လံာ်တၢ်ဘူၣ်ထီၣ်ဘါထီၣ် 6:14 - Sgaw Karen Common Bible

¹⁴ တၢ်သိၣ်တၢ်ဘျၢလီၤဆီဘၣ်ဃးတၢ်လုၢ်ဘုဧိၤဟုဧိၤန့ၣ်, မ့ၢ်ဒ်လၢလာ်အသိးလီၤ. ပှၤလုၢ်တၢ်အခိၣ်လၢအလီၤစၢၤလၢစီၤအၤ ဟရိၣ်န့ၣ်, ကလုၢ်ထီၣ်တၢ်လုၢ်ဘုဧိၤဟုဧိၤဆူ ယွၤအအိၣ်လၢတၢ်လုၢ်လီၢ်အမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:14 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 9:31

ပှၤလ့ၤဝံဖိတဂၤလၢအမံၤမ့ၢ်စီၤမးတံးသယၤ, စီၤၡၤလူၣ်အဖိခွါဝဲၢ်ကိ, လၢပှၤကိၤရးဖိအဒူၣ်ထၢပူၤန့ၣ် အိၣ်မူအိၣ်ဒါလၢတၢ်ကတဲာ်ကတီၤတၢ်လုၢ်တၢ်ပာ်လၢတၢ်ကကုၢ်ဃိအီၤ တဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:17

ဒီးကဘၣ်ဖီၣ်ဝဲလၢအဒံးဆ့ဒီးဖှီသ့ၣ်ဖးအီၤဘၣ်ဆၣ်, တဘၣ်မၤတဲာ်ကွံာ်အဒံးဆ့ဘၣ်. ဒီးကဘၣ်ဆိၣ်ကဲၤထီၣ်အီၤခဲလၢာ် လၢတၢ်လုၢ်လီၢ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:9

မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:12

ဒီးစီၤမိၤၡ့စံးဘၣ်စီၤအၤဟရိၣ်ဒီးအဖိခွါအိၣ်လီၤတဲာ်ခံဂၤလၢ အမ့ၢ်စီၤအလၤဧစၢ်ဒီးစီၤအံသမၢ်, “ဟံးန့ၢ်တၢ်လုၢ်ဘုဧိၤဟုဧိၤလၢအအိၣ်လီၤတဲာ်လၢတၢ်လုၢ်မၤ ဘူၣ်တၢ်အီၣ်ဆူယွၤအအိၣ်ဒီးမၤကိၣ်လၢကိၣ်မံၣ်တအိၣ်ဘၣ်. ဒီးအီၣ်အီဖဲတၢ်လုၢ်လီၢ်အကပၤန့ၣ်တက့ၢ်. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:13

ဒီးမ့ၣ်အူလၢတၢ်လုၢ်လီၢ်ဖီခိၣ်န့ၣ်ကဘၣ်ကဲၤဝဲဒီးတဘၣ်လီၤပံာ်နီတဘျီဘၣ်.

လံာ်တၢ်ဘူၣ်ထီၣ်ဘါထီၣ် 6:15

ဒီးအဝဲကဘၣ်ဟံးန့ၢ်ကိၣ်ကမူၣ်တစှီၤဒီးသိ, ဒီးတၢ်နၢမူအိၣ်လၢအလိၤဒီးဆိၣ်ကဲၤထီၣ်အီၤလၢတၢ်လုၢ်လီၢ် အဖီခိၣ်ဒ်တၢ်ပနီၣ်လၢအဘၣ်တၢ်လုၢ်ထီၣ်တ့ၢ်လံအီၤခဲလၢာ်ဆူယွၤ အသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဂံၢ် 15:4

ပှၤတဂၤလၢ်လၢ်လၢအဟ့ၣ်ထီၣ်သိတဒုမ့ၢ်ဂ့ၤ, မဲာ်တဲးလဲးတဒုမ့ၢ် ဂ့ၤဒ်တၢ်လုၢ်မ့ၣ်အူတမံၤဆူယွၤအအိၣ်န့ၣ်ကဘၣ်ဟဲစိာ်ကိၣ်ကမူၣ် အဃၢလီၤတယၢၢ်တအ့စရိၣ်ဃါဃုာ်အသးဒီးသ့ၣ်စၤယံးအသိ တဟံၣ်လွံၢ်ပူတပူဃုာ်ဒီးဆၣ်ဖိကီၢ်ဖိတဒုစုာ်စုာ်, ဒ်တၢ်လုၢ်ဘု ဧိၤဟုဧိၤအသိး,

လံာ်တၢ်ဂံၢ် 15:6

ဖဲတၢ်လုၢ်ထီၣ်ပာ်ထီၣ်သိဖါတဒုန့ၣ်ကိၣ်ကမူၣ်အဃၢလီၤတယၢၢ်ခံ အ့စရိၣ်ဃါဃုာ်ဒီးသ့ၣ်စၤယံးအသိတဟံၣ်သၢပူတပူကဘၣ်တၢ်ဟဲ စိာ်ဃုာ်အီၤဒ်တၢ်လုၢ်ဘုဧိၤဟုဧိၤအသိးဃုာ်ဒီးစပံးထံတဟံၣ် သၢပူတပူန့ၣ်လီၤ.

လံာ်တၢ်ဂံၢ် 15:9

ကိၣ်ကမူၣ်အဃၢလီၤတယၢၢ်သၢအ့စရိၣ်ဃါဃုာ်ဒီးသ့ၣ်စၤယံး အသိဖးဖီဟံၣ်ကဘၣ်တၢ်ဟ့ၣ်ထီၣ်စ့ၢ်ကီးအီၤဒ်တၢ်လုၢ်ဘုဧိၤဟုဧိၤ,

လံာ်ယိၤဟၣ် 6:32

ယ့ၣ်ၡူးစံးဘၣ်အဝဲသ့ၣ်, “ယစံးဘၣ်တဲဘၣ်သုတၢ်မ့ၢ်တၢ် တီလီၤ. စီၤမိၤၡ့တဟ့ၣ်အီၣ်သုကိၣ်လၢအဟဲလီၤလၢမူခိၣ်ဘၣ်. ပှၤလၢအဟ့ၣ်အီၣ်သုကိၣ်နီၢ်နီၢ်လၢအဟဲလီၤလၢမူခိၣ်န့ၣ် မ့ၢ်ယပၢ်န့ၣ်လီၤ.