်ပှၤလုၢ်တၢ်အခိၣ်အတၢ်ဒ်တၢ် အိၣ်လီၤတဲာ်လၢတၢ်လုၢ်ဘုဧိၤဟုဧိၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:23

တၢ်လုၢ်ဘုဧိၤဟုဧိၤလၢပှၤလုၢ်တၢ်အခိၣ်လုၢ်ထီၣ်ဝဲန့ၣ်တၢ်တဘၣ် အီၣ်အီၤဘၣ်. ဒီးကဘၣ်တၢ်ဆူးကဲၤကွံာ်အီၤခဲလၢာ်လီၤ.

လံာ်တၢ်ဘူၣ်ထီၣ်ဘါထီၣ် 6:26

ပှၤလုၢ်တၢ်အခိၣ်လၢအလုၢ်ထီၣ်ဆၣ်ဖိကီၢ်ဖိန့ၣ်, ကဘၣ်အီၣ်ဝဲတၢ်လုၢ်န့ၣ်လၢတၢ်လီၢ်စီဆှံလၢအမ့ၢ်တၢ်ဘူၣ်ထီၣ်ဘါ ထီၣ်ယွၤအဒဲအဂၢၤပူၤန့ၣ်လီၤ.

လံာ်တၢ်ဂံၢ် 18:8

ယွၤစံးဘၣ်စီၤအၤဟရိၣ်, “သ့ၣ်နီၣ်ထီၣ်လၢယဟ့ၣ်တ့ၢ်နၤတၢ် ဟ့ၣ်မၤဘူၣ်လီၤဆီခဲလၢာ်လၢအဘၣ်တၢ်လုၢ်ထီၣ်ပာ်ထီၣ်ဆူ ယအိၣ်, တၢ်လၢအတဘၣ်တၢ်ဆိၣ်ကဲၤထီၣ်အီၤဒ်တၢ်လုၢ်တၢ်ပာ် တဖၣ်အသိးန့ၣ်တက့ၢ်. ယဟ့ၣ်အီၤဆူနၤဒီးနစၢၤနသွဲၣ်တဖၣ်ဒ်တၢ်နီၤဖးလၢသုကဒိးန့ၢ် အီၤလီၤထူလီၤယိာ်န့ၣ်လီၤ.

1 ကရံၣ်သူး 5:8

မ့မ့ၢ်ဒ်န့ၣ်ဒီး, မ်ပကမၤသကိးပဘူၣ်လဲၤကပာ်, တမ့ၢ်လၢကိၣ်အိၣ်ဒီးကိၣ်မံၣ်လီၢ်လံၤဘၣ်ဃးတၢ်ဒဲးဘးဒီးတၢ် အၢတၢ်သီန့ၣ်ဘၣ်. မ့မ့ၢ်, လၢကိၣ်တအိၣ်ဒီးကိၣ်မံၣ်, ကိၣ်ဘၣ်ဃးတၢ်ကဆှီဒီးတၢ်မ့ၢ်တၢ်တီန့ၣ်လီၤ.