လံာ်တၢ်ဘူၣ်ထီၣ်ဘါထီၣ် 5:2 - Sgaw Karen Common Bible

² ပှၤတဂၤဂၤမ့ၢ်ထိးဘၣ်တၢ်တကဆှီတ့ၢ်တမံၤမံၤဒ်ဆၣ်ဖိကီၢ်ဖိ အမံၤတကဆှီဘၣ်တဒုအသံစိၣ်, မ့တမ့ၢ်ဆၣ်ဖိကီၢ်ဖိအဒၢတက ဆှီဘၣ်တဒုအသံစိၣ်မ့ၢ်ဂ့ၤ, တၢ်အစွါအစွဲတဖၣ်လၢအတကဆှီ ဘၣ်အစိၣ်မ့ၢ်ဂ့ၤလၢတၢ်တတိာ်သူၣ်ပာ်သးအပူၤန့ၣ်ဒီး, အဝဲကဲထီၣ်ဝဲတၢ်တကဆှီဘၣ်ဒီးအတၢ်ဒဲးဘးအိၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 5:2 Iomraidhean Croise

စံးထီၣ်ပတြၢၤ 19:12

ပှၤထံၣ်သ့ၣ်ညါအတၢ်ကမၣ်ဒၣ်ဝဲ တသ့နီတဂၤဘၣ်. ယွၤဧၢ, မၤကဆှီယၤလၢ တၢ်ကမၣ်ခူသူၣ်တဖၣ်န့ၣ်တက့ၢ်.

လံာ်ယၡါယၤ 52:11

ဟးထီၣ်ကွံာ်သပှၢ်ကတၢၢ်လၢကီၢ်ဘၤဘူၤလိၣ်, သုဝဲလၢအဝံစိာ်တၢ်လုၢ်ဟံၣ်အပီးအလီသ့ၣ်ဧၢ, တၢ်လၢတၢ်တြီအီၤတဖၣ်န့ၣ်ထိးအီၤနီတမံၤတဂ့ၤ. ပာ်စီပာ်ဆှံသုသးဒီးဟးထီၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 11:11

တၢ်ဘၣ်တ့ဒ်သိးအံၤတဖၣ်န့ၣ်ကဘၣ်တၢ်ပာ်အီၤလၢအတက ဆှီဘၣ်န့ၣ်လီၤ. သုတဘၣ်အီၣ်အီၤဒီးထိးဘၣ်ဒၣ်လဲာ်အစိၣ်န့ၣ် ဘၣ်.

လံာ်တၢ်ဘူၣ်ထီၣ်ဘါထီၣ် 11:8

ဆၣ်ဖိကီၢ်ဖိတဖၣ်အံၤအီၣ်အီၤတဂ့ၤ. ဒီးထိးဘၣ်ဒၣ်လဲာ်အစိၣ်တဂ့ၤ. အဂ့ၢ်ဒ်အံၤ, အဝဲသ့ၣ်န့ၣ်တကဆှီဘၣ်လၢသုဂီၢ်အဃိလီၤ.

လံာ်တၢ်ဘူၣ်ထီၣ်ဘါထီၣ် 4:13

ပှၤအံၣ်စရ့လးဖိဒီတဖုမ့ၢ်မၤဘၣ်တၢ်ဒဲးဘးဒီးကဲထီၣ်တၢ် ခီပတာ်ယွၤအတၢ်မၤလိာ်တထံၣ်ထံၣ်လၢတၢ်တတိာ်သူၣ်ပာ်သးအပူၤ,

လံာ်တၢ်ဘူၣ်ထီၣ်ဘါထီၣ် 5:17

ပှၤတဂၤမ့ၢ်မၤတၢ်ဒဲးဘးလၢတၢ်တတိာ်သူၣ်ပာ်သးအပူၤခီဖျိတၢ် လဲၤခီပတာ်ယွၤအတၢ်မၤလိာ်တမံၤလၢ်လၢ်န့ၣ်, အတၢ်ကမၣ်အိၣ်ဒီးကဘၣ်တူၢ်အတၢ်ကမၣ်ဒၣ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:3

ပှၤတဂၤဂၤမ့ၢ်ထိးဘၣ်ပှၤအဂၤတဂၤအတၢ်တကဆှီဘၣ်တမံၤမံၤလၢတၢ် တတိာ်သူၣ်ပာ်သးအပူၤဘၣ်ဆၣ်, တုၤအသ့ၣ်ညါက့ၤဝဲန့ၣ်ဒီးအတၢ်ဒဲးဘးအိၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 5:4

ပှၤတဂၤဂၤမ့ၢ်ဆိၣ်လီၤအသးချ့သဒံးလၢတၢ်အၢအဂီၢ်မ့ၢ်ဂ့ၤ, တၢ်ဂ့ၤအဂီၢ်မ့ၢ်ဂ့ၤ, လၢတၢ်တပလီၢ်သူၣ်ပလီၢ်သးအပူၤဘၣ်န့ၣ်, တုၤအသ့ၣ်ညါက့ၤဝဲဒီး, အတၢ်ဒဲးဘးအိၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 7:21

ဒ်န့ၣ်အသိး, ပှၤတဂၤလၢ်လၢ်လၢအထိးဘၣ်တ့ၢ်လံတၢ်တ ကဆှီဘၣ်လၢပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ, တၢ်တကဆှီဘၣ်ထီရီၤတမံၤမံၤ ဒီးအီၣ်တၢ်လုၢ်မၤဃူမၤဖိးအတၢ်ညၣ်န့ၣ်, ကဘၣ်တၢ်ပာ်အီၤဒ်ပှၤ တမ့ၢ်လၢၤဘၣ်ယွၤအပှၤဂီၢ်မုၢ်အကျါတဂၤန့ၣ်လီၤ.

လံာ်ဃးကဲ 2:13

ဒီးစီၤဃးကဲသံကွၢ်ဝဲ, “ပစံးဒၣ်ကလိာ်, ပှၤတဂၤကဲထီၣ်ကွံာ်ပှၤတကဆှီဘၣ်မ့ၢ်လၢအထိး ဘၣ်ပှၤသံစိၣ်တဂၤအဃိလီၤ. အဝဲမ့ၢ်ထိးဘၣ်တၢ်အီၣ်တဖၣ်အံၤတမံၤမံၤန့ၣ်, တၢ်န့ၣ်ကဒုးကဲထီၣ်တၢ်အီၣ်တဖၣ်န့ၣ်လၢတၢ်တကဆှီဘၣ်စ့ၢ်ကီးဧါ.” ပှၤလုၢ်တၢ်အခိၣ်တဖၣ်စံးဆၢဝဲ, “မ့ၢ်လီၤ.”

လံာ်တၢ်ဂံၢ် 19:22

တၢ်တမံၤလၢ်လၢ်လၢပှၤတကဆှီဘၣ်တဂၤထိးဘၣ်ဝဲန့ၣ်ကဲထီၣ်တၢ် တကဆှီဘၣ်ဒီးပှၤတဂၤလၢ်လၢ်လၢအထိးဘၣ်တၢ်န့ၣ်ကဲထီၣ်တၢ် တကဆှီဘၣ်တုၤမုၢ်ဟါအကတီၢ်န့ၣ်လီၤ.

လံာ်လူၤကၣ် 11:44

သုဘၣ်အဖှီၣ်ဆံးဒိၣ်လဲၣ်. သုလီၤဂာ်ဒီးတၢ်သွၣ်ခိၣ်လၢ အတဘၣ်တၢ်မၤနီၣ်မၤဃါအီၤတဖၣ်, လၢပှၤကညီဟးလၢအဖီခိၣ်ဒီးတသ့ၣ်ညါဝဲဘၣ်န့ၣ်လီၤ.”

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.

လံာ်သိၣ်လီၤသီလီၤတၢ် 14:8

အီၣ်ထိးတဖၣ်တဂ့ၤ. တၢ်ကဘၣ်ပာ်အီၤဒ်တၢ်တကဆှီဘၣ်အသိးန့ၣ် လီၤ. အဝဲသ့ၣ်အခီၣ်မ့ၣ်တဖၣ်သ့ၣ်ဖးဘၣ်ဆၣ်တဂံာ်အဆၣ်လၢအကလိာ်ထီၣ်ဝဲ န့ၣ်ဘၣ်. ဆၣ်ဖိကီၢ်ဖိတဖၣ်အံၤအီၣ်အီၤနီတဒုမ့ၢ်ဂ့ၤထိးဘၣ်အစိၣ်တဖၣ် မ့ၢ်ဂ့ၤဒၣ်လဲာ်န့ၣ်တဂ့ၤ.