လံာ်တၢ်ဘူၣ်ထီၣ်ဘါထီၣ် 6:11 - Sgaw Karen Common Bible

¹¹ အန့ၣ်ဝံၤဒီးကဘၣ်လဲလိာ်က့ၤအဆ့ကၤဒီးလဲၤစိာ်ဖၣ်ဆါတဖၣ်န့ၣ် ဆူတၢ်လီၢ်ကဆှီလၢဒဲအချၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:11 Iomraidhean Croise

လံာ်တၢ်ဟးထီၣ်ကွံာ် 29:37

မၤတၢ်အံၤကိးနံၤဒဲးနွံသီတက့ၢ်. အန့ၣ်ဒီးတၢ်လုၢ်လီၢ်ကစီဆှံထီၣ်ဝဲလၢလၢပှဲၤပှဲၤန့ၣ်လီၤ. ဒီးပှၤတဂၤဂၤမ့ၢ်ဂ့ၤ, တၢ်တမံၤမံၤမ့ၢ်ဂ့ၤလၢအထိးဘၣ်အီၤ န့ၣ်ကဘၣ်တၢ်မၤဘၣ်ဒိအီၤလၢတၢ်စီဆှံအံၤအစိအကမီၤန့ၣ်လီၤ.

လံာ်ယဃ့းစက့လး 44:19

တချုးဒံးလၢအဝဲသ့ၣ်လဲၤထီၣ်ဆူတၢ်လုၢ်ဟံၣ်အဂၢၤလၢတၢ်ချၢ ဖဲပှၤဂီၢ်မုၢ်တဖၣ်အိၣ်ဝဲန့ၣ်, အဆိကတၢၢ်အဝဲသ့ၣ်ကဘၣ်ဘ့ၣ်လီၤ ကွံာ်တၢ်ကူတၢ်ကၤတဖၣ်လၢအဝဲသ့ၣ်ကူသိးတ့ၢ်ဝဲဖဲအမၤအမူ အဒါလၢယွၤအတၢ်လုၢ်ဟံၣ်ပူၤအခါဒီးပာ်တ့ၢ်အီၤလၢဒၢးစီဆှံ တဖၣ်အပူၤန့ၣ်လီၤ. အဝဲသ့ၣ်ကဘၣ်ကူသိးထီၣ်တၢ်ကူ တၢ်ကၤအဂၤတဖၣ်ဒီးဒ်သိးကတြီအတၢ်ကူတၢ်သိး စီဆှံတဖၣ်လၢသုတမၤဘၣ်ဒိပှၤဂီၢ်မုၢ်တဂ့ၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:27

ဂီၤဖံးဖါဒီးမဲာ်တဲးလဲးလၢအဘၣ်တၢ်သူအီၤလၢတၢ်လုၢ်တၢ်ပျၢ် တၢ်ဒဲးဘးအဂီၢ်အသွံၣ်လၢအဘၣ်တၢ်လဲၤစိာ်နုာ်အီၤဆူ တၢ်လီၢ်စီဆှံကတၢၢ်အပူၤလၢကစိာ်ကွံာ်တၢ်ဒဲးဘးအဂီၢ်န့ၣ်ကဘၣ် တၢ်စိာ်ကွံာ်အီၤဆူဒဲအချၢဒီးဆူးကဲၤထီၣ်ကွံာ်အီၤန့ၣ်လီၤ. အဖံး, အညၣ်ဒီးအအ့ၣ်ခဲလၢာ်ကဘၣ်တၢ်ဆူးကဲၤကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:9

ဒီးကိၣ်န့ၣ်ကကဲထီၣ်စီၤအၤဟရိၣ်ဒီးအစၢၤအ သွဲၣ်တဖၣ်အတၢ်ဒီးကဘၣ်အီၣ်ဝဲလၢတၢ်လီၢ်စီဆှံအပူၤန့ၣ်လီၤ. အဂ့ၢ်ဒ်အံၤမ့ၢ်တၢ်စီဆှံကတၢၢ်လၢအဂီၢ်လၢတၢ်လုၢ်မ့ၣ်အူ အကျါန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 4:12

ဒီးတၢ်အိၣ်လီၤတဲာ်တဖၣ်န့ၣ်ကဘၣ်စိာ်ကွံာ်ဝဲဆူသူၣ်ဒဲအလီၢ် အချၢဖဲတၢ်လီၢ်ကဆှီလၢအမ့ၢ်တၢ်ဂၢ်လီၤဖၣ်ဆါအလီၢ်ဒီးကဘၣ်ဆိၣ် ကဲၤထီၣ်ကွံာ်ဝဲလၢသ့ၣ်မုၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:21

အန့ၣ်ဝံၤဒီးအဝဲကဘၣ်လဲၤစိာ်ဂီၤဖံးဖါန့ၣ်ဆူဒဲအချၢဒီး ဆိၣ်ကဲၤထီၣ်ကွံာ်အီၤဒ်အဆိၣ်ကဲၤဝဲဂီၤဖံးဖါလၢတၢ်လုၢ်မၤ ဘူၣ်လၢအကစၢ်ဒၣ်ဝဲအတၢ်ဒဲးဘးအဂီၢ်အသိးန့ၣ်လီၤ. တၢ်အံၤမ့ၢ်တၢ်ပျၢ်တၢ်ဒဲးဘးအတၢ်လုၢ်လၢပှၤအံၣ်စရ့လးဖိဒီ တဖုအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:10

ဒီးပှၤလုၢ်တၢ်အခိၣ်ကဘၣ်သိးထီၣ်အဆ့ကၤဖှီဝါဖးထီဒီးဖျီၣ်ခံဖှီဝါ, ဒီးကဘၣ်စိာ်ကွံာ်ဖၣ်ဆါလၢအအိၣ်လၢတၢ်လုၢ်လီၢ်အဖီခိၣ်ဒီးပာ် အီၤဖဲတၢ်လုၢ်လီၢ်အကပၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:12

ဒီးမ့ၣ်အူလၢတၢ်လုၢ်လီၢ်ဖီခိၣ်န့ၣ်ကဘၣ်ကဲၤဝဲဒီးတဘၣ်လီၤ ပံာ်နီတဘျီဘၣ်. ပှၤလုၢ်တၢ်အခိၣ်ကဘၣ်ဆိၣ်ကဲၤသ့ၣ်မုၣ်ကိးဂီၤဒဲးဒီး ကျဲၤလီၤတၢ်လုၢ်မ့ၣ်အူဒီးဆိၣ်ကဲၤထီၣ်တၢ်အသိ လၢတၢ်လုၢ်တၢ်မၤဃူမၤဖိးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:20

ဘၣ်ဃးဒီးတၢ်ဖှူပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ် န့ၣ်လီၤ. မုၢ်တနံၤလၢအဒိးဘၣ်တၢ်ဖှူအီၤန့ၣ်, ကဘၣ်ဟဲစိာ်ကိၣ်ကမူၣ်လၢအဂ့ၤတအ့ဖးဆံဆဲၣ်ပူတပူ (ပှဲၤသိးဒီးတနံၤအတၢ် လုၢ်ဘုဧိၤဟုဧိၤ) ဆူယွၤအအိၣ်, တဝာ်န့ၣ်ကဘၣ်လုၢ်ထီၣ်ဝဲလၢမုၢ်ဂီၤဒီးတဝာ်လၢ မုၢ်ဟါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:22

ပှၤလုၢ်တၢ်အခိၣ်အဒိၣ်ကတၢၢ်တဂၤလၢ်လၢ်လၢအလီၤစၢၤလၢစီၤအၤဟရိၣ်န့ၣ်, ကဘၣ်လုၢ်ထီၣ်တၢ်လုၢ်လီၤ. တၢ်လုၢ်အံၤကဘၣ်တၢ်ဆိၣ်ကဲၤကွံာ်အီၤခဲလၢာ်ဒ်တၢ်လုၢ်တၢ်ပာ်ဆူ ယွၤအအိၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:6

ဒီးပှၤပိာ်ခွါတဂၤလၢ်လၢ်လၢပှၤလုၢ်တၢ်အခိၣ်အဒူၣ်ဖိထၢဖိ အပူၤန့ၣ်, ကအီၣ်ဘၣ်ဝဲတၢ်လုၢ်အံၤလၢတၢ်လီၢ်စီဆှံအပူၤလီၤ. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.