လံာ်တၢ်ဘူၣ်ထီၣ်ဘါထီၣ် 5:15 - Sgaw Karen Common Bible

¹⁵ ပှၤတဂၤဂၤမ့ၢ်မၤဘၣ်တၢ်ဒဲးဘးလၢတၢ်တတိာ်သူၣ်ပာ်သးအပူၤခီ ဖျိတၢ်တဟ့ၣ်ဆၢက့ၤတၢ်လၢအစီဝဲဆှံဝဲလၢယွၤအမဲာ်ညါန့ၣ်, ကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢမဲၣ်သူ မဲၣ်ဂီၤတအိၣ်ဘၣ်ဒ်တၢ်ဟ့ၣ်ဆၢက့ၤအသိးလၢတၢ်လုၢ်တၢ်ပျၢ်တၢ်ကမၣ် ဆူယွၤအအိၣ်, ဒီးတၢ်ကပာ်အပှ့ၤအနီၣ်ထိၣ်အိၣ်ဝဲအသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ကမၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:15 Iomraidhean Croise

လံာ်စီၤပၤခံဘ့ၣ်တဘ့ၣ် 12:16

စ့လၢအဘၣ်တၢ်ဟ့ၣ်အီၤလၢတၢ်မၤကမၣ်တၢ်အဂီၢ်ဒီးလၢတၢ်မၤတၢ် ဒဲးဘးအဂီၢ်န့ၣ်တဘၣ်တၢ်ဒၢနုာ်လီၤအီၤဆူတလါအပူၤဘၣ်. တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အတၢ်န့ၣ်လီၤ.

လံာ်စီၤဧ့စြၤ 10:19

အဝဲသ့ၣ်အၢၣ်လီၤအီလီၤတ့ၢ်အသးလၢကပာ်မၢ်ကွံာ်အမါတဖၣ်ဒီး အဝဲသ့ၣ်လုၢ်ထီၣ်သိဖါတဒုဒ်တၢ်လုၢ်တၢ်ပာ်တမံၤလၢအဝဲသ့ၣ် အတၢ်ဒဲးဘးအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 30:13

ပှၤကိးဂၤဒဲးလၢဘၣ်တၢ်ဂံၢ်ဃုာ်အီၤလၢတၢ်ထၢဖှိၣ်နီၣ်ဂံၢ်အတၢ် ကွဲးနီၣ်အပူၤန့ၣ်ကဘၣ်ဟ့ၣ်စ့ဒ်တၢ်လီၤဘၣ်အီၤအသိးဒ်တၢ်လုၢ် ဟံၣ်အခိၣ်အနၢ်တဖၣ်ပာ်လီၤဝဲအနီၣ်ထိၣ်အသိးန့ၣ်လီၤ. ပှၤကိးဂၤဒဲးကဘၣ်ဟ့ၣ်စ့အဝဲအံၤဒ်တၢ်လုၢ်မၤဘူၣ်ဆူယအိၣ်န့ၣ်လီၤ.

လံာ်ယဃ့းစက့လး 40:39

လၢကျဲစၢၤထံးဒၢးအံၤအပူၤန့ၣ်, စီၢ်နီၤခိၣ်အိၣ်ဝဲလွံၢ်ဖျၢၣ်, ခံဖျၢၣ်စုာ် စုာ်လၢဒၢးပူၤတခီတကပၤန့ၣ်လီၤ. လၢစီၢ်နီၤခိၣ်တဖၣ်အံၤအလိၤန့ၣ်, အဝဲသ့ၣ်မၤသံဆၣ်ဖိကီၢ်ဖိတဖၣ်လၢတၢ်ကလုၢ်ထီၣ်အီၤဒ်တၢ် လုၢ်တၢ်ပာ်တဖၣ်အသိး, လၢတၢ်လုၢ်ဆိၣ်ကဲၤအီၤဒီဒုတဖၣ်အ ဂီၢ်မ့ၢ်ဂ့ၤလၢတၢ်လုၢ်လၢတၢ်ပျၢ်တၢ်ဒဲးဘးတဖၣ်အဂီၢ်မ့ၢ်ဂ့ၤ, တၢ်လုၢ်လၢတၢ်ပျၢ်တၢ်ကမၣ်တဖၣ်အဂီၢ်မ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:10

ဒီးပှၤတဂၤအံၤမ့ၢ်လုၢ်ထီၣ်အသိ, မ့တမ့ၢ်အမဲာ်တဲးလဲးအကျါတဒုန့ၣ်, ကဘၣ်မ့ၢ်အဖါလၢမဲၣ်သူမဲၣ် ဂီၤတအိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:12

ဒီးပှၤလုၢ်တၢ်အခိၣ်ကဟံးန့ၢ်သိဖါဖိတဒုဃုာ်ဒီး သိတလိာ်လၢကဘၣ်လုၢ်ထီၣ်ဝဲဒ်တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ် ကမၣ်အဂီၢ်န့ၣ်လီၤ. ဒီးကလုၢ်ထီၣ်ဝဲဆူယွၤအအိၣ်ဒ်တၢ်ဟ့ၣ်လီၤဆီ တမံၤလၢပှၤလုၢ်တၢ်အခိၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:3

ပှၤပိာ်ခွါလၢအသးအိၣ်အနံၣ်ခံဆံတုၤလၢဃုဆံန့ၣ်နဘၣ်ပာ်အပှ့ၤလၢ ၡက့လးယဲၢ်ဆံန့ၣ်လီၤ. ဒီးမ့မ့ၢ်ပိာ်မုၣ်န့ၣ်နဘၣ်ပာ်အပှ့ၤလၢၡက့လး သၢဆံန့ၣ်လီၤ. ပှၤပိာ်ခွါသးစၢ်လၢအသးအိၣ်ယဲၢ်နံၣ်တုၤလၢအနံၣ်ခံဆံန့ၣ် နဘၣ်ပာ်အပှ့ၤလၢၡက့လးခံဆံန့ၣ်လီၤ. ဒီးမ့မ့ၢ်ပိာ်မုၣ်သးစၢ်န့ၣ်နဘၣ်ပာ်အပှ့ၤ လၢၡက့လးတဆံန့ၣ်လီၤ. ပှၤပိာ်ခွါဖိလၢအသးအိၣ်တလါတုၤလၢယဲၢ်နံၣ်န့ၣ်နဘၣ်ပာ်အပှ့ၤ လၢစ့ယဲၢ်ၡက့လးန့ၣ်လီၤ. ဒီးမ့မ့ၢ်ပိာ်မုၣ်ဖိန့ၣ်နဘၣ်ပာ်အပှ့ၤလၢစ့သၢၡက့လးန့ၣ်လီၤ. ပှၤပိာ်ခွါလၢအသးအိၣ်အနံၣ်ဃု ဆံဆူအဖီခိၣ်န့ၣ်နဘၣ်ပာ်အပှ့ၤလၢစ့တဆံယဲၢ်ၡက့လးန့ၣ်လီၤ. ဒီးမ့မ့ၢ်ပိာ်မုၣ်န့ၣ်နဘၣ်ပာ်အပှ့ၤလၢစ့တဆံၡက့လး န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:14

ယွၤဟ့ၣ်လီၤစီၤမိၤၡ့လၢတၢ်သိၣ်တၢ်ဘျၢတဖၣ်ဒ်လၢလာ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:16

ဒီးကဘၣ်ဟ့ၣ်အါထီၣ်စ့ၢ်ကီးဝဲတၢ်အပှ့ၤယဲၢ်ပူတပူလၢတၢ်ဟ့ၣ် ဆၢက့ၤအပှ့ၤအဖီခိၣ်လီၤ. ဒီးကဘၣ်ဟ့ၣ်ဝဲဆူပှၤလုၢ်တၢ်အခိၣ်အအိၣ်ဒီးပှၤလုၢ်တၢ်အခိၣ် ကလုၢ်ထီၣ်သိဖါတဒုမ့တမ့ၢ်မဲာ်တဲးလဲးဖါတဒုန့ၣ်လၢတၢ်လုၢ် တၢ်ကမၣ်အဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 5:18

ဒီးကဘၣ်ဟဲစိာ်ဝဲသိဖါတဒု မ့တမ့ၢ်မဲာ်တဲးလဲးဖါတဒုလၢမဲၣ်သူမဲၣ်ဂီၤတအိၣ်ဘၣ်, ဒ်တၢ်ဟ့ၣ်ဆၢက့ၤအသိးဆူပှၤလုၢ်တၢ်အခိၣ်အအိၣ်န့ၣ်လီၤ. ဒီးအပှ့ၤအနီၣ်ထိၣ်တၢ်ပာ်ကအီၤ ဒ်တၢ်လုၢ်တၢ်ပာ်အလုၢ်အပှ့ၤကဘၣ်အိၣ်ဝဲအသိးလၢတၢ်လုၢ်တၢ်ပျၢ်တၢ်ကမၣ် လၢအမၤဘၣ်ဝဲ လၢတၢ်တတိာ်သူၣ်ပာ်သးအပူၤအဂီၢ်ဒီးအတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 6:6

ဒီးကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢ မဲၣ်သူမဲၣ်ဂီၤတအိၣ်ဘၣ်ဒ်တၢ်လုၢ်တၢ်ပာ်အလုၢ်အပှ့ၤအိၣ်ဝဲအသိး ဆူပှၤလုၢ်တၢ်အခိၣ်အအိၣ်လၢတၢ်ဟ့ၣ်ဆၢက့ၤအတၢ်လုၢ်တၢ်ပျၢ်တၢ် ကမၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 7:1

တၢ်သိၣ်တၢ်ဘျၢဘၣ်ဃးဒီးတၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ်ကမၣ် လၢအစီဆှံဝဲဒိၣ်မးအဂီၢ်န့ၣ်, မ့ၢ်ဒ်လာ်အံၤအသိးလီၤ.

လံာ်တၢ်ဘူၣ်ထီၣ်ဘါထီၣ် 7:6

ဒီးပှၤပိာ်ခွါတဂၤလၢ်လၢ်လၢပှၤလုၢ်တၢ်အခိၣ်အဒူၣ်ဖိထၢဖိ အပူၤန့ၣ်, ကအီၣ်ဘၣ်ဝဲတၢ်လုၢ်အံၤလၢတၢ်လီၢ်စီဆှံအပူၤလီၤ. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်တၢ်ဂံၢ် 15:24

လၢကမျၢၢ်ဒီဒူၣ်တပာ်သူၣ်ပာ်သးအဃိဒီး, တၢ်ကမူၤကမၣ်မ့ၢ်မၤဘၣ် ဖုးအသးန့ၣ်, အဝဲသ့ၣ်ကဘၣ်လုၢ်ထီၣ်ဂီၤဖံးဖါတဒုဒ်တၢ်လုၢ်မ့ၣ်အူလၢ အသိး, တၢ်နၢမူလၢအဘၣ်ယွၤအသး, ဃုာ်ဒီးတၢ်လုၢ်ဘုဧိၤဟုဧိၤဒီးတၢ်လုၢ်စပံးထံလီၤတံၢ်လီၤ ဆဲးန့ၣ်လီၤ. လၢန့ၣ်အမဲာ်ညါ, အဝဲသ့ၣ်ကဘၣ်လုၢ်စ့ၢ်ကီးမဲာ်တဲးလဲးဖါတဒုဒ် တၢ်လုၢ်တၢ်ပျၢ်တၢ်ဒဲးဘးအသိးန့ၣ်လီၤ.

လံာ်တၢ်ဂံၢ် 5:5

ယွၤဟ့ၣ်လီၤစီၤမိၤၡ့လၢ, တၢ်မၤလိာ်တဖၣ်လၢအံၣ်စရ့လးအပှၤဂီၢ်မုၢ်အဂီၢ်ဒ်အဖီလာ်အံၤ အသိးန့ၣ်လီၤ. ဖဲပှၤတဂၤဂၤအသးတတီဒီးယွၤဒီးမၤကမၣ်တၢ်ထီဒါအပှၤအဂၤတဂၤ န့ၣ်,

လံာ်တၢ်ဂံၢ် 5:8

ဘၣ်ဆၣ်ဒီးပှၤတဂၤန့ၣ်မ့ၢ်သံဝဲဒီးအဘူးအတံၢ်တအိၣ်နီတဂၤလၢ တၢ်ဟ့ၣ်အီၤတၢ်လိးက့ၤကသ့န့ၣ်တၢ်လိးက့ၤကဘၣ်တၢ်ဟ့ၣ်အီၤဆူ ယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်န့ၣ်လီၤ. တၢ်လိးက့ၤအံၤတၢ်ကဘၣ်တၢ်ပာ်ဖှိၣ်အါထီၣ်အီၤဒီးသိဖါလၢကဘၣ် တၢ်သူအီၤလၢတၢ်မၤတၢ်ဘူၣ်တၢ်ဘါအလုၢ်အလီၢ်အတၢ်မၤကဆှီထီၣ် က့ၤလၢပှၤတဂၤန့ၣ်အတၢ်ကမၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 12:26

သုတၢ်လုၢ်တၢ်ပာ်တဖၣ်ဒီးသုတၢ်မၤဘူၣ်တဖၣ်လၢသုအၢၣ်လီၤတ့ၢ် ဒီးယွၤန့ၣ်လဲၤစိာ်အီၤဆူတၢ်ဘူၣ်ထီၣ်ဘါထီၣ်အလီၢ်တတီၤန့ၣ်တ က့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 6:3

အဝဲသ့ၣ်စံးဆၢဝဲဒၣ်, “သုမ့ၢ်ဆှၢက့ၤကီၢ်အံၣ်စရ့လးအကစၢ် ယွၤအတလါစီဆှံဒီးအလီၢ်အိၣ်ဝဲလၢသုကဘၣ်ဟ့ၣ်ဃုာ်ဒီး တၢ်ဟ့ၣ်ကနၢၤတမံၤဆူအအိၣ်သပှၢ်ကတၢၢ်လၢ တၢ်လိးက့ၤသုတၢ်ဒဲးဘးအဂီၢ် လီၤ. ယွၤအတၢ်အၢၣ်လီၤအီလီၤအတလါစီဆှံန့ၣ်တၢ်ဟ့ၣ်ကနၢၤမ့ၢ် တအိၣ်နီတမံၤဒီး တဘၣ်က့ၤကဒါက့ၤဝဲဘၣ်. လၢကျဲဒ်အံၤန့ၣ်သု ကဘၣ်တၢ်မၤဘျါက့ၤသုဒီးသုကနၢ်ပၢၢ်လၢဘၣ်မနုၤအဃိအဝဲစံၣ်ညီၣ် သုတဘိယူာ်ဃီလဲၣ်အဂ့ၢ်န့ၣ်လီၤ.”