လံာ်တၢ်ဘူၣ်ထီၣ်ဘါထီၣ် 5:4 - Sgaw Karen Common Bible

⁴ ပှၤတဂၤဂၤမ့ၢ်ဆိၣ်လီၤအသးချ့သဒံးလၢတၢ်အၢအဂီၢ်မ့ၢ်ဂ့ၤ, တၢ်ဂ့ၤအဂီၢ်မ့ၢ်ဂ့ၤ, လၢတၢ်တပလီၢ်သူၣ်ပလီၢ်သးအပူၤဘၣ်န့ၣ်, တုၤအသ့ၣ်ညါက့ၤဝဲဒီး, အတၢ်ဒဲးဘးအိၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 5:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:7

ဘၣ်ဆၣ်ဒီးမ့ၢ်လၢတၢ်အၢၣ်လီၤစီဆှံလၢအဝဲဒီးစီၤယိနၤသၣ် မၤတ့ၢ်ဝဲလၢတဂၤဒီးတဂၤအဘၢၣ်စၢၤအဃိ, စီၤဒၤဝံးပျဲပူၤဖျဲးစီၤမဖံၤဘိၤၡ့း, လၢအမ့ၢ်စီၤစီလူးအလံၤခွါစီၤယိနၤသၣ်အဖိခွါန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:31

အဝဲကိးထီၣ်ဝဲဒၣ်, “စီၤအလံၤၡါအခိၣ်, မ့ၢ်တဘၣ်တၢ်ဒီၣ်တဲာ် အီၤတချုးမုၢ်တနံၤအံၤလၢာ်ဘၣ်န့ၣ်, မ်ယွၤမၤသံယၤန့ၣ်တ က့ၢ်.”

စံးထီၣ်ပတြၢၤ 106:33

အဝဲသ့ၣ်မ့ၢ်ပှၤမၤကိၢ်မၤဂီၤအဝဲအသးတုၤဒၣ်လဲာ် ဒီးအဝဲကတိၤတၢ်ကတိၤ တအိၣ်ဒီးတၢ်ဆိကမိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:13

ပှၤလုၢ်တၢ်အခိၣ်ကလုၢ်ထီၣ်တၢ်ဒ်သိးအံၤလၢတၢ်လုၢ်တၢ်ပျၢ်တၢ်ဒဲး ဘးလၢပှၤတဂၤအံၤအတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ. ဒီးကိၣ်ကမူၣ်လၢအအိၣ်လီၤတဲာ်န့ၣ်မ့ၢ်ပှၤလုၢ်တၢ်အခိၣ်အတၢ်ဒ်တၢ် အိၣ်လီၤတဲာ်လၢတၢ်လုၢ်ဘုဧိၤဟုဧိၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:3

ပှၤတဂၤဂၤမ့ၢ်ထိးဘၣ်ပှၤအဂၤတဂၤအတၢ်တကဆှီဘၣ်တမံၤမံၤလၢတၢ် တတိာ်သူၣ်ပာ်သးအပူၤဘၣ်ဆၣ်, တုၤအသ့ၣ်ညါက့ၤဝဲန့ၣ်ဒီးအတၢ်ဒဲးဘးအိၣ်ဝဲလီၤ.

လံာ်တၢ်ဂံၢ် 30:6

ဖဲပိာ်မုၣ်တဂၤလၢတအိၣ်ဒီးအဝၤမၤတၢ်ဆိၣ်တမံၤလၢတၢ်ပာ်သူၣ် ပာ်သးလီၤတံၢ်လီၤဆဲးအပူၤမ့ၢ်ဂ့ၤ, လၢတၢ်တပာ်သူၣ်ပာ်သးအပူၤမ့ၢ်ဂ့ၤ, မ့တမ့ၢ်အၢၣ်လီၤအီလီၤဝဲလၢကဟးဆှဲးတၢ်တမံၤမံၤဝံၤဒီး, ဒိးတ့ဒိးဖျီအသးန့ၣ်,

လံာ်တၢ်ဂံၢ် 30:8

ဘၣ်ဆၣ်ဒီးအဝဲအဝၤမ့ၢ်တြီအီၤလၢကမၤလၢထီၣ်ပှဲၤထီၣ်တၢ်ဆိၣ် ဖဲအဝဲနၢ်ဟူဘၣ်တၢ်ဂ့ၢ်န့ၣ်ဒီး, တလိၣ်လၢပိာ်မုၣ်န့ၣ်ကတိၢ်န့ၢ်ဖံးဃာ်အတၢ်အၢၣ်လီၤဘၣ်. ကစၢ်ယွၤကပျၢ်ဖျဲးအီၤလီၤ.

လံာ်မးသဲ 14:7

တုၤဒၣ်လဲာ်အအၢၣ်လီၤအီလီၤအီၤ, အိၣ်ဒီးတၢ်ဆိၣ်လီၤအသးလၢ အကဟ့ၣ်အီၤတၢ်တမံၤလၢ်လၢ်လၢအကဃ့ဝဲန့ၣ်လီၤ.

လံာ်မးသဲ 14:9

စီၤပၤအသးအုး, ဘၣ်ဆၣ်မ့ၢ်လၢအတၢ်အၢၣ်လီၤအီလီၤလၢ အမၤတ့ၢ်ဝဲလၢပှၤသမှံၤတဖၣ်အမဲာ်ညါအဃိ, အဝဲဟ့ၣ်လီၤအကလုၢ်လၢတၢ်ကဟ့ၣ်အီၤတၢ်လၢအဃ့ဝဲန့ၣ်လီၤ.

လံာ်မၢ်ကူး 6:23

အဝဲဆိၣ်လီၤအသးဒီးစံးဝဲ, “တၢ်တမံၤလၢ်လၢ်လၢနဃ့န့ၣ်ယကဟ့ၣ်လီၤနၤပၢၢ်တုၤလၢယဘီယမုၢ် တဝာ်ဒၣ်လဲာ်လီၤ.”

မၤတၢ် 23:12

မုၢ်ဆ့ၣ်ထီၣ်တနံၤန့ၣ်, ပှၤယူဒၤဖိတနီၤပာ်ဖှိၣ်ထီၣ်သကိးအသးဒီးကူၣ်ထီၣ်ဖးလီၤ တၢ်တမံၤလီၤ. အဝဲသ့ၣ်ဆိၣ်လီၤအသးလၢမ့ၢ်တမၤသံဘၣ်စီၤပီလူးဘၣ်ဒီး တအီၣ်တၢ်အီတၢ်နီတမံၤဘၣ်လီၤ.

လံာ်စီၤယိၤၡူ 2:14

ဒီးပှၤတဖၣ်န့ၣ်စံးဘၣ်အီၤ, “ပမ့ၢ်တမၤဒ်ပစံးအသိးဘၣ်ဒီး, မ်ကစၢ်ယွၤဟံးထီၣ်ကွံာ်ပသးသမူတဖၣ်တက့ၢ်. တၢ်လၢပမၤအံၤန့ၣ်နမ့ၢ်တတဲပှၤနီတဂၤဘၣ်ဒီး, ပအၢၣ်လီၤနၤလၢဖဲယွၤဟ့ၣ်လီၤပှၤကီၢ်အံၤန့ၣ်, ပကမၤနၤဂ့ၤဂ့ၤဒီးတီတီန့ၣ်လီၤ.”

လံာ်စီၤယိၤၡူ 9:15

ဒီးစီၤယိၤၡူမၤတၢ်ဃူတၢ်ဖိးအတၢ်အၢၣ်လီၤအီလီၤဒီးအဝဲ သ့ၣ်လၢအကပျဲအဝဲသ့ၣ်အိၣ်မူအဂီၢ်န့ၣ်လီၤ. ဒီးပှၤအံၣ်စရ့လးဖိအခိၣ်အနၢ်တဖၣ်ဆိၣ်လီၤအသးလၢအကဟံးဃာ် ဂၢၢ်ကျၢၤတၢ်အၢၣ်လီၤအီလီၤအံၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:31

ယကလုၢ်ထီၣ်ပှၤအဆိကတၢၢ်တဂၤလၢအဟဲထီၣ်လၢယဟံၣ်ပူၤဒ်သိး အကသဂၢၢ်ယၤဖဲယဟဲက့ၤလၢတၢ်မၤနၢၤအကတီၢ်န့ၣ်လီၤ. ယကလုၢ်ထီၣ်ပှၤတဂၤန့ၣ်ဆူနအိၣ်ဒ်တၢ်လုၢ်တၢ်ပာ်အသိးန့ၣ်လီၤ.”

လံာ်ပှၤစံၣ်ညီၣ်ကွီၢ် 21:18

ဘၣ်ဆၣ်ဒီးပပျဲအဝဲသ့ၣ်ထီၣ်ပှၢ်ဒီးပဖိမုၣ်တဖၣ်တသ့ဘၣ်. အဂ့ၢ်ဒ်အံၤ, ပပာ်တၢ်ဆိၣ်အၢလၢပှၤတဂၤလၢ်လၢ်အလိၤလၢအပျဲပှၤဘံၣ်ယၤမံၣ်ဖိထီၣ်ပှၢ်ဒီး ပဖိမုၣ်တဂၤဂၤန့ၣ်လီၤ.”

လံာ်ပှၤစံၣ်ညီၣ်ကွီၢ် 21:7

လၢပကဃုန့ၢ်မါလၢဘံၣ်ယၤမံၣ်ဖိအိၣ်လီၤတဲာ်တဖၣ်အဂီၢ်န့ၣ် ပကမၤဒ်လဲၣ်. ပအၢၣ်လီၤတ့ၢ်တၢ်ဒီးယွၤလၢပကဟ့ၣ်အဝဲသ့ၣ်လၢပဖိမုၣ်နီတဂၤဘၣ်.”

လံာ်ပှၤစံၣ်ညီၣ်ကွီၢ် 9:19

ဒီးခဲကနံၣ်အံၤတၢ်လၢသုမၤစီၤကံးဒဧိၣ်ဒီးအဒူၣ်ဖိထၢဖိ လၢမုၢ်မဆါတနံၤအံၤန့ၣ်မ့မ့ၢ်စဲဃဲၤလၢတၢ်သူၣ်တီသးလိၤအပူၤဒီး မ်သုသးခုဃုာ်ဒီးစီၤအဘံၤမ့လ့းဒီးမ်အဝဲသးခုဃုာ်ဒီးသုတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 1:11

နီၢ်ဃးနၤမၤတၢ်အၢၣ်လီၤအီၤလီၤတၢ်သညူးသပှၢ်တမံၤန့ၣ်လီၤ. “ယွၤသ့တၢ်လၢာ်ဧၢ, ကွၢ်လီၤယၤနကုၢ်အံၤတက့ၢ်. ထံၣ်ယတၢ်ကိၢ်တၢ်ဂီၤဒီးသ့ၣ်နီၣ်ထီၣ်က့ၤယၤတက့ၢ်. သးပ့ၤနီၣ်ယၤတဂ့ၤ. နမ့ၢ်ဟ့ၣ်ယၤလၢဖိခွါတဂၤဒီးယအၢၣ်လီၤ နၤလၢယကပာ်စီဆှံအီၤဆူနအိၣ်လၢအသးသမူတစိၤဒီးအခိၣ်သူ တဘၣ်တၢ်ကူးတဲာ်အီၤနီတစုဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 25:22

တချုးမုၢ်ဆ့ၣ်ထီၣ်အံၤန့ၣ်ယမ့ၢ်တမၤသံဘၣ်ပှၤပိာ်ခွါတဖၣ်အံၤ တုၤလၢအလီၢ်ခံကတၢၢ်တဂၤဘၣ်ဒီး မ်ကစၢ်ယွၤတီၢ်ယၤတုၤယသံတက့ၢ်.”