လံာ်တၢ်ဘူၣ်ထီၣ်ဘါထီၣ် 5:16 - Sgaw Karen Common Bible

¹⁶ ဒီးကဘၣ်ဟ့ၣ်အါထီၣ်စ့ၢ်ကီးဝဲတၢ်အပှ့ၤယဲၢ်ပူတပူလၢတၢ်ဟ့ၣ် ဆၢက့ၤအပှ့ၤအဖီခိၣ်လီၤ. ဒီးကဘၣ်ဟ့ၣ်ဝဲဆူပှၤလုၢ်တၢ်အခိၣ်အအိၣ်ဒီးပှၤလုၢ်တၢ်အခိၣ် ကလုၢ်ထီၣ်သိဖါတဒုမ့တမ့ၢ်မဲာ်တဲးလဲးဖါတဒုန့ၣ်လၢတၢ်လုၢ် တၢ်ကမၣ်အဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 5:16 Iomraidhean Croise

စံးထီၣ်ပတြၢၤ 69:4

ပှၤလၢအသးဟ့ယၤကလီကလီတဖၣ်န့ၣ် အိၣ်ဝဲအါန့ၢ်ယခိၣ်သူအဘိတက့ၢ်လီၤ. ပှၤလၢကမၤဟးဂီၤယၤ, ပှၤလၢအထီဒါယၤ လၢတၢ်လီတၢ်ဝ့ၤအပူၤတဖၣ်န့ၣ် အိၣ်ဝဲအါမးန့ၣ်လီၤ. အဝဲသ့ၣ်မၢ ယဟ့ၣ်ကဒါက့ၤတၢ်လၢ ယတဟုၣ်န့ၢ်အီၤဘၣ်လီၤ.

လံာ်တၢ်ဟးထီၣ်ကွံာ် 22:1

ပှၤတဂၤမ့ၢ်ဟုၣ်န့ၢ်ကျီၢ်မိၢ်တဒုမ့ၢ်ဂ့ၤ, သိတဒုမ့ၢ်ဂ့ၤဒီး မၤသံအီၤမ့ၢ်ဂ့ၤ, ဆါကွံာ်အီၤမ့ၢ်ဂ့ၤန့ၣ်အဝဲကဘၣ်ဟ့ၣ်က့ၤကျီၢ် မိၢ်ယဲၢ်ဒုလၢကျီၢ်မိၢ်တဒုအဂီၢ်ဒီးသိလွံၢ်ဒုလၢသိတဒု အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 22:14

ပှၤတဂၤလၢ်လၢ်လၢအတမ့ၢ်ဘၣ်ပှၤလုၢ်တၢ်အခိၣ်အဒူၣ်ဖိ ထၢဖိမ့ၢ်အီၣ်ဘၣ်တၢ်လုၢ်စီဆှံလၢတၢ်တပာ်သူၣ်ပာ်သးအပူၤန့ၣ်, ကဘၣ်လိးက့ၤဝဲတၢ်အပှ့ၤခဲလၢာ်ဃုာ်ဒီးအပှ့ၤယဲၢ်ပူတပူဆူ ပှၤလုၢ်တၢ်အခိၣ်အအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:13

ပှၤတဂၤန့ၣ်မ့ၢ်သးအိၣ်ပှ့ၤကဒါက့ၤဆၣ်ဖိကီၢ်ဖိတဒုန့ၣ်, ကဘၣ်ဟ့ၣ်ဝဲဆၣ်ဖိကီၢ်ဖိတဒုန့ၣ်အပှ့ၤဃုာ်ဒီးအပှ့ၤပာ်ဖှိၣ်အါ ထီၣ်ခံဆံမျးကယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:15

ဒီးပှၤတဂၤလၢအပာ်စီဆှံအဟံၣ်န့ၣ်မ့ၢ်သးအိၣ်ပှ့ၤကဒါက့ၤဝဲ အဟံၣ်န့ၣ်ကဘၣ်ဟ့ၣ်ဝဲဟံၣ်န့ၣ်အပှ့ၤဃုာ်ဒီးအပှ့ၤခံဆံမျးကယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:27

ဘၣ်ဆၣ်ဒီးဆၣ်ဖိကီၢ်ဖိလၢအတကဆှီဘၣ်တ ဒုအဖိဝဲၢ်ကိန့ၣ်ဘၣ်တၢ်ပှ့ၤက့ၤအီၤသ့ဝဲဒ်စ့အနီၣ်ထိၣ်အိၣ် ဝဲအသိးအမဲာ်ညါကဘၣ်ဟ့ၣ်အါထီၣ်ဝဲခံဆံမျးကယၤန့ၣ်လီၤ. မ့ၢ်တဘၣ်တၢ်ပှ့ၤက့ၤအီၤန့ၣ်ဒီးကဘၣ်တၢ်ဆါလီၤကွံာ်အီၤဆူ ပှၤတဂၤဂၤဒ်စ့အနီၣ်ထိၣ်အိၣ်ဝဲဒၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:31

ဒီးပှၤမ့ၢ်သးအိၣ်ပှ့ၤက့ၤအီၤန့ၣ်ကဘၣ်ဟ့ၣ် တၢ်အပှ့ၤဒ်စ့အနီၣ်ထိၣ်အိၣ်ဝဲအသိးအမဲာ်ညါကဘၣ် ဟ့ၣ်အါထီၣ်ဝဲခံဆံမျးကယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:20

ဒီးကဘၣ်မၤဂီၤဖံးဖါတဒုအံၤဒ်အမၤဝဲဂီၤဖံးဖါလၢတၢ်ပျၢ် တၢ်ဒဲးဘးအတၢ်လုၢ်အဂီၢ်အသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပာ်လၢပှၤအံၣ်စရ့လးဖိဒီတဖုအတၢ်ဒဲး ဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:26

ဒီးတၢ်အသိခဲလၢာ်န့ၣ်ကဘၣ်ဆိၣ်ကဲၤဝဲလၢတၢ်လုၢ်လီၢ်အဖီ ခိၣ်ဒ်တၢ်အသိလၢတၢ်လုၢ်တၢ်မၤဃူမၤဖိးအဂီၢ်အသိးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤပၢတၢ် တဂၤန့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 5:10

အန့ၣ်ဝံၤဒီးကဘၣ်လုၢ်ထီၣ်ဝဲထိၣ်ခံဘ့ၣ်တဘ့ၣ်လၢတၢ်လုၢ်မ့ၣ်အူ ဒ်တၢ်သိၣ်တၢ်ဘျၢအိၣ်ဝဲအသိးန့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အတၢ်ဒဲးဘးလၢအမၤတ့ၢ်ဝဲအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:13

ပှၤလုၢ်တၢ်အခိၣ်ကလုၢ်ထီၣ်တၢ်ဒ်သိးအံၤလၢတၢ်လုၢ်တၢ်ပျၢ်တၢ်ဒဲး ဘးလၢပှၤတဂၤအံၤအတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ. ဒီးကိၣ်ကမူၣ်လၢအအိၣ်လီၤတဲာ်န့ၣ်မ့ၢ်ပှၤလုၢ်တၢ်အခိၣ်အတၢ်ဒ်တၢ် အိၣ်လီၤတဲာ်လၢတၢ်လုၢ်ဘုဧိၤဟုဧိၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:6

ဒီးကဘၣ်ဟဲစိာ်သိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤ, အမိၢ်တဒု လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဆူယွၤအအိၣ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အဂီၢ်ဒီးအတၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:2

ဆၣ်ဖိကီၢ်ဖိလၢတၢ်လုၢ်အံၤအဂီၢ်န့ၣ်, ကဘၣ်တၢ်မၤသံအီၤလၢတၢ် လုၢ်လီၢ်အကလံၤစိးတကပၤ, ဖဲတၢ်မၤသံဆၣ်ဖိ ကီၢ်ဖိလၢတၢ်လုၢ်မ့ၣ်အူအဂီၢ်အလီၢ်န့ၣ်လီၤ. ဒီးတၢ်အသွံၣ်တဖၣ်န့ၣ်ကဘၣ်တၢ်လူလီၤဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဂံၢ် 5:7

အဝဲကဘၣ်အၢၣ်လီၤအတၢ်ကမၣ်ဒီးလိးက့ၤတၢ်အလၢအပှဲၤဃုာ်ဒီးတၢ် ပာ်ဖှိၣ်အါထီၣ်မျးကယၤခံဆံဒီးဟ့ၣ်လီၤအီၤဆူပှၤလၢအမၤကမၣ်ဘၣ် တ့ၢ်ဝဲတဂၤအအိၣ်န့ၣ်လီၤ.

လံာ်တၢ်ဂံၢ် 5:8

ဘၣ်ဆၣ်ဒီးပှၤတဂၤန့ၣ်မ့ၢ်သံဝဲဒီးအဘူးအတံၢ်တအိၣ်နီတဂၤလၢ တၢ်ဟ့ၣ်အီၤတၢ်လိးက့ၤကသ့န့ၣ်တၢ်လိးက့ၤကဘၣ်တၢ်ဟ့ၣ်အီၤဆူ ယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်န့ၣ်လီၤ. တၢ်လိးက့ၤအံၤတၢ်ကဘၣ်တၢ်ပာ်ဖှိၣ်အါထီၣ်အီၤဒီးသိဖါလၢကဘၣ် တၢ်သူအီၤလၢတၢ်မၤတၢ်ဘူၣ်တၢ်ဘါအလုၢ်အလီၢ်အတၢ်မၤကဆှီထီၣ် က့ၤလၢပှၤတဂၤန့ၣ်အတၢ်ကမၣ်အဂီၢ်န့ၣ်လီၤ.

လံာ်လူၤကၣ် 19:8

စီၤစးဃဲဂဲၤဆၢထၢၣ်ဒီးစံးဘၣ်ကစၢ်, “ကနၣ်တက့ၢ်, ကစၢ်ဧၢ, ယတၢ်စုလီၢ်ခီၣ်ခိၣ်လၢအအိၣ်ဒီးယၤတဝာ်န့ၣ်ယကဟ့ၣ်လီၤ ယဲဆူပှၤဖှီၣ်ဖိယာ်ဖိအအိၣ်လီၤ. ဒီးယမ့ၢ်အီၣ်ကဘျံးအီၣ်ကဘျၣ်ပှၤတဂၤဂၤအတၢ်ဖိတၢ်လံၤန့ၣ်, ယကဟ့ၣ်ကဒါက့ၤအီၤလွံၢ်စးလီၤ.”

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:3

အဝဲသ့ၣ်စံးဆၢဝဲဒၣ်, “သုမ့ၢ်ဆှၢက့ၤကီၢ်အံၣ်စရ့လးအကစၢ် ယွၤအတလါစီဆှံဒီးအလီၢ်အိၣ်ဝဲလၢသုကဘၣ်ဟ့ၣ်ဃုာ်ဒီး တၢ်ဟ့ၣ်ကနၢၤတမံၤဆူအအိၣ်သပှၢ်ကတၢၢ်လၢ တၢ်လိးက့ၤသုတၢ်ဒဲးဘးအဂီၢ် လီၤ. ယွၤအတၢ်အၢၣ်လီၤအီလီၤအတလါစီဆှံန့ၣ်တၢ်ဟ့ၣ်ကနၢၤမ့ၢ် တအိၣ်နီတမံၤဒီး တဘၣ်က့ၤကဒါက့ၤဝဲဘၣ်. လၢကျဲဒ်အံၤန့ၣ်သု ကဘၣ်တၢ်မၤဘျါက့ၤသုဒီးသုကနၢ်ပၢၢ်လၢဘၣ်မနုၤအဃိအဝဲစံၣ်ညီၣ် သုတဘိယူာ်ဃီလဲၣ်အဂ့ၢ်န့ၣ်လီၤ.”