လံာ်တၢ်ဘူၣ်ထီၣ်ဘါထီၣ် 6:13 - Sgaw Karen Common Bible

¹³ ဒီးမ့ၣ်အူလၢတၢ်လုၢ်လီၢ်ဖီခိၣ်န့ၣ်ကဘၣ်ကဲၤဝဲဒီးတဘၣ်လီၤပံာ်နီတဘျီဘၣ်.

လံာ်တၢ်ဘူၣ်ထီၣ်ဘါထီၣ် 6:13 Iomraidhean Croise

လံာ်တၢ်ဟးထီၣ်ကွံာ် 29:1

အအံၤမ့ၢ်တၢ်လၢနကဘၣ်မၤအီၤလၢတၢ်ပာ်စီဆှံစီၤအၤဟရိၣ်ဒီး အဖိခွါသ့ၣ်တဖၣ်ဒ်ပှၤလုၢ်တၢ်အခိၣ်တဖၣ်အသိးလၢယတၢ်ဖံးတၢ်မၤအပူၤအဂီၢ်လီၤ. ဟံးန့ၢ်ဂီၤဖံးဖါအသးစၢ်ဖိတဒုဒီးသိဖါခံဒုလၢအမဲၣ်သူမဲၣ်ဂီၤတအိၣ်ဘၣ်န့ၣ်တက့ၢ်.

လံာ်တၢ်ဟးထီၣ်ကွံာ် 29:2

ဟံးန့ၢ်ဘုကၠူၣ်အကမူၣ်အဂ့ၤကတၢၢ်လၢတအိၣ်ဘၣ်ဒီးကိၣ်မံၣ်ဒီး မၤကိၣ်တနီၤလၢသ့ၣ်စၤယံးအသိ, ဒီးတနီၤလၢတအိၣ်ဘၣ်ဒီးသ့ၣ်စၤယံးအသိဒီးတနီၤမၤအီၤဒ်ကိၣ် ဘ့ၣ်ဘၣ်ဘူတလါလၢတၢ်ဖှူအီၤလၢသိတက့ၢ်.

လံာ်တၢ်ဟးထီၣ်ကွံာ် 29:40

ဃုာ်ဒီးသိဖိအခီၣ်ထံးတဒုန့ၣ်မၤဘူၣ်ဘုကၠူၣ်အကမူၣ်အဂ့ၤ ကတၢၢ်လၢအဃၢတအ့စရိးဃါဃုာ်အသးလၢသ့ၣ်စၤယံးအသိတဟံၣ်လွံၢ် ပူတပူတက့ၢ်. လူလီၤစပံးထံဟံၣ်လွံၢ်ပူတပူဒ်တၢ်မၤဘူၣ်တမံၤအသိးတက့ၢ်.

လံာ်ယၡါယၤ 31:9

အဝဲသ့ၣ်အစီၤပၤကဃ့ၢ်ကွံာ်လၢတၢ်ပျံၤတၢ်ဖုးအပူၤ, ဒီးအမူဒါလီၢ်လၤခိၣ်တဖၣ်ကပျံၤတၢ်တုၤဒၣ်လဲာ်ကပာ်လီၤတဲာ် ကွံာ်အတၢ်ဒုးအနီၣ်တယၢ်တဖၣ်လီၤ. ယွၤကတိၤလံတၢ်လံ. မ့ၢ်ယွၤလၢအဘၣ်တၢ်ဘူၣ်ထီၣ်ဘါ ထီၣ်အီၤလၢဝ့ၢ်ယရူၤၡလ့ၣ်အပူၤဒီးယွၤလၢအမ့ၣ်အူ အီၣ်တၢ်ဖဲန့ၣ်လၢတၢ်လုၢ်ထီၣ်ပာ်ထီၣ်အဂီၢ်န့ၣ်လီၤ.”

လံာ်ယဃ့းစက့လး 40:46

ဒီးဒၢးတဖျၢၣ်လၢအကွၢ်ဃီၤတၢ်ဆူကလံၤစိးန့ၣ်မ့ၢ်လၢပှၤလုၢ်တၢ်အ ခိၣ်တဖၣ်လၢအမၤတၢ်လၢတၢ်လုၢ်လီၢ်အဂီၢ်လီၤ. ပှၤလုၢ်တၢ်အခိၣ်ခဲ လၢာ်လီၤစၢၤလီၤသွဲၣ်လၢစီၤစၤဒိးန့ၣ်လီၤ. မ့ၢ်ပှၤလ့ၤဝံအဒူၣ်, အဟံၣ်ဖိဃီဖိလၢတၢ်ဟ့ၣ်အီၤအခွဲးလၢကလဲၤနုာ်ဆူ ယွၤအိၣ်ဝဲဆိးဝဲအလီၢ်အပူၤဒီးကမၤအတၢ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:12

ဒီးမ့ၣ်အူလၢတၢ်လုၢ်လီၢ်ဖီခိၣ်န့ၣ်ကဘၣ်ကဲၤဝဲဒီးတဘၣ်လီၤ ပံာ်နီတဘျီဘၣ်. ပှၤလုၢ်တၢ်အခိၣ်ကဘၣ်ဆိၣ်ကဲၤသ့ၣ်မုၣ်ကိးဂီၤဒဲးဒီး ကျဲၤလီၤတၢ်လုၢ်မ့ၣ်အူဒီးဆိၣ်ကဲၤထီၣ်တၢ်အသိ လၢတၢ်လုၢ်တၢ်မၤဃူမၤဖိးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:14

တၢ်သိၣ်တၢ်ဘျၢလီၤဆီဘၣ်ဃးတၢ်လုၢ်ဘုဧိၤဟုဧိၤန့ၣ်, မ့ၢ်ဒ်လၢလာ်အသိးလီၤ. ပှၤလုၢ်တၢ်အခိၣ်လၢအလီၤစၢၤလၢစီၤအၤ ဟရိၣ်န့ၣ်, ကလုၢ်ထီၣ်တၢ်လုၢ်ဘုဧိၤဟုဧိၤဆူ ယွၤအအိၣ်လၢတၢ်လုၢ်လီၢ်အမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:24

ဒီးယွၤဆှၢလီၤမ့ၣ်အူသတူၢ်ကလာ်ဒီးအီၣ်ကွံာ်တၢ်လုၢ်မ့ၣ်အူ ဒီးအသိတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. ဒီးဖဲပှၤဂီၢ်မုၢ် ထံၣ်ဘၣ်တၢ်န့ၣ်, အဝဲသ့ၣ်ခဲလၢာ်ကိးသတြီထီၣ်ဒီးထိၣ်လီၤပှီၤအသးလီၤ.