လံာ်တၢ်ဘူၣ်ထီၣ်ဘါထီၣ် 5:11 - Sgaw Karen Common Bible

¹¹ ဘၣ်ဆၣ်ဒီးလုၢ်ထီၣ်ဝဲထိၣ်လွံၢ်ဘုၣ်ခံဘ့ၣ်မ့ၢ်ဂ့ၤ, ထိၣ်ကးက့ၣ်ခံဘ့ၣ်မ့ၢ်ဂ့ၤမ့ၢ်တန့ၢ်ဘၣ်ဒီးကဘၣ်ဟဲစိာ်ဝဲကိၣ် ကမူၣ်လၢအဂ့ၤတအ့ဖးဆံဆဲၣ်ပူတပူလၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. တဘၣ်ဒၢနုာ်ဝဲသိမ့ၢ်ဂ့ၤ, တၢ်နၢမူမ့ၢ်ဂ့ၤဘၣ်, မ့ၢ်လၢအမ့ၢ်တၢ်လုၢ်တၢ်ပျၢ်တၢ်ဒဲးဘးဒီးတမ့ၢ်တၢ်လုၢ်ဘုဧိၤ ဟုဧိၤအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:11 Iomraidhean Croise

လံာ်တၢ်ဟးထီၣ်ကွံာ် 16:18

တုၤအဝဲသ့ၣ်ဃီၣ်ကွၢ်ဝဲဒီး, ပှၤလၢအပာ်ဖှိၣ်တၢ်အါန့ၢ်အတၢ် တအိၣ်အါကဲၣ်ဆိးဘၣ်ဒီးပှၤလၢအပာ်ဖှိၣ်တၢ်စှၤန့ၢ်အတၢ်တအိၣ် စှၤကဲၣ်ဆိးဒီးအီၤဘၣ်လီၤ. ပှၤတဂၤစုာ်စုာ်ပာ်ဖှိၣ်တၢ်ထဲသိးဒၣ်အလိၣ်ဘၣ်ဝဲန့ၣ်လီၤ.

လံာ်တၢ်ဟးထီၣ်ကွံာ် 16:36

(နီၣ်ထိၣ်လၢတၢ်ဃီၣ်အဃ့ထီအဂီၢ်ဖဲစိၤအဝဲန့ၣ်မ့ၢ်, တဧိၤမ့ၢ်ပှဲၤသိးတအ့ဖးဆံဆဲၣ်ပူတပူန့ၣ်လီၤ.)

လံာ်တၢ်ဘူၣ်ထီၣ်ဘါထီၣ် 1:14

ဒီးပှၤတဂၤအံၤမ့ၢ်လုၢ်ထီၣ်ထိၣ်ဒ်တၢ်လုၢ်မ့ၣ်အူအသိးန့ၣ်ကဘၣ် မ့ၢ်ထိၣ်လွံၢ်ဘုၣ်, မ့တမ့ၢ်ထိၣ်ကးက့ၣ်ဖိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:8

ပိာ်မုၣ်လၢအလုၢ်ထီၣ်သိဖိတန့ၢ်န့ၣ်ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ခံဘ့ၣ်န့ၣ်လီၤ. တဘ့ၣ်န့ၣ်လၢတၢ်လုၢ်မ့ၣ်အူ အဂီၢ်ဒီးအဂၤတဘ့ၣ်န့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်အတၢ်လုၢ်မၤဘူၣ်ဆူ ယွၤအအိၣ်လၢတၢ်မၤကဆှီထီၣ်က့ၤအီၤအဂီၢ်ဒီးကကဆှီထီၣ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 14:21

ဒီးပှၤတဂၤန့ၣ်မ့မ့ၢ်ပှၤအဖှီၣ်ဒီးမၤဝဲမ့ၢ်တန့ၢ် ဘၣ်န့ၣ်ကဘၣ်ဟဲစိာ်ဝဲလၢတၢ်မၤကဆှီထီၣ်က့ၤအီၤအဂီၢ်ထဲသိဖါ ဖိတဒုဧိၤဒ်တၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ်ကမၣ်အဂီၢ်, ဒီးတၢ်ဟ့ၣ်လီၤဆီတမံၤဆူယွၤအအိၣ်လၢပှၤလုၢ်တၢ်အခိၣ်အဂီၢ် န့ၣ်လီၤ. ဒီးကဘၣ်ဟဲစိာ်ဝဲကိၣ်ကမူၣ်အဃၢလီၤတယၢၢ် တအ့စရိၣ်လၢ အဃါဃုာ်အသးဒီးသ့ၣ်စၤယံးအသိလၢတၢ်လုၢ်မၤဘူၣ်ဘုဧိၤဟုဧိၤအဂီၢ် ဒီးသ့ၣ်စၤယံးအသိတလိာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:8

ဒီးပှၤလၢအအၢၣ်လီၤအသးတဂၤမ့ၢ်ဖှီၣ် ဝဲဒီးဟ့ၣ်အပှ့ၤလၢတၢ်ပာ်အီၤမ့ၢ်တန့ၢ်န့ၣ်အဝဲကဘၣ်ဟဲဆူပှၤ လုၢ်တၢ်အခိၣ်အအိၣ်, ဒီးပှၤလုၢ်တၢ်အခိၣ်ကဘၣ်မၤစှၤလီၤအပှ့ၤထဲသိးဒီးအဝဲ ဟ့ၣ်ဝဲန့ၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:12

ဒီးကဘၣ်ဟဲစိာ်ဝဲဆူပှၤလုၢ်တၢ်အခိၣ်အအိၣ်လၢအကဟံးန့ၢ်ကိၣ် တစှီၤဒ်တၢ်ပနီၣ်လၢအဘၣ်တၢ်လုၢ်ထီၣ်တ့ၢ်လံအီၤခဲလၢာ်ဆူယွၤ အသိးဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်န့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ဒဲးဘးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:6

ဒီးကဘၣ်ဟဲစိာ်သိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤ, အမိၢ်တဒု လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဆူယွၤအအိၣ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အဂီၢ်ဒီးအတၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:9

ဒီးကဘၣ်ဖှံတၢ်သွံၣ်တနီၤဖဲတၢ်လုၢ်လီၢ်ကပၤန့ၣ်လီၤ. တၢ်သွံၣ်အိၣ်လီၤတဲာ်တဖၣ်န့ၣ်ကဘၣ်တၢ်ဂၢ်လီၤအီၤဖဲတၢ်လုၢ်လီၢ် အခီၣ်ထံးန့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ဒဲးဘးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:20

ဘၣ်ဃးဒီးတၢ်ဖှူပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ် န့ၣ်လီၤ. မုၢ်တနံၤလၢအဒိးဘၣ်တၢ်ဖှူအီၤန့ၣ်, ကဘၣ်ဟဲစိာ်ကိၣ်ကမူၣ်လၢအဂ့ၤတအ့ဖးဆံဆဲၣ်ပူတပူ (ပှဲၤသိးဒီးတနံၤအတၢ် လုၢ်ဘုဧိၤဟုဧိၤ) ဆူယွၤအအိၣ်, တဝာ်န့ၣ်ကဘၣ်လုၢ်ထီၣ်ဝဲလၢမုၢ်ဂီၤဒီးတဝာ်လၢ မုၢ်ဟါန့ၣ်လီၤ.

လံာ်တၢ်ဂံၢ် 5:15

လၢတၢ်မၤအသးဒ်သိးအံၤတခါဂ့ၤတခါဂ့ၤအပူၤန့ၣ်ပှၤပိာ်ခွါ တဂၤန့ၣ်ကဘၣ်လဲၤကိးအမါဆူပှၤလုၢ်တၢ်အခိၣ်အအိၣ်လီၤ. အဝဲကဘၣ်လဲၤစိာ်ဃုာ်စ့ၢ်ကီးဘုမုယီၤအကိၣ်ကမူၣ်လီၤတယၢၢ် တအ့ဖးဆံဆဲၣ်ပူတပူဒ်တၢ်လီၤဘၣ်အီၤအသိးလၢတၢ်လုၢ်မၤဘူၣ် အဂီၢ်, ဘၣ်ဆၣ်ဒီးတဘၣ်လူလီၤသ့ၣ်စၤယံးအသိလၢကိၣ်ကမူၣ် အဖီခိၣ်မ့ၢ်ဂ့ၤ, တဘၣ်ပာ်ထီၣ်တၢ်နၢမူမ့ၢ်ဂ့ၤလၢကိၣ်ကမူၣ်အလိၤ မ့ၢ်ဂ့ၤဘၣ်. အဂ့ၢ်ဒ်အံၤ, တၢ်န့ၣ်မ့ၢ်တၢ်လုၢ်မၤဘူၣ်တမံၤလၢဝၤတဂၤလၢ အသးဒ့ဒီမၤဝဲဒ်သိးကမၤဖျါထီၣ်တၢ်မ့ၢ်တၢ်တီအဂီၢ်န့ၣ်လီၤ.

လံာ်လူၤကၣ် 2:24

အဝဲသ့ၣ်လဲၤစ့ၢ်ကီးဒ်သိးအကလုၢ်ထီၣ်ပာ်ထီၣ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ဖိခံဘ့ၣ်, ဒ်ကစၢ်ယွၤအတၢ်သိၣ်တၢ်သီစံးပာ်ဝဲအသိးန့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ဧ့ၤဘြံၤ 9:22

နီၢ်နီၢ်တခီဖဲအဘၣ်ဃးတၢ်သိၣ်တၢ်သီန့ၣ်, တၢ်ခဲလၢာ်ဃၣ်ဃၣ်ဘၣ်တၢ်မၤကဆှီအီၤလၢတၢ်သွံၣ်ဒီးတၢ်သွံၣ် တဘၣ်တၢ်ဂၢ်လီၤအီၤဘၣ်ဒီးတၢ်ပျၢ်တၢ်ဒဲးဘးတအိၣ်ဘၣ်လီၤ.